Ոստիկանություն և շտապօգնություն

Երևանում փեսան սպանել է աներոջը. ոստիկանությունը տեսանյութ է հրապարակել

183
(Թարմացված է 17:21 19.03.2020)
Ոստիկանության ծառայողները 35-ամյա կասկածվողին հայտնաբերել են, վնասազերծել ու բերման ենթարկել, նա տվել է խոստովանական ցուցմունք ու ձերբակալվել։

ԵՐԵՎԱՆ, 19 մարտի – Sputnik. Մարտի լույս 19-ի գիշերը, ժամը 5.20-ի սահմանում ոստիկանության Երևան քաղաքի վարչության օպերատիվ կառավարման կենտրոնից Կենտրոնական բաժնում հաղորդում են ստացել, որ Եկմալյան 1/1 շենքում կրակոցներ են հնչել։

Ոստիկանության մամուլի ծառայության տարածած հաղորդագրության համաձայն` մեկնած օպերատիվ-քննչական խմբերը, փորձաքրեագետներն ու Կենտրոն վարչական շրջանը սպասարկող պարեկայինները պարզել են, որ շենքի բնակիչներից մեկը անկանոն կրակոցներ է արձակել նախ շքամուտքի, ապա բնակարանի դռան մոտ՝ աներոջ ուղղությամբ։

47-ամյա տղամարդը տեղում մահացել է։ Դեպքի վայրում հայտնաբերվել են գործարանային համարով «Կալաշնիկով» ինքնաձիգ, ատրճանակ, որսորդական հրացան, ինքնաձիգի փամփուշտի 10-ից ավելի կրակված պարկուճ և այլն։

Ոստիկանության ծառայողները 35-ամյա կասկածվողին հայտնաբերել են, վնասազերծել ու բերման ենթարկել Կենտրոնական բաժին։

Գեղարքունիքում շմոլ գազի արտահոսքի հետևանքով 6 երեխա և 2 մեծահասակ հոսպիտալացվել են

Նա ներկայացվել է տարածքային քննչական բաժին, տվել է խոստովանական ցուցմունք ու ձերբակալվել։ Նշանակվել են փորձաքննություններ։ Հարուցված քրեական գործի շրջանակում ձեռնարկվում են օպերատիվ-հետախուզական միջոցառումներ ու քննչական գործողություններ՝ առանձնապես ծանր հանցագործության հանգամանքները պարզելու ուղղությամբ։

Պայթյուն Արարատի մարզում. բեռնատարի գազաբալոնները պայթել են լիցքավորելիս

183
թեգերը:
կրակոց, Երևան, Սպանություն, Հայաստան
թեմա:
Վթար, պատահար, սպանություն, գողություն (2312)
Ըստ թեմայի
Կոտայքի մարզում 26-ամյա կնոջը փորձել է խեղդել ամուսնու որդին
Արտավազում բնակելի շենքը փլուզվել է. բնակիչներին տեղափոխել են ժամանակավոր կացարաններ
Սևանա լճի ափամերձ տարածքում 52-ամյա կնոջ դի է հայտնաբերվել