Ոստիկանություն, արխիվային լուսանկար

Տավուշում երիտասարդների վիճաբանությունը ողբերգական ավարտ է ունեցել. տեսանյութ

214
(Թարմացված է 16:42 19.03.2020)
23-ամյա երիտասարդը մահացել է, դանակահարված 21 և 28 տարեկան երկու երիտասարդներին էլ հիվանդանոց են տեղափոխել։

ԵՐԵՎԱՆ, 19 մարտի - Sputnik. Տավուշի մարզի Արծվաբերդ գյուղում ծագած վիճաբանության հետևանքով մեկ երիտասարդ մահացել է, ևս երկուսը տարբեր աստիճանի վնասվածքներով տեղափոխվել են հիվանդանոց։

ՀՀ ոստիկանության հասարակայնության հետ կապերի և լրատվության վարչությունը հայտնում է` մարտի 18-ի գիշերը ոստիկանության Տավուշի բաժինը Այգեձոր գյուղի ամբուլատոր կենտրոնից ահազանգ է ստացել, որ ամբուլատոր կենտրոն են տեղափոխվել 23-ամյա երիտասարդի դի և դանակահարված 28-ամյա երիտասարդ։ Ահազանգից րոպեներ անց՝ ժամը 22.10-ի սահմանում, ոստիկանության Տավուշի բաժինը մեկ այլ ահազանգ է ստացել «Բերդ» բժշկական կենտրոնից, որ հիվանդանոց է տեղափոխվել դանակահարված 21-ամյա երիտասարդ։

Բուժհաստատություններ մեկնած ոստիկանության ծառայողները պարզել են, որ Արծվաբերդ գյուղի Մեհրաբ կոչվող խաչմերուկում վիճաբանություն է տեղի ունեցել։ Նախնական տվյալներով՝ երիտասարդների վեճի պատճառը կենցաղային է եղել։ Միջադեպի մասնակիցներից մեկը՝ Արծվաբերդի 26-ամյա բնակիչը, դանակով հարվածներ է հասցրել վիճաբանության «մյուս կողմին»։ Վիրավորներից մեկը մահացել է, մյուսները ստացել են տարբեր վնասվածքներ։

Տավուշի ոստիկանները հայտնաբերել են կասկածվողին։ 26-ամյա երիտասարդը բերման է ենթարկվել, նա ձերբակալված է։ Աշխատանքներ են կատարվում հանցագործության գործիք հանդիսացող դանակը հայտնաբերելու ուղղությամբ։

Հարուցվել է քրեական գործ, նախաքննությունը շարունակվում է։

Ողբերգական դեպք Գյումրիում. հայրը 15-ամյա որդուն կախված է հայտնաբերել

214
թեգերը:
տեսանյութ, Մահ, Երիտասարդ, Հայաստան
թեմա:
Վթար, պատահար, սպանություն, գողություն (2312)
Ըստ թեմայի
«Սատանի կամրջի» մոտ Opel Zafira–ն սահել ու ընկել է երկաթգծի ռելսերին. կան տուժածներ
Պայթյուն Արարատի մարզում. բեռնատարի գազաբալոնները պայթել են լիցքավորելիս
Գեղարքունիքում շմոլ գազի արտահոսքի հետևանքով 6 երեխա և 2 մեծահասակ հոսպիտալացվել են