Հիվանդանոց

Գյումրիում հայտնաբերվել է 43–ամյա կնոջ ծեծված դի. նրա 13–ամյա դուստրը հիվանդանոցում է

1626
(Թարմացված է 18:52 05.03.2020)
Հայտնաբերվել և հանցագործություն կատարելու կասկածանքով բերման է ենթարկվել 28-ամյա մի տղամարդ:

ԵՐԵՎԱՆ, 5 մարտի — Sputnik. Գյումրու Պռոշյան փողոցի տներից մեկում այսօր, ժամը 15․40-ին հայտնաբերվել է 43-ամյա Մարինե Խ.-ի դիակը՝ բռնության հետքերով: Նույն տնից «տրավմային շոկ, գանգուղեղային փակ վնասվածքով» վնասվածքներով հիվանդանոց է տեղափոխվել 13-ամյա մի աղջիկ: Տեղեկությունը հրապարակել է ՀՀ ոստիկանության պաշտոնական կայքը։

Ձեռնարկված անհետաձգելի օպերատիվ-հետախուզական միջոցառումներով Գյումրու ոստիկանները պարզել են դեպքի որոշ հանգամանքներ: Արդյունքում հայտնաբերվել և հանցագործություն կատարելու կասկածանքով բերման է ենթարկվել 28-ամյա մի տղամարդ:

13-ամյա երեխան տեղափոխվել է Գյումրու Ավստրիական մանկական հիվանդանոց: Sputnik Արմենիայի հետ զրույցում հիվանդանոցից ասացին, որ այս պահին աղջկա կյանքին սպառնացող վտանգ կա:

Դաժան սպանություն Հրազդանում. 81–ամյա կնոջը դանակի 10 հարված են հասցրել

1626
թեգերը:
տղամարդ, երեխա, աղջիկ, մայր, Սպանություն, Գյումրի
թեմա:
Վթար, պատահար, սպանություն, գողություն (2435)
Ըստ թեմայի
Գյումրեցի կնոջ մահվան գործով դատական նիստերը հետաձգելու խնդիրը շուտով կլուծվի
Սիրիայում իրավիճակի սրացումը կարող է ազդել Հարավային Կովկասի վրա. ԳՇ պետ
Ադրբեջանում ավելացել է կորոնավիրուսով վարակվածների թիվը
Շտապօգնության մեքենա

Շտապօգնության մեքենայի վարորդը հարբա՞ծ է եղել․ Ստեփանյանը դեպքից մանրամասներ է ներկայացրել

124
(Թարմացված է 12:55 25.05.2020)
«Շտապօգնություն» ՓԲԸ տնօրեն Թագուհի Ստեփանյանը խոսել է շտապօգնության մեքենայի մասնակցությամբ ճանապարհատրանսպորտային պատահարի մասին։

ԵՐԵՎԱՆ, 25 մայիսի – Sputnik. Երևանից Սյունիք Covid-19-ով հիվանդ պացիենտին տեղափոխող շտապօգնության մեքենայի վարորդի արյան մեջ ալկոհոլի պարունակությունը ստուգվել է։ Այն եղել է նորմայի սահմաններում։ Այս տեղեկությունը Sputnik Արմենիայի թղթակցի հետ զրույցում հայտնեց «Շտապօգնություն» ՓԲԸ տնօրեն Թագուհի Ստեփանյանը։

Shamshyan.com-ը հայտնել էր, որ մայիսի 24-ին Սյունիքի մարզում արտակարգ դեպք է տեղի ունեցել: Ժամը 20:30-ի սահմաններում, Երևան-Երասխ-Մեղրի ավտոճանապարհի 172 կմ հատվածում բախվել են Երևանի բնակիչ, 51-ամյա Վարդան Բաբայանի վարած «Jinbei» 525 AO 61 համարանիշի և Գորիս քաղաքի բնակիչ, 52-ամյա Արթուր Միրաքյանի վարած «Mercedes E-200» մակնիշի 19 ՍՏ 745 համարանիշի ավտոմեքենաները: Կայքը հայտնել էր, որ շտապօգնության մեքենայի վարորդը եղել է «ոչ սթափ» վիճակում։

«Խոսքը երևանյան շտապօգնության վարորդի մասին է։ Սակայն այնտեղ շատ հարցեր կան, որոնք պետք է պարզել։ Ամեն ինչ այնպես չէ, ինչպես հաղորդվում է»,- ասաց Ստեփանյանը։

Նրա խոսքով՝ վարորդը հերթապահության նախորդ երեկո է ալկոհոլ օգտագործել։ Սակայն ղեկին նստելուց առաջ աշխատանքի վայրում նրա արյան մեջ ալկոհոլի պարունակությունը ստուգվել է։ Այն թույլատրելիի սահմաններում է եղել։

ՃՏՊ-ից հետո դեպքի վայր մեկնած շտապօգնության մեկ բրիգադի վարորդը նույնպես ստուգվել է. ցուցանիշները դարձյալ նորմայի սահմաններում են եղել։ Ստեփանյանը չի հասկանում՝ ինչու են տարբերվում իրենց ու Ճանապարհային ոստիկանության ցուցանիշները։

Ի՞նչ վիճակում են Էջմիածնում վրաերթի ենթարկված տատիկն ու թոռները

«Որ արյան մեջ նրանց նշածի չափ պրոմիլ լինի, վարորդը պետք է ղեկին նստելուց անմիջապես առաջ խմած լինի»,- նշեց ծառայության ղեկավարը։

Մյուս կողմից՝ նրա հետ բժիշկ է եղել, որի համար նույնպես ձեռնտու չէր ոչ սթափ վիճակում գտնվող վարորդի հետ այդքան հեռու ճանապարհ գնալ։ Վերջիվերջո, ՃՏՊ-ից հետո շտապօգնության մեքենան ի վիճակի է եղել Երևան վերադառնալ։

«Որոշ հարցեր կան, որոնց այժմ չեմ ուզում միանշանակ պատասխանել, քանի որ պետք է կապ հաստատեմ ավտոտեսուչների հետ ու հասկանամ՝ որտեղից են այդ թվերը։ Ու եթե նա ոչ սթափ է եղել, ապա ինչու են նրան թույլ տվել մեքենա վարել»,- ավելացրեց նա։

Իսկ թե ինչու՞ Covid-19-ով պացիենտին չեն տեղափոխել երևանյան հիվանդանոցներից մեկը, Ստեփանյանը նշեց, որ պացիենտը Գորիսից էր ու համապատասխան բուժում էր ստանում Երևանի հիվանդանոցում։ Սակայն նրա վիճակն լավացել է և նա կարող էր բուժումը տանը շարունակել՝ ամբուլատորիայի հսկողության ներքո։

«Նա այն հիվանդներից է, որոնք արդեն համապատասխան բուժում ստացել են հիվանդանոցում, վիճակը լավ է և արդեն կարող են տուն վերադառնալ և բուժումը շարունակել իրենց ամբուլատորիայի հսկողության ներքո։ Այդպիսի պացիենտների մեծ մասն արդեն տեղափոխվում է բնակության վայր», - պարզաբանեց Ստեփանյանը։

Ամփոփելով խոսքը՝ Ստեփանյանը հավաստիացրեց՝ Երևանի շտապօգնությունը պարզապես օգնել է։

Նշենք, որ վերջին մեկ օրում Հայաստանում կորոնավիրուսով վարակվածների թիվն ավելացել է 452-ով և դարձել 7113։

Այս պահին փաստացի բուժում է ստանում 3842 մարդ, կատարվել է 50 397 թեստավորում, առողջացել են վարակվածներից 3145–ը։

Ընդհանուր առմամբ գրանցվել է կորոնավիրուսային հիվանդությունից մահանալու 87 դեպք (երեկվա համեմատ ավելացել է 6–ով) և մահվան 39 անուղղակի դեպք (+6): Հայաստանում մայրական մահվան առաջին դեպքն է գրանցվել։

124
թեգերը:
շտապօգնություն, վարորդ, հիվանդանոց, կորոնավիրուս, վթար, Երևան, Գորիս, Հայաստան
թեմա:
Վթար, պատահար, սպանություն, գողություն (2435)
Ըստ թեմայի
Ողբերգական վթար Արարատի մարզում․ «Opel»-ի 47-ամյա վարորդը մահացել է
Խոշոր վթար «Եռաբլուր» զինվորական պանթեոնի մուտքի դիմաց. տուժածների վիճակը ծայրահեղ ծանր է
Խոշոր վթար Երևանի մերձակայքում. բախվել են Գագիկ Ծառուկյանի «Maybach»-ն  ու «06»-ը
Խոշոր վթար Հրազդան-Հանքավան ճանապարհին․ կա 1 զոհ և 4 վիրավոր
«Սուրբ Աստվածամայր» բուժկենտրոն

Ի՞նչ վիճակում են Էջմիածնում վրաերթի ենթարկված տատիկն ու թոռները

92
(Թարմացված է 11:34 25.05.2020)
«Lexus»-ի վարորդը վրաերթի է ենթարկել տատիկին և երկու թոռներին, մեքենան թողել դեպքի վայրում ու փախել։

ԵՐԵՎԱՆ, 25 մայիսի – Sputnik. Էջմիածնում վրաերթից տուժած կինը տեղափոխվել է «Էրեբունի» հիվանդանոց, թոռնիկներից մեկը` «Սուրբ Աստվածամայր» բժշկական կենտրոն, մյուսին տուն են ուղարկել։ Sputnik Արմենիայի հետ զրույցում տեղեկությունը հայտնեց Էջմիածնի բժշկական կենտրոնի հերթապահ բժիշկը։

Ավելի վաղ հայտնել էինք, որ երեկ ուշ երեկոյան Էջմիածին քաղաքում «Lexus» մակնիշի ավտոմեքենայի վարորդը վրաերթի է ենթարկել Էջմիածնի բնակիչ 56-ամյա Կարինե Եղիազարյանին ու նրա թոռներին՝ 5-ամյա Կարինե Ալեքսանյանին և 4-ամյա Ռուզաննա Մովսեսյանին։

«Տատիկի մոտ եղել է բազմաբեկորային վնասվածք, ուղարկել ենք «Էրեբունի» հիվանդանոց: Երեխաներից մեկը՝ 4-ամյա Ռուզաննան, առանձնապես տուժած չէր, ուներ թեթև քերծված վերքեր, մյուսը՝ 5-ամյա Կարինեն, ուներ խորը պատռված վերքեր, որոնք այստեղ կարվել են, վերքերը` մշակվել: Բայց հետագա հետազոտությունների ու բուժման համար ուղարկվել է «Սուրբ Աստվածամայր» բուժկենտրոն»,- ասաց նա:

Նշենք, որ ըստ տեղեկությունների` վրաերթ կատարած վարորդն իր ավտոմեքենան ու տուժածներին թողել է անօգնական վիճակում ու փախել:

Փաստի առթիվ նախապատրաստվում են նյութեր՝ քրեական գործ հարուցելու համար:

Ողբերգական դեպք Երևանում. Հնդկաստանի քաղաքացին նետվել է շենքի 4–րդ հարկից

92
թեմա:
Վթար, պատահար, սպանություն, գողություն (2435)
Ըստ թեմայի
Էջմիածնում ավտոմեքենա է այրվել․ կա 1 զոհ և 3 տուժած
Երևանում մեկ օրում 2 երիտասարդի ինքնասպանության փորձ է կանխվել
Ահասարսուռ դեպք Երևանում. տղամարդու գլուխը մնացել է մեքենայի սեղմակի տակ ու կտրվել
Հայկական աստղագիտական ընկերության համանախագահ, Բյուրականի աստղադիտարանի տնօրեն Արեգ Միքայելյան

Լուսնի խավարումը կտեսնեն նաև երևանցիները. աստղագետը նշել է ստույգ օրն ու ժամը

0
Հայկական աստղագիտական ընկերության համանախագահ, Բյուրականի աստղադիտարանի տնօրեն Արեգ Միքայելյանը Sputnik Արմենիայի եթերում անդրադարձել է սպասվող լուսնի խավարմանը` հընթացս խոսելով այդ երևույթի գիտական և միստիկ կողմերի մասին։
«Լուսնի խաղարումը կտեսնեն նաև երևանցիները». աստղագետը նշում է ստույգ օրն ու ժամը

Հայկական աստղագիտական ընկերության համանախագահ, Բյուրականի աստղադիտարանի տնօրեն Արեգ Միքայելյանի տեղեկացմամբ` խավարումները վերաբերում են երեք մարմինների` լուսնին, արեգակին և երկրին` նայած, թե փոխադարձաբար ինչ դիրք են գրավում նրանք միմյանց նկատմամբ, երբ մեկի լույսը կարող է մյուսի կողմից ծածկվել։

Ըստ այդմ, երբ երկիրը հայտնվում է արեգակի և լուսնի գծի վրա, ծածկում է արեգակի լույսը և լուսնի դեպքում, քանի որ վերջինս արեգակի կողմից է լուսավորվում (ինքը մութ մարմին է), լուսնի լույսը խավարում է։ Իսկ արեգակի խավարումը տեղի է ունենում այն դեպքում, երբ լուսինն է հայտնվում երկրի ու արեգակի արանքում, նույն գծի վրա։ 

«Կարծեք ճակատագրի քմահաճույք լինի, որ արեգակի ու լուսնի սկավառակները ճիշտ նույն չափի են, հետևաբար, երբ լուսինը ծածկում է արեգակին, օրը ցերեկով տեղի է ունենում խավարում։ Սովորաբար տարեկան լինում են մի քանի խավարումներ, ամենաշատը` լուսնի յոթ, իսկ արեգակի դեպքում` չորս, սակայն այս տարի նախատեսվում է արեգակի երկու և լուսնի չորս խավարում։ Հունիսի 5-ին կլինի լուսնի` այս տարվա երկրորդ խավարումը։ Առաջինը եղավ հունվարին` նույնպես կիսաստվերային խավարման տեսքով»,– նշում է Բյուրականի աստղադիտարանի տնօրենը։ 

Ինչ տիեզերական երևույթներ կտեսնենք 2018 թվականին. ներկայացնում է աստղաֆիզիկոսը

Արեգ Միքայելյանի կարծիքով` լուսնի գալիք խավարումը կերևա բավականին լայն շերտով, տարբեր տարածաշրջաններում։ Այն կտեսնեն նաև երևանցիները։ Խավարումը հունիսի 5–ին կսկսի Երևանի ժամանակով 21։45-ին, առավելագույն փուլը կլինի 23։24-ին և հունիսի լույս 6-ի գիշերը 01։04-ին ամբողջ գործընթացը կավարտվի։ Իսկ արեգակի խավարումը սովորաբար տևում է րոպեներ։ 

«Թեև իրականում խավարումների մեջ առանձնապես լուրջ բան չկա, բայց շատ դեպքերում դրանք համընկել են պատմական իրադարձությունների հետ։ Կարելի է վիճակագրորեն հաշվել` եթե դիտարկվեին հազարավոր խավարումներ, դրանցից քանիսը կհամընկնեին նման իրադարձությունների հետ։ Մի բան համենայն դեպս պարզ է, որ որոշ քանակի համընկնումներ կան, ինչն էլ տարատեսակ մեկնաբանությունների առիթ է հանդիսացել։ Օրինակ` Քրիստոսի ծննդյան ու խաչելության հետ կապում են լուսնի խավարումները։ Գիտական տեսանկյունից դա թույլ է տվել ճշգրտորեն որոշել մասնավորապես Քրիստոսի խաչելության օրը` հաշվի առնելով հենց լուսնի խավարումը»,– հայտնում է Բյուրականի աստղադիտարանի տնօրենը։ 

Միքայելյանի փոխանցմամբ` աստղագետները ճշգրտորեն կարող են հաշվարկել բոլոր խավարումները` կապված պատմական տարեթվերի հետ ցանկացած տեղում, ցանկացած ժամանակ, նույնիսկ վայրկյանների ճշտությամբ։

Օրինակ` մ.թ. 33 թվականի ապրիլի 3–ին եղել է լուսնի խավարում, հենց այդ օրն էլ տեղի է ունեցել Քրիստոսի խաչելությունը։ Նման օրինակներ կան նաև եվրոպական երկրների պատմության մեջ, երբ թագավորների մահը կապում էին արեգակի խավարման հետ, սակայն ոչ միշտ է այդպես եղել, ուղղակի որոշ նշանավոր դեպքերի համընկնումը ծնել է միստիկ բացատրություններ։        

Միքայելյան. «Հայաստանում լուսնի խավարում առանձնապես չէր դիտվում»

«Բերեմ մի շատ հայտնի դեպքի օրինակ. մ.թ.ա. 6-րդ դարի սկզբներին մեր տարածաշրջանում փոքրասիական ժողովուրդների միջև եղել է մեծ պատերազմ` բաղկացած մի քանի ճակատամարտերից, որոնց մասնակցել են լիդիացիներն ու մարերը։ Ճակատամարտերից մեկի ժամանակ տեղի է ունեցել արեգակի խավարում, կողմերը մտածել են, թե Աստված բարկացել է իրենց վրա, ուստի կնքել են հաշտություն։ Աստղագետները 20-րդ դարի երկրորդ կեսին ճշգրտորեն հաշվարկեցին, որ այդ ճակատամարտը տեղի է ունեցել մ.թ.ա. 585 թվականի մայիսի 28-ին։ Դա համարվում է պատմության մեջ առաջին ստույգ ամսաթիվ ունեցող իրադարձությունը»,– նշում է աստղագետը։ 

Արեգ Միքայելյանի գնահատմամբ` խավարումները և՛ աստղագիտական, և՛ պատմագրական ճշտումների համար հետաքրքիր աղբյուր են ծառայում։

Ինչպես է Ամերիկան խավարել արևից

0
թեգերը:
Լուսնի խավարում, Բյուրականի աստղադիտարան, աստղադիտակ, լուսին
Ըստ թեմայի
Կարմիր Լուսին և լուսնային խավարում` երևանյան երկնքում
Արևի խավարում. լուսինն անցել է արևի դիմացով
Աստղաբան. 2017 թվականը հարձակումների և խավարումների տարի է