ԵՐԵՎԱՆ, 3 մայիսի – Sputnik. Մայիսի 3-ին, ժամը 10:00-ին փրկարարները վերսկսել են օրեր առաջ Սևանի թերակղզու տարածքում կորած քաղաքացու որոնողական աշխատանքները: Հատուկ ջրափրկարարական ջոկատի հերթական որոնողական աշխատանքներն այսօր ևս ավարտվել են անարդյունք: Տեղեկությունը հայտնում է ՀՀ ԱԻՆ պաշտոնական կայքը:
Քաղաքացու կորստի մասին Ճգնաժամային կառավարման ազգային կենտրոնն ահազանգ է տացել ապրիլի 27-ին, ժամը 10:10-ին: Կորած քաղաքացին Աբովյան քաղաքի 32-ամյա բնակիչ Վոլոդյա Վ.-ն է: Նույն օրը Գեղարքունիքի մարզի Սևանի թերակղզու մոտ հայտնաբերվել էին նրա ավտոմեքենան և հագուստը, ինչից հետո լճում որոնողափրկարարական աշխատանքներ են սկսել Գեղարքունիքի մարզային փրկարարական վարչության հատուկ ջրափրկարարական ջոկատի փրկարարները:
Շուրջ մեկ շաբաթ պարբերաբար իրականացրած որոնումների արդյունքում ջրահեղձված քաղաքացին չի հայտնաբերվել։
Այսօր՝ հերթական անարդյունք փորձից հետո, որոշում է կայացվել դադարեցնել որոնողական աշխատանքները:
11-րդ հարկից ընկած տղաների հայրը գործարար է․մանրամասներ Մոսկվայի սարսափելի ողբերգությունից