Հրշեջ մեքենա

Կարբի գյուղի տներից մեկում գազի արտահոսք ու հրդեհ է գրանցվել. վիրավորների թվում երեխա կա

76
(Թարմացված է 13:18 26.07.2020)
Մինչ փրկարարների՝ կանչի վայր հասնելը տուժածները տեղափոխվել են Աշտարակի ԲԿ, այնուհետև՝ մայրաքաղաք։

ԵՐԵՎԱՆ, 26 հուլիսի - Sputnik. Արագածոտնի մարզի Կարբի գյուղի տներից մեկում արտակարգ դեպք է գրանցվել։ ԱԻՆ մամուլի ծառայությունը հաղորդում է, որ այսօր՝ ժամը 10։22-ին, Ճգնաժամային կառավարման ազգային կենտրոն ահազանգ է ստացվել, որ Կարբի գյուղի 2-րդ փողոցի տներից մեկում 20 կիլոգրամանոց գազի բալոնից տեղի է ունեցել արտահոսք՝ հրդեհի բռնկմամբ։

«Դեպքի վայր է մեկնել ԱԻՆ ՓԾ Արագածոտնի մարզային փրկարարական վարչության հրշեջ-փրկարարական ջոկատից մեկ մարտական հաշվարկ»,- նշված է հաղորդագրության մեջ։

Դեպքի վայրում պարզվել է, որ 10 կիլոգրամանոց գազի բալոնից տեղի է ունեցել արտահոսք՝ հրդեհի բռնկմամբ։ Տեղի ունեցածի հետևանքով բնակիչներ` 33-ամյա Սարգիս Ս․-ն և 9-ամյա Արտակ Ս․-ն ստացել են այրվածքներ։

Մինչ փրկարարների՝ կանչի վայր հասնելը տուժածները տեղի ուժերով տեղափոխվել են Աշտարակի ԲԿ, այնուհետև՝ «Արմենիա» հանրապետական բժշկական կենտրոն

ԱԻՆ-ից տեղեկացնում են նաև, որ տանը բռնկված հրդեհը մեկուսացվել է ժամը 10:29-ին, մարվել` 10:31-ին:

Դանակահարություն Էրեբունիում. երկու երիտասարդ կրծքավանդակի վնասվածքով հիվանդանոցում են

76
թեգերը:
Արագածոտնի մարզ, Վիրավոր, երեխա, ՀՀ արտակարգ իրավիճակների նախարարություն (ԱԻՆ), գազի արտահոսք, հրդեհ, Հայաստան
թեմա:
Վթար, պատահար, սպանություն, գողություն (2768)
Ըստ թեմայի
Ադրբեջանցիների հարձակումից տուժած հայերը դիմել են կոչով. տեսանյութ
321 նոր դեպք` մեկ օրում. Հայաստանում կորոնավիրուսով վարակվածների թիվը դարձավ 37 317
Կորոնավիրուսից Հայաստանում ևս 5 մարդ է մահացել․ ամենաերիտասարդը 63 տարեկան կին է
Քոբայրի վանք

Քոբայրից Հոռոմայրի վանք տանող ճանապարհին քաղաքացիներ են մոլորվել

30
(Թարմացված է 22:08 26.09.2020)
Մոլորված քաղաքացիներին գտնելու համար դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

ԵՐԵՎԱՆ, 26 սեպտեմբերի – Sputnik. Քոբայրավանքից Հոռոմայրի վանք տանող ճանապարհին այսօր քաղաքացիներ են մոլորվել։ Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։

Լոռու մարզային ճգնաժամային կառավարման կենտրոնն ահազանգը ստացել է ժամը 20։21-ին։

Արարատում «Կամազը» բախվել է ուղեփակոցին

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Ավտովթար-հրդեհ Երևանում. վարորդը BMW-ով տապալել է հաստաբուն ծառն ու բախվել մեկ այլ ծառի

 

30
թեգերը:
ՀՀ արտակարգ իրավիճակների նախարարություն (ԱԻՆ), Քոբայր, Հայաստան
Ըստ թեմայի
«Բալես, ո՞ւր գնանք, տուն չունենք». Պտղունքում հրդեհի հետևանքով 14 ընտանիք անօթևան մնացին
Վրաերթ Երևանում. հետիոտնը մահացել է հիվանդանոցում
Կին վարորդը աղջկա է վրաերթի ենթարկել Երևանում
Կին վարորդը աղջկա է վրաերթի ենթարկել Երևանում

Կին վարորդը աղջկա է վրաերթի ենթարկել Երևանում

87
(Թարմացված է 18:46 26.09.2020)
Վարորդը փախուստի չի դիմել, ահազանգել է շտապօգնություն, օգնել է, որ աղջկան հասցնեն հիվանդանոց, հետո զանգել է ոստիկանություն:

ԵՐԵՎԱՆ, 26 սեպտեմբերի – Sputnik. Երևանի Ագաթանգեղոսի փողոցում՝ կրկեսի շենքի մոտակայքում, այսօր վրաերթ է տեղի ունեցել։ Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։

«Nissan Tiida» մակնիշի ավտոմեքենան (վարորդ՝ 27-ամյա Ռոզա Ա․), վրաերթի է ենթարկել 21-ամյա Մարինե Ի․-ին։ Դեպքը տեղի է ունեցել  ժամը 17։25-ին։

Փրկարարները տուժածին մոտեցրել են շտապօգնության ավտոմեքենային․ վերջինս հոսպիտալացվել է «Հերացի» թիվ 1 հիվանդանոցային համալիր։

Shamshyan.com–ն էլ գրում է, որ կին վարորդը փախուստի չի դիմել, ահազանգել է շտապօգնություն, բժիշկներին օգնել է վիրավորին տեղափոխել հիվանդանոց, հետո էլ զանգել է ոստիկանություն:

Արարատի մարզում 10 տարեկան աղջիկ է վրաերթի ենթարկվել

87
թեգերը:
Վրաերթ, Կին, Հայաստան
թեմա:
Վթար, պատահար, սպանություն, գողություն (2768)
Ըստ թեմայի
Երևանի դպրոցներից մեկի բակում 15-ամյա տղան դանակահարել է համադասարանցուն
Արարատում «Կամազը» բախվել է ուղեփակոցին
Վրաերթի ենթարկված 3 աղջիկներին հետազոտել են. մանրամասներ նրանց առողջական վիճակից
Մահվան ելքով վրաերթ Արմավիրում. վարորդը փախուստի չի դիմել, բայց տուժածին փրկել չի հաջողվել
Անվտանգության խորհրդի նիստ

Կայացել է ՀՀ Անվտանգության խորհրդի նիստը

0
(Թարմացված է 15:54 27.09.2020)
Նիստում քննարկվել են Զինված ուժերի կողմից ադրբեջանական ագրեսիային արժանի հակահարված տալուն և հետագա քայլերին վերաբերող հարցեր։

ԵՐԵՎԱՆ, 27 սեպտեմբերի– Sputnik. Վարչապետ Նիկոլ Փաշինյանի գլխավորությամբ կառավարությունում տեղի է ունեցել Անվտանգության խորհրդի արտահերթ նիստ։ Վարչապետի մամուլի խոսնակ Մանե Գևորգյանի տեղեկացմամբ` բացի ԱԽ անդամներից նիստին մասնակցել են նաև ՀՀ նախագահ Արմեն Սարգսյանը, Ազգային ժողովի նախագահ Արարատ Միրզոյանը, վարչապետի աշխատակազմի ղեկավար Էդուարդ Աղաջանյանը, արտակարգ իրավիճակների նախարար Ֆելիքս Ցոլակյանը:

«Նիստի ընթացքում անդրադարձ է կատարվել ղարաբաղա-ադրբեջանական սահմանագոտում հակառակորդի կողմից սանձազերծված ռազմական լայնամասշտաբ գործողություններին հակազդելուն, Զինված ուժերի կողմից դրանց արժանի հակահարված տալուն և հետագա քայլերին վերաբերող հարցեր»,– գրել է Գևորգյանը Facebook-ի իր պաշտոնական էջում։

ԱԺ-ն հատուկ նիստ կգումարի. ՀՀ-ում հայտարարվում է ռազմական դրություն և ընդհանուր զորահավաք

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:
Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։

Արցախում և Հայաստանում ռազմական դրություն և համատարած զորահավաք է հայտարարվել։

0
թեգերը:
Նիկոլ Փաշինյան, հայ-ադրբեջանական, Անվտանգության խորհուրդ
թեմա:
Ադրբեջանական ագրեսիա Արցախում. 2020
Ըստ թեմայի
Վիրավոր երեխաներ ու երիտասարդներ, վնասված տներ. լուսանկարներ Արցախից
Ադրբեջանցիները կեղծ հաղորդագրություններ են ուղարկում. ԱԱԾ-ն հորդորում է զգոն լինել
Արցախն իրացնում է ինքնապաշտպանության իր անքակտելի իրավունքը. ԱՀ ԱԳՆ