Գնացքի գծեր, արխիվային լուսանկար

Լոռիում 85-ամյա կինն ընկել է գնացքի տակ

62
(Թարմացված է 13:21 03.03.2020)
Լոռու մարզի բնակիչը, որն ընկել է գնացքի տակ, միայնակ թոշակառու է, բժիշկները պայքարում են տուժածին փրկելու համար։

ԵՐԵՎԱՆ, 3 մարտի — Sputnik. Երեկ երեկոյան դժբախտ դեպք է տեղի ունեցել Լոռու մարզում. Լուսաղբյուր գյուղի բնակիչ, 85–ամյա մի կին գնացքի տակ է ընկել։

Լուսաղբյուր համայնքի ղեկավարը` Արամայիս Հակոբյանը, Sputnik Արմենիայի հետ զրույցում պատմեց, որ կինը փորձել է ճանապարհը կարճացնել ու կամրջի փոխարեն գնացքի գծերով անցնել։

«Տարիքով կին է, չգիտեմ` ուր է գնալիս եղել, բայց գնացքի գծերով է անցել։ Չի տեսել, որ գնացքը գալիս է, գնացքն էլ հարվածել է նրան։ Գնացքավարը նկատել է կնոջը, արգելակել է, բայց արդեն ուշ է եղել»,–ասաց նա։

Խոսքը Վանաձոր-Գյումրի բեռնատար գնացքի մասին է, որը «կիսում» է Լուսաղբյուրը։ Ինչ վերաբերում է 85–ամյա կնոջը` տիկին Սեդային, ապա նա միայնակ թոշակառու է։

Ողբերգական վրաերթ Երևանում. հետիոտներից մեկը մահացել է, մյուսին տեղափոխել են հիվանդանոց

Սպիտակի ԲԿ–ի տնօրեն Վարդուհի Սիսակյանն էլ հայտնեց` կնոջ վիճակը ծայրահեղ ծանր է, քանի որ գլխի շրջանում լուրջ վնասվածքներ ունի։

«Կինն անգիտակից վիճակում է»,–ասաց նա։

Բժիշկները պայքարում են կնոջ կյանքը փրկելու համար։

62
թեգերը:
հիվանդանոց, Վրաերթ, Գնացք, Լոռի, Հայաստան
թեմա:
Վթար, պատահար, սպանություն, գողություն (2313)
Ըստ թեմայի
Դավթաշենի ռեստորաններից մեկում զինված անձը կրակոցներ է արձակել. տեսանյութ
Բանակում տեղի ունեցող դեպքերով հրճվող իրավապաշտպաններով կզբաղվեն իրավապահները. Բալայան
Մասիսում տղամարդը դանակով մի քանի անգամ հարվածել է իր որովայնին
Գավառում կորած երիտասարդ տղամարդուն մահացած են հայտնաբերել