Պայթյուն Շիրակի Լուսակերտ համայնքում. կա զոհ. տեսանյութ
(Թարմացված է 15:40 25.03.2020)
Դեպքի վայր է մեկնել ԱԻՆ փրկարար ծառայության մարզային վարչության հրշեջ-փրկարարական ջոկատից մեկ մարտական հաշվարկ:ԵՐԵՎԱՆ, 25 մարտի – Sputnik. Շիրակի մարզի Լուսակերտ համայնքում այսօր պայթյուն է գրանցվել, որի հետևանքով զոհվել է նույն գյուղի բնակիչ 1970 թվականին ծնված Սամվել Իսրայելյանը: Ինչպես Sputnik Արմենիային տեղեկացրեց ՀՀ ԱԻ Շիրակի մարզի փրկարարական վարչության պետի ժամանակավոր պաշտոնակատար գնդապետ Կարեն Եղշատյանը, Արթիկի հրշեջ փրկարարական ջոկատը ահազանգը ստացել է 14:06, Արթիկի ոստիկանությունից:
14:07-ին դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Տեղում պարզվել է որ Լուսակերտ գյուղի 7 փողոց 13 տան կից խորդանոցում տեղի է ունեցել պայթյուն: Պայթյունի հետևանքով զոհվել է նույն գյուղի բնակիչ Սամվել Իսրայելյանը:
Փողոց դուրս եկար՝ մահակով հարված կստանաս․ Հնդկաստանում ոստիկանները ցրում են մարդկանց
Այն որ պայթյունը տեղի է ունեցել բնակչին պատկանող խորդանոցում մեր հետ զրույցում հաստատեց նաև գյուղապետ Սամվել Բալաբեկյանը՝ տեղեկացնելով, որ պայթյունի պատճառների մասին հիմա չի կարող խոսել: Այս պահին դեպքի վայրում աշխատում են իրավապահ մարմինները:
16:00-ից հետո ոստիկանությունը կսկսի տուգանել. սահմանափակման ռեժիմը խախտողներին կպատժեն
Ավտովթարի հետևանքով մահացել է Ջրվեժի հոգևոր հովիվ տեր Կյուրեղը
(Թարմացված է 11:10 01.03.2021)
Ople Zafira մակնիշի ավտոմեքենան Երևան-Սևան ավտոճանապարհի 30 կմ հատվածում դուրս է եկել ճանապարհի երթևեկելեի գոտուց, բախվել երկաթբետոնե արգելապատնեշներին և մոտ 100 մետր մի քանի պտույտ շրջվելով՝ կողաշրջված վիճակում հայտնվել ձորում։ԵՐԵՎԱՆ, 1 մարտի — Sputnik. Այսօր՝ մարտի 1-ին, ճանապարհի ողբերգական ավտովթար է տեղի ունեցել Կոտայքի մարզում։ Կա զոհ։ Տեղեկությունը հայտնում է shamshyan.com–ը։
Ժամը 08։30-ի սահմաններում Ople Zafira մակնիշի ավտոմեքենան Երևան-Սևան ավտոճանապարհի 30 կմ հատվածում դուրս է եկել ճանապարհի երթևեկելեի գոտուց, բախվել երկաթբետոնե արգելապատնեշներին և մոտ 100 մետր մի քանի պտույտ շրջվելով՝ կողաշրջված վիճակում հայտնվել ձորում։
Վթարի հետևանքով 1 մարդ տեղում մահացել է, 1 մարդ էլ տեղափոխվել է «Չարենցավան» բժշկական կենտրոն։
Ոստիկանությունն ու քննչական վարչությունը պարզում են վարորդի, մահացածի ու վիրավորի ինքնությունը։
Կայքի տեղեկություններով՝ մահացածը Ջրվեժի հոգևոր հովիվ տեր Կյուրեղն էր, իսկ վթարի հիմնական պատճառներից մեկը ճանապարհի մերկասառույցն է։
Սպիտակի ոլորանները դժվարանցանելի են, մարզերից 7–ում ձյուն է տեղում. ԱԻՆ
Առինջում բախվել են Toyota Alphard–ն ու Grand Cherokee–ն. կա տուժած
(Թարմացված է 10:28 01.03.2021)
Վթարը տեղի է ունեցել կեսգիշերին մոտ, ահազանգով դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ԵՐԵՎԱՆ, 1 մարտի — Sputnik. Կոտայքի մարզի Առինջ գյուղի կամարի մոտակայքում տեղի է ունեցել ճանապարհատրանսպորտային պատահար, կա տուժած։ Տեղեկությունը հայտնում է ՀՀ ԱԻՆ մամուլի ծառայությունը։
Նշվում է, որ ահազանգը Կոտայքի մարզային ճգնաժամային կառավարման կենտրոնում ստացել են փետրվարի 28-ին` ժամը 23:56-ին, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
«Պարզվել է, որ բախվել են «Toyota Alphard» և «Grand Cherokee» (վարորդ՝ Մ․ Տ․, ծնված 1980 թ․) մակնիշների ավտոմեքենաները։ Փրկարարները Մ․ Տ․-ին մոտեցրել են շտապօգնության ավտոմեքենային․ տուժածը հոսպիտալացվել է «Էրեբունի» ԲԿ, որտեղ բժիշկները նրա առողջական վիճակը գնահատել են բավարար»,–նշված է հաղորդագրության մեջ։
Փրկարարները հոսանքազրկել են ավտոմեքենան։
Վրաերթ Արարատի մարզում. տղամարդը մի քանի մետր շպրտվել է ու տեղում մահացել
«Այս ամենը չեմ կարող հանդուրժել». գեներալ փոխմարզպետը հրաժարականի դիմում է ներկայացրել
(Թարմացված է 16:48 01.03.2021)
Բանակի ակունքներում կանգնած գեներալ-մայոր Հենրիկ Մուրադյանը հեռանում է Գեղարքունիքի մարզպետի աշխարհազորի գծով տեղակալի պաշտոնից, միանում ԶՈւ ԳՇ-ի հայտարարությանը և սատարում եմ ԳՇ պետին:ԵՐԵՎԱՆ, 1 մարտի - Sputnik. Գեղարքունիքի փոխմարզպետ, ՀՀ նախկին զինվորական կոմիսար, գեներալ-մայոր Հենրիկ Մուրադյանը հրաժարականի դիմում է ներկայացրել։ Լրատվամիջոցներում տարածված տեղեկությունները ճշտելու նպատակով Sputnik Արմենիան դիմեց ՀՀ Գեղարքունիքի մարզպետարանի աշխատակազմի տեղեկատվության և հասարակայնության հետ կապերի բաժին։
Այստեղ մեզ հայտնեցին, որ փոխմարզպետի հրաժարականի մասին իրենք էլ են լսել, բայց լուրը դեռ պաշտոնական չէ։
«Եկեք սպասենք վարչապետի որոշմանը»,– ի պատասխան մեր հարցման` հայտնեցին մարզպետարանից։
Մինչդեռ մամուլում արդեն տարածվել է նաև կոչումով գեներալ-մայոր Հենրիկ Մուրադյանի հայտարարությունը։
Դրանում մասնավորապես ասված է.
«Հայաստանի Հանրապետության իշխանության անհեռանկար քաղաքականությունը հանգեցրեց նրան, որ վարչախումբը ձեռնոց նետեց Հայաստանի Զինված ուժերին՝ մի բան, որ նշանակում է ձեռք բարձրացնել հայոց սրբության՝ հայկական բանակի վրա»:
«Օնիկ Գասպարյանի վերաբերյալ նախապայմանն անընդունելի է մեզ համար»․ Ռուբինյան
Որպես հայկական բանակի ստեղծման ակունքներում կանգնած գեներալ, Մուրադյանը հայտարարում է, որ այդ ամենը չի կարող հանդուրժել, ուստի այսօրվանից իր դիմումի համաձայն հեռանում է Գեղարքունիքի մարզպետի աշխարհազորի գծով տեղակալի պաշտոնից և միանում է ԶՈւ ԳՇ-ի հայտարարությանը և սատարում ՀՀ ԶՈւ գլխավոր շտաբի պետին:
©
Sputnik / Aram Nersesyan
Հիշեցնենք` ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։
Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։
Նույն օրը Երևանում զուգահեռ հանրահավաքներ ու բողոքի երթեր անցկացվեցին։ Նիկոլ Փաշինյանն ու իր կողմնակիցները հավաքվել էին Հանրապետության հրապարակում, իսկ ընդդիմադիրները` Հայրենիքի փրկության շարժման նախաձեռնությամբ Ազատության հրապարակում պահանջում էին Նիկոլ Փաշինյանի հրաժարականը։
Նրանք հայտարարել են, որ Բաղրամյան պողոտայում` ԱԺ-ի դիմաց, անժամկետ նստացույց են իրականացնելու։