ԵՐԵՎԱՆ, 4 մարտի — Sputnik. Գիշերը դաժան դեպք է տեղի ունեցել Կոտայքի մարզում։ Ինչպես գրում է Shamshyan.com–ը, Հրազդանում 81–ամյա կնոջ դի է հայտնաբերվել` դանակի տասը հարվածով։
«Ժամը 00։30-ի սահմաններում ոստիկանության Հրազդանի բաժին ահազանգ է ստացվել, որ Հրազդան քաղաքի Միկրոշրջան թաղամասում, բնակարաններից մեկում կնոջ դի կա։ Հյուրասենյակում հայտնաբերվել է տանտիրուհու՝ 81-ամյա Ազգանուշ Ս-ի դին։ Դատական բժիշկը, զննելով դին, հայտնել է, որ, ըստ նախնական տեղեկությունների, սպանվածի մարմնի տարբեր մասերին կա դանակի 10 հարվածի հետք»,–գրում է կայքը։
ՀՀ քրեական օրենսգրքի 104 հոդվածի 1-ին մասի` սպանության հատկանիշներով հարուցվել է քրեական գործ։
Աշխարհում կորոնավիրուսով վարակվածների թիվն ավելանում է. այն գերազանցել է 90 հազարը
Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական և քննչական համատեղ գործողություններ՝ հանցագործությունը բացահայտելու, կատարողին կամ կատարողներին հայտնաբերելու ուղղությամբ։