Շտապօգնության մեքենա. արխիվային լուսանկար

Երևանում բախվել են շտապօգնության մեքենան ու Mercedes–ը. կան վիրավորներ

42
(Թարմացված է 11:59 12.02.2020)
Փրկարար ծառայության հրշեջ-փրկարարական ջոկատը մարել է ավտոմեքենայում առաջացած հրդեհը, սակայն Mercedes–ն ամբողջովին վերածվել է մոխրակույտի։

ԵՐԵՎԱՆ, 12 փետրվարի — Sputnik. Այսօր՝ փետրվարի 12-ին, խոշոր ավտովթար-հրդեհ է տեղի ունեցել Երևանում, կան վիրավորներ։ Վթարի մասին տեղեկանում ենք shamshyan.com կայքից։

«Ժամը 01։15-ի սահմաններում Սասունցի Դավիթ և Բելինսկի փողոցների խաչմերուկում բախվել են Երևանի բնակիչներ 40-ամյա Նորայր Վարդանյանի վարած Haise մակնիշի 660 AO 61 համարանիշի և 23-ամյա Դավիթ Գալստյանի վարած Mercedes մակնիշի 11 GG 199 համարանիշի ավտոմեքենաները։ Վթարի հետևանքով վարորդներն ու Դ. Գալստյանի ուղևորը՝ Երևանի բնակիչ, 21-ամյա Նարեկ Գալստյանը մարմնական վնասվածքներով տեղափոխվել են «Էրեբունի» բժշկական կենտրոն»,–գրում է կայքը։

Կայքը գրում է նաև, որ բախման հետևանքով Haise-ն, որը հաշվառված է Երևանի 1-03 շտապօգնության հաշվեկշռում, բախվել է ճանապարհին տեղադրված գազախողովակին, իսկ Mercedes-ում հրդեհ է բռնկվել։

Շտապօգնության մեքենան վթարի է ենթարկվել. բժշկուհուն հիվանդանոց են տեղափոխել

Արտակարգ իրավիճակների նախարարության Փրկարար ծառայության հրշեջ-փրկարարական ջոկատը մարել է ավտոմեքենայում առաջացած հրդեհը, սակայն մեքենան ամբողջովին վերածվել է մոխրակույտի։

Փաստի առթիվ նյութեր են նախապատրաստվում։

Երևանում Opel Vectra –ն բախվել է շտապօգնության մեքենային

42
թեգերը:
Տուժածներ, հիվանդանոց, Երևան, վթար, շտապօգնություն
թեմա:
Վթար, պատահար, սպանություն, գողություն (2241)
Ըստ թեմայի
Շտապօգնության մեքենան վրաերթի է ենթարկել վարորդին, ապա բախվել նրա մեքենային
Վթար շտապօգնության մեքենայի մասնակցությամբ. վիրավորներից մեկը տեղափոխվել է հիվանդանոց
Շտապօգնության բժիշկները հիմա ավելի քիչ են նայում հիվանդի ձեռքին. նախարար
Թորոսյանը հայտնել է` որքան կբարձրանա Երևանի շտապօգնության աշխատակիցների աշխատավարձը