Շտապօգնության մեքենա. արխիվային լուսանկար

Արմավիրում վթարի հետևանքով մայր ու որդի տեղում մահացել են. այրիացած հարսը 18 տարեկան է

1819
(Թարմացված է 16:54 10.05.2020)
Մահացած վարորդի 18-ամյա կինը հոսպիտալացվել է Վաղարշապատի բժշկական կենտրոն։ Նախնական վարկածով` վթարի պատճառ է դարձել ճանապարհի հանդիպակաց գոտի դուրս եկած BMW- ն։

ԵՐԵՎԱՆ, 10 մայիսի-Sputnik. Այսօր՝ կեսգիշերից րոպեներ անց, ողբերգական ավտովթար տեղի է ունեցել Արմավիրի մարզում։ shamshyan.com-ը հաղորդում է, որ 00:15-ի սահմաններում Վարդանաշեն-Երասխահուն ավտոճանապարհի 1-ին կմ հատվածում բախվել են Երասխահուն գյուղի բնակիչ, 27-ամյա Իսլամ Շաբաբյանի վարած ВАЗ 2107 և Մարգարա գյուղի բնակիչ Հայկ Խաչատրյանի վարած BMW մակնիշի ավտոմեքենաները:

Բախման հետևանքով 2 ավտոմեքենաները դուրս են եկել ճանապարհի երթևեկելի հատվածից և հայտնվել դաշտում: ВАЗ 2107-ը կողաշրջվել է: Վթարի հետևանքով 07-ի վարորդ Ի. Շաբաբյանն ու նրա ուղևորը՝ Երասխահուն գյուղի 66-ամյա բնակչուհի Ազնիվ Ուզոևան տեղում մահացել են։

Ավտոմեքենայի մյուս ուղևորը՝ Երասխահուն գյուղի 18-ամյա բնակչուհի Ռուզաննա Բաքոյանը, մարմնական վնասվածքներով տեղափոխվել է «Վաղարշապատ» բժշկական կենտրոն։

Խոշոր վթար Հրազդան-Հանքավան ճանապարհին․ կա 1 զոհ և 4 վիրավոր

Հոսպիտալացման կարիք է ունեցել նաև BMW-ի վարորդ Հ. Խաչատրյանը. նա տեղափոխվել է «Արմավիր» բժշկական կենտրոն:

Ըստ սկզբնաղյուր կայքի՝ ВАЗ 2107-ի մահացած վարորդն ու ուղևորը մայր ու որդի էին, իսկ վիրավոր Ռուզաննա Բաքոյանը մահացած վարորդի կինն է:

Ըստ նախնական տեղեկությունների՝ ողբերգական ավտովթարի պատճառ է դարձել ճանապարհի հանդիպակաց գոտի դուրս եկած BMW- ն։

Խոշոր վթար «Եռաբլուր» զինվորական պանթեոնի մուտքի դիմաց. տուժածների վիճակը ծայրահեղ ծանր է

1819
թեգերը:
Արմավիրի մարզ, Արմավիր, մայր, վարորդ, Մահ, ավտովթար, վթար
թեմա:
Վթար, պատահար, սպանություն, գողություն (2448)
Ըստ թեմայի
Վթար Բագրատունյաց-Չեխով խաչմերուկում․ շտապօգնության վարորդն ու հիվանդը վնասվածքներ ունեն
Խոշոր վթար Երևանում․ վիրավորներից երկուսը երեխաներ են
Խոշոր վթար Երևանի մերձակայքում. բախվել են Գագիկ Ծառուկյանի «Maybach»-ն  ու «06»-ը
Հիվանդանոց

Գյումրիում թափառող շները հարձակվել են 2.5 տարեկան երեխայի վրա. նրա վիճակը ծանր է

228
(Թարմացված է 21:02 31.05.2020)
Երեխան գտնվում է վերակենդանացման բաժանմունքում, բժիշկները նրա վիճակը գնահատում են կայուն ծանր:

ԵՐԵՎԱՆ. 31 մայիսի - Sputnik. Գյումրիում մի խումբ թափառող շներ հարձակվել են 2.5 տարեկան երեխայի վրա և բազմաթիվ վնասվածքներ պատճառել նրան։ Երեխային ծանր վիճակում Գյումրիից տեղափոխել են Երևան: Այս մասին Facebook-ում հայտնել է «Սուրբ Աստվածամայր» ԲԿ մամուլի քարտուղար Գևորգ Դերձյանը:


«Երեխային բազմակի կծած վերքերով տեղափոխել են «Գյումրու Մոր և մանկան ավստրիական հիվանդանոց», որտեղ վիրահատվել է, այնուհետև շտապ տեղափոխվել Երևան՝ «Սուրբ Աստվածամայր» ԲԿ»,- գրել է Դերձյանը։

Գոռին տուն ճանապարհեցին. ինչերի միջով է անցել փոքրիկը հիվանդանոցային 9 ամիսների ընթացքում

«Սուրբ Աստվածամայր» ԲԿ-ում երեխային երկրորդ անգամ են վիրահատել: Նա ունի բազմաթիվ վնասվածքներ՝ դեմքի, վերջույթների և մարմնի այլ հատվածներում:

Այս պահին երեխան գտնվում է վերակենդանացման բաժանմունքում: Բժիշկները նրա վիճակը գնահատում են ծանր, բայց կայուն:

Էջմիածնում «Lexus»-ը վրաերթի է ենթարկել տատին և 2 թոռներին. վարորդը փախել է

228
թեգերը:
վիրահատություն, Գևորգ Դերձյան, Շուն, երեխա, Գյումրի, Հայաստան
թեմա:
Վթար, պատահար, սպանություն, գողություն (2448)
Ըստ թեմայի
Արմավիրում վթարի հետևանքով մայր ու որդի տեղում մահացել են. այրիացած հարսը 18 տարեկան է
Ողբերգական վթար Արարատի մարզում․ «Opel»-ի 47-ամյա վարորդը մահացել է
Խոշոր վթար «Եռաբլուր» զինվորական պանթեոնի մուտքի դիմաց. տուժածների վիճակը ծայրահեղ ծանր է
Խոշոր վթար Հրազդան-Հանքավան ճանապարհին․ կա 1 զոհ և 4 վիրավոր
Արմավիր ՔԿՀ, արխիվային լուսանկար

«Արմավիր» ՔԿՀ կարանտինային խցերից մեկում հայտնաբերվել է հարավկորեացի կալանավորի դին

99
(Թարմացված է 12:34 31.05.2020)
Դեպքի վայր մեկնած ոստիկաններն ու քննիչները պարզել են, որ բանտարկյալը ինքնասպանություն է գործել ճաղավանդակից կախվելու միջոցով:

ԵՐԵՎԱՆ, 31 մայիսի - Sputnik. Երեկ՝ մայիսի 30-ին, ինքնասպանություն է տեղի ունեցել Արմավիրի մարզում: Ժամը 08:30-ի սահմաններում ՀՀ արդարադատության նախարարության քրեակատարողական ծառայության «Արմավիր» քրեակատարողական հիմնարկից ոստիկանության Վաղարաշապատի բաժին ահազանգ է ստացվել, որ ՔԿՀ-ի խցերից մեկում կախված դի կա: Տեղեկությունը հայտնում է shamshyan.com-ը:

Դեպքի վայր է մեկնած ոստիկաններն ու քննիչները պարզել են, որ նույն օրը՝ ժամը 07:40-ի սահմաններում, նշված բանտի պատժի խցային մասնաշենքի կարանտինային թիվ 15 խցում ճաղավանդակից կախվելու միջոցով ինքնասպան է եղել Հարավային Կորեայի Հանրապետության քաղաքացի, 50-ամյա Կոնգ Ջանգ Հոնը:

Դատաբժիշկը, զննելով դին, հայտնել է, որ արտաքին զննությամբ դիակի վրա բռնության հետքեր չեն հայտնաբերվել: Քննիչի հանձնարարականով նշանակվել է դատաբժշկական փորձաքննություն: Աղբյուր տեղեկություններով՝ Կոնգ Ջանգ Հոնը մեղադրվում էր Հարավային Կորեայի Հանրապետության քրեական օրենսգրքի 347 (խարդախություն) հոդվածով: Փաստի առթիվ Վաղարշապատի քննչական բաժնում նյութեր են նախապատրաստվում:

«Նուբարաշեն» ՔԿՀ-ում կալանավորը հացադուլ է անում. որն է պատճառը

99
թեգերը:
կարանտին, Բանտ, Հարավային Կորեա, Դիակ, ինքնասպանություն, կալանավոր, Հայաստան
թեմա:
Վթար, պատահար, սպանություն, գողություն (2448)
Ըստ թեմայի
Երևանում մեկ օրում 2 երիտասարդի ինքնասպանության փորձ է կանխվել
«Բանակցեցին ավելի քան մեկ ժամ». ինչպե՞ս են ԱԻՆ հոգեբանները կանխում ինքնասպանության փորձերը
Երևանում փրկարարներն ու ոստիկաններն ինքնասպանության փորձ են կանխել
Արցախում մահացած զինծառայողի դեպքով քրգործ է հարուցվել ինքնասպանության հասցնելու հոդվածով
Արթուր Դավթյան

Զինծառայության հետ անմիջականորեն կապված մահվան դեպքերը 47 %-ով նվազել են. դատախազ

4
(Թարմացված է 13:56 01.06.2020)
2018-ի համեմատ, նախորդ տարի գրեթե կիսով չափ նվազել են հակառակորդի կրակոցներից մե զինծառայողների զոհվելու դեպքերը։

ԵՐԵՎԱՆ, 1 հունիսի - Sputnik. ՀՀ–ում և Արցախում 2019–ին արձանագրվել է 49 զինծառայողի մահվան դեպք, 2018–ին` 63 դեպք։ Վիճակագրությունը Ազգային ժողովի նիստի ժամանակ ներկայացրեց ՀՀ գլխավոր դատախազ Արթուր Դավթյանը։

«Նախորդ տարի արձանագրված 49 մահվան դեպքերից 20-ը կապված են եղել զինվորական ծառայություն անցնելու հետ, իսկ 29-ը զինվորական ծառայության հետ չկապված հանգամանքներիով են պայմանավորված եղել։ Իսկ 2018–ին աարձանագրված մահերից 38-ն է կապված եղել զինծառայության հետ, այսինքն` 2019-ին զինծառայության հետ անմիջականորեն կապված մահվան դեպքերը 47 %-ով նվազել են»,–ասաց նա։

ՀՀ գլխավոր դատախազի խոսքով` հատկանշական է, որ 2018-ի համեմատ, նախորդ տարի գրեթե կիսով չափ նվազել են հակառակորդի կրակոցից մեր զինծառայողների մահվան դեպքերը։ Բացի այդ, 36.4 տոկոսով էլ նվազել են ինքնասպանության կամ ինքնասպանության հասցնելու դեպքերը։ Իսկ սպաների շրջանում 33 տոկոսով նվազել են հանցավորության մակարդակը։

Մարտական դիրքում զինվոր է սպանվել. հարուցվել է քրեական գործ

Դավթյանը նշեց, որ չնայած հանցագործությունների նվազմանը, 2020-ի հիմնական առաջնահերթություններից է բանակում քրեական ենթամշակույթի դեմ պայքարը։

Նա հայտնեց նաև, որ ԶՈՒ–ում կոռուպցիայի դեմ պայքարը նույնպես շարունակվում է` 2019-ին դատախազական ներգործության կիրառմամբ վերականգնվել է պետությանը պատճառված վնասի 1.2 մլրդ դրամ։

Հիշեցնենք, որ 2020թ.–ի հունվարի 1-ից մինչև փետրվարի 16–ն ընկած ժամանակահատվածում ՀՀ զինված ուժերում և ԱՀ պաշտպանության բանակում գրանցվել է 13 զոհ: Ընդ որում՝ զինծառայողները չեն զոհվել հակառակորդի կրակոցի հետևանքով: Պաշտոնական տեղեկության համաձայն՝ մահացության դեպքերը եղել են հիվանդության կամ դժբախտ պատահարի հետևանք։ Ըստ պաշտոնական վարկածի` եղել են նաև ինքնասպանություններ։

Դրանից հետ ՀՀ վարչապետ Նիկոլ Փաշինյանն Անվտանգության խորհրդի նիստ էր հրավիրել` քննարկելով մահվան դեպքերի պատճառներն ու նման դեպքերի կանխման հնարավոր եղանակները։

4
թեգերը:
ՀՀ Պաշտպանության նախարարություն (ՊՆ), Արցախ, կրակոց, Սպանություն, զինծառայող, ԱԺ, Արթուր Դավթյան, Հայաստան
Ըստ թեմայի
Զինվոր Սասուն Մարգարյանի մահվան գործով 2 զինծառայող է ձերբակալվել
Հայ–ադրբեջանական սահմանին պայմանագրային զինծառայող է վիրավորվել
Ադրբեջանական դիվերսիոն գործողություններից վիրավորված զինծառայողներին կտեղափոխեն Երևան
Արցախում զինծառայող է մահացել