Շտապօգնության մեքենա. արխիվային լուսանկար

Mercedes–ների վթար Երևանում. կան տուժածներ

65
(Թարմացված է 09:51 03.06.2020)
Բախվել են 21–ամյա վարորդի Mercedes B Class և 27–ամյա վարորդի Mercedes C Class մեքենաները։

ԵՐԵՎԱՆ, 3 հունիսի — Sputnik. Երեկ՝ հունիսի 2-ին, ավտովթար է տեղի ունեցել Երևանում։ Կան տուժածներ։ Տեղեկությունը հայտնում է shamshyan.com–ը։

Նշվում է, որ ժամը 23։25-ի սահմաններում Երվանդ Քոչար-Վարդանանց փողոցների խաչմերուկում բախվել են 21-ամյա Ադվին Մ-ի վարած Mercedes B Class մակնիշի և 27-ամյա Կոմիտաս Պ-ի վարած Mercedes C Class մակնիշի ավտոմեքենաները։

Վթարի հետևանքով 3 մարդ մարմնական վնասվածքներով տեղափոխվել են թիվ 1 համալսարանական հիվանդանոց։

Դեպքի վայր է ժամանել Արտակարգ իրավիճակների նախարարության Փրկարար ծառայության հրշեջ փրկարարական ջոկատը՝ 1 մարտական հաշվարկով։

Փրկարարները հոսանքազրկել են ավտոմեքենաները, փակել գազաբալոնն ու սահմանազատել տարածքը։

Սարսափելի պատահար Երևանում. կանայք հարվածից շպրտվել են հանդիպակաց գոտի

65
թեգերը:
Երևան, ավտովթար, վթար
Ըստ թեմայի
Խոշոր վթար Երևանի մերձակայքում. բախվել են Գագիկ Ծառուկյանի «Maybach»-ն  ու «06»-ը
Արմավիրում վթարի հետևանքով մայր ու որդի տեղում մահացել են. այրիացած հարսը 18 տարեկան է
Ողբերգական վթար Արարատի մարզում․ «Opel»-ի 47-ամյա վարորդը մահացել է
Մոր և մանկան ավստրիական մանկական հիվանդանոց

Գյումրիում 4-րդ հարկից երեխա է ընկել. նրան շտապ տեղափոխում են Երևան

466
Բնակարանից ընկած փոքրիկին հիվանդանոց են տեղափոխել ծնողները։ Նրա վիճակը գնահատվում է ծայրահեղ ծանր:

ԵՐԵՎԱՆ, 15 հուլիսի – Sputnik. Այսօր Գյումրում 8-րդ զինվորական թաղամասի շենքերից մեկի 4-րդ հարկից 6 տարեկան երեխա է ընկել։

Կյանքի վերջին սելֆին. Կրասնոյարսկում ընկերները նկարել են՝ ինչպես է կինն ընկնում ժայռից

Տղային Գյումրու «Մոր և մանկան ավստրիական մանկական հիվանդանոց» են տեղափոխել ծնողները։ Հիվանդանոցի տնօրեն Ժորժիկ Սերոբյանը Sputnik Արմենիային տեղեկացրեց, երեխայի վիճակը գնահատվում է ծայրահեղ ծանր:

«Երեխան ընդունվել է գանգուղեղային ծանր վնասվածքով, առանց գիտակցության, ունեցել է գանգի բազմակի կոտրվածքներ, գլխուղեղային ծանր վնասվածք: Որոշվել է նրան տեղափոխել Երևան», – ասաց Սերոբյանը:

Երեխային կտեղափոխեն Երևանի «Սուրբ Աստվածամայր» բժշկական կենտրոն։

Երևանում կաթվածով տղամարդուն հիվանդանոց տեղափոխող շտապօգնության մեքենան վթարի է ենթարկվել

466
թեգերը:
երեխա, Գյումրի, Հայաստան
թեմա:
Վթար, պատահար, սպանություն, գողություն
Ըստ թեմայի
Տներն ու նկուղները ջուր է լցվել․ 125 կանչ Գյումրիում՝ անձրևից ու կարկուտից հետո
ՃՏՊ Երևան-Գյումրի ճանապարհին․ տուժածներից մեկը 1 տարեկան տղա է
Դժբախտ պատահար Մոսկվայում. հարսնացուն մահացել է հարսանեկան խնջույքի ժամանակ
 Ոստիկանները՝ Մաշտոցի փողոցում գտնվող «Կապույտ մզկիթի» մոտ

«Կապույտ մզկիթում» ռումբի տեղադրման մասին ահազանգը կեղծ էր

49
(Թարմացված է 13:25 15.07.2020)
Արտակարգ իրավիճակների նախարարությունը հաղորդել է, որ ռումբի տեղադրման մասին ահազանգի ժամանակ մզկիթում ոչ մի քաղաքացի չի եղել:

ԵՐԵՎԱՆ, 15 հուլիսի - Sputnik. Երևանի «Կապույտ մզկիթում» ռումբի տեղադրման մասին ահազանգը պարզվեց՝ կեղծ էր: Այս մասին լրագրողների հետ զրույցում ասաց Արտակարգ իրավիճակների նախարարության ներկայացուցիչ Կարապետ Հարությունյանը:

«Արտակարգ իրավիճակների նախարարությունը ահազանգ է ստացել տեղադրված ռումբի մասին, անմիջապես դեպքի վայր են ժամանել փրկարարները: Նրանք զննել են ամբողջ տարածքը՝ ինչպես ներսից, այնպես էլ դրսից: Զննել ենք անգամ նկուղն ու տանիքը»,- ասաց նա՝ նշելով, որ ոչինչ չեն հայտնաբերել:

Ըստ Հարությունյանի՝ ահազանգի պահին մզկիթի տարածքում քաղաքացիներ չեն եղել:

Դեպքի վայր են մեկնել նաև փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի կինոլոգիական և Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական խմբերը։

Նշենք, որ «Կապույտ մզկիթը» Երևանի ամենահին ճարտարապետական հուշարձաններից մեկն է։

Ինչ է կատարվում Երևանի «Կապույտ մզկիթի» դռներից այն կողմ. լուսանկարներ

Հուսեյն-Ալի խան Քաջարը մզկիթը կառուցել է 1766 թվականին։ 7000 քմ տարածքով համալիրն ունի ներքին բակ, ծիսական շինություն, գմբեթ և մինարեթ։ Ընդհանուր առմամբ կա 28 սրահ, իսկ հյուսիսային մասում տեղակայված է գրադարանը։ 1991 թվականից Իրանը 100 տարի ժամկետով վարձակալել է մզկիթն ու դրա տարածքը։

Մզկիթի սենյակներից մի քանիսը դասարաններ են, որտեղ հայերը պարսկերեն են սովորում, իսկ իրանցիները` հայերեն։

49
թեգերը:
ահազանգ, մզկիթ, ռումբ, ՀՀ արտակարգ իրավիճակների նախարարություն (ԱԻՆ)
թեմա:
Վթար, պատահար, սպանություն, գողություն
Ըստ թեմայի
Կրկին ահազանգ ռումբի մասին. ԱԻՆ–ն «Աջարաբեթի» գրասենյակում է
«Մեգամոլ» առևտրի կենտրոնում ռումբ չի հայտնաբերվել. ահազանգերից մեկը կեղծ էր
«Դալմա Գարդեն մոլից» մարդկանց տարհանում են. ԱԻՆ-ը ռումբի մասին ահազանգ ունի
Ռումբի մասին կեղծ ահազանգեր. փրկարարական ու ոստիկանական գործողությունները՝ տեսանյութով
Տղամարդը The Guardian է կարդում. արխիվային լուսանկար

Ինչպես են լուսաբանում հայ-ադրբեջանական հակամարտությունը միջազգային մամուլում

0
(Թարմացված է 23:12 15.07.2020)
Անգլիական ու ամերիկյան պարբերականներն ընդհանուր առմամբ չեզոք են լուսաբանում հակամարտությունը, թուրքական ու պակիստանյան լրատվամիջոցներն ադրբեջանամետ են։ Իսկ ահա Հնդկաստանում ու Հունաստանում այլ կերպ են տեսնում հակամարտությունը։

ԵՐԵՎԱՆ, 15 հուլիսի – Sputnik. Հայաստանի ու Ադրբեջանի սահմանային բախումները տարբեր արձագանք են ունեցել համաշխարհային ԶԼՄ-ներում։

Անգլիական ու ամերիկյան պարբերականներն ընդհանուր առմամբ չեզոք են լուսաբանում իրադարձությունները։

ԱՄՆ Պետդեպարտամենտը դատապարտել է հարձակումները, կոչ արել երկու կողմերին դադարեցնել ուժ կիրառել ու ավելացրել, որ ակտիվորեն ներգրավվելու է խաղաղ համաձայնության հասնելու գործընթացին։

New York Times-ը մեջբերել է ՀՀ պաշտպանության նախարարության մամուլի խոսնակ Շուշան Ստեփանյանի մեկնաբանությունը, որում նշված է, որ Ադրբեջանի զինված ուժերը որպես կենդանի վահան են օգտագործում իրենց իսկ խաղաղ բնակչությանը։ Հայաստանի սահմանից տասը կիլոմետր հեռավորության վրա գտնվող Դոնդար Ղուշչու գյուղը շրջապատված է ադրբեջանական հրետանու մարտկոցներով։

«Ադրբեջանական կողմը սեփական բնակչությանը շրջապատել է հրետանային մարտկոցներով` դարձնելով թիրախ, ու բողոքում է, որ ՀՀ ԶՈւ-ից այդ ուղղությամբ կրակ է արձակվել»,-ասված է հաղորդագրության մեջ», - մեջբերում է New York Times-ը Ստեփանյանի խոսքերը։

Թերթը մեջբերում է նաև ադրբեջանական կողմի մեկնաբանությունը։

Թուրքական պարբերականները, բնականաբար, բացահայտ ադրբեջանամետ են։ Դա նկատվում է նույնիսկ այն թերթերի դեպքում, որոնք պաշտոնապես ձգտում են օբյեկտիվ մնալ, մասնավորապես՝ Daily Sabah-ը հուզական սահմանումներ չի տալիս, սակայն ներկայացնում է միայն ադրբեջանական, թուրքական ու ռուսական տեսակետը։ Պաշտոնական Երևանի տեսակետը ոչ մի կերպ ներկայացված չէ։

Ակնկալելի արձագանք են տվել պակիստանյան պարբերականները (Պակիստանն այն քիչ երկրներից է, որը չի ճանաչում Հայաստանը)։

«Պակիստանի ԱԳՆ-ն հայտնել է, որ այդ միջադեպը Հայաստանի փորձն էր` խանգարելու հակամարտության խաղաղ կարգավորման բանակցային գործընթացին, որը նշված է ՄԱԿ-ի Անվտանգության խորհրդի բանաձևերում», - նախարարության հաղորդագրությունը մեջբերում է Tribune տեղական թերթը։

Պակիստանցի դիվանագետները «մոռացել» են, որ միայն ԵԱՀԿ Մինսկի խումբը հակամարտության միջնորդ լինելու մանդատ ունի։

Այլ կերպ են իրադարձությունները լուսաբանվում Հնդկաստանում, որն ի դեպ՝ Պակիստանի հետ նույն հարաբերությունների մեջ է, ինչ Հայաստանն ու Ադրբեջանը։ Ի տարբերություն արևմտյան բազում պարբերականների, The Indian Express հնդկական թերթը գրում է, որ Լեռնային Ղարաբաղում հանրաքվե է անցկացվել, որը չի ճանաչվել Ադրբեջանի կողմից, ինչպես նաև այն, որ բնակչության գերակշիռ մասն այստեղ եղել և մնում են հայերը։

Պարբերականը մեջբերում է նաև ՀՀ պաշտպանության նախարար Դավիթ Տոնոյանի խոսքերն այն մասին, որ հայկական բանակը հարվածներ չի հասցնում խաղաղ բնակիչներին, այլ միայն ինժեներական կառույցներն ու Ադրբեջանի ԶՈւ օբյեկտներն է թիրախավորում։

Հունական պարբերականների դիրքորոշումը նույնպես ցույց է տալիս վերաբերմունքը և՛ Հայաստանի, և՛ Թուրքիայի հանդեպ։ Իրադարձություններին անդրադառնալիս Greek City Times-ը հոդվածի հետ Երևանի զինվորական շքերթի լուսանկարն է հրապարակվել՝ ծածանվող հայկական դրոշներով։

«Հայաստանի պաշտպանության նախարարության խոսքով՝ Ադրբեջանի գնդակոծել է հայկական դիրքերը։ Վարչապետ Նիկոլ Փաշինյանը կառավարությունում հայտնել է, որ Ադրբեջանի սադրանքներն անպատասխան չեն մնա։ Նա ավելացրել է, որ հայկական ուժերը չեն գնդակոծել խաղաղ թիրախները։ Ինչ վերաբերում է Թուրքիայի ԱԳՆ-ին, զարմանալի չէ, որ նրանք Ադրբեջանին սատարող հայտարարություն են արել, քանի որ դա էլ է թյուրքական երկիր», - գրում է հունական պարբերականը։

Հիշեցնենք` հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմանում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել:

Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր: Դրանից հետո ադրբեջանական ԶՈՒ-ն պարբերաբար կրակ է արձակում ինչպես հայ դիրքապահների, այնպես էլ գյուղերի ուղղությամբ։

Հայկական կողմն ունի 4 զոհ և 10 վիրավոր։ Ադրբեջանը պաշտոնապես հայտարարել է 11 զոհի մասին, նրանց թվում է գեներալ-մայոր Փոլադ Հաշիմովը։

Կիպրոսի ԱԳ նախարարը դատապարտել է ՀՀ-ի նկատմամբ ադրբեջանական ագրեսիան

0
թեգերը:
Թուրքիա, Հունաստան, Հնդկաստան, Իսրայել, հայ-ադրբեջանական, ադրբեջանցի, Ադրբեջան, հայ, ԶԼՄ
Ըստ թեմայի
«Հիմա պետք չէ մեղավորներ փնտրել». Մատվինեկոն` հայ–ադրբեջանական սահմանի լարվածության մասին
Ներքին Խնձորեսկի անհետացած բնակիչը հայտնվել է Ադրբեջանի տարածքում
Մեր դռան առջև նորից վտանգն է և թշնամին. ՀՀ նախագահը միասնության կոչ է արել