Ոստիկանության մեքենա. արխիվային լուսանկար

ՃՏՊ Սյունիքի մարզում. մեքենաներից մեկի ղեկին եղել է 15 տարեկան պատանի

78
(Թարմացված է 15:38 22.01.2020)
Վթարի հետևանքով մարմնական վնասվածքներով հիվանդանոց է տեղափոխվել մյուս մեքենայի վարորդի 9–ամյա որդին։

ԵՐԵՎԱՆ, 22 հունվարի — Sputnik. Սյունիքի մարզում ավտովթար է տեղի ունեցել։ Մեքենաներից մեկի վարորդը 15 տարեկան է։ Տեղեկությունը հաղորդում է shamshyan.com–ը։

«Երեկ` ժամը 14:20-ի սահմաններում, Կապան քաղաքի Գ. Արզումանյան փողոցում բախվել են Քաջարանի բնակիչ՝ 38-ամյա Արմեն Ք.-ի վարած ВАЗ 21-06 մակնիշի և Կապանի բնակիչ՝ 15-ամյա Ալեն Բ.-ի վարած Nissan մակնիշի մեքենաները: Վթարի հետևանքով ВАЗ 21-06-ի ուղևոր, Քաջարանի բնակիչ, 9-ամյա Կառլեն Ք.-ն մարմնական վնասվածքներով տեղափոխվել է Կապանի բժշկական կենտրոն»,–գրում է կայքը։

Ողբերգական ավտովթար Արարատում. մեքենայի ղեկին եղել է հոր մեքենան փախցրած 16-ամյա տղան

Nissan-ի վարորդ Ալեն Բ.-ն սովորում է Կապանի դպրոցներից մեկի 9-րդ դասարանում, իսկ վիրավոր 9–ամյա Կառլենը ВАЗ 21-06-ի վարորդի որդին է:

16-ամյա տղան՝ ավտոմեքենայի ղեկին. պատանեկան զվարճանքը տխուր ավարտ է ունեցել

78
թեգերը:
վարորդ, Սյունիքի մարզ, Սյունիք, հիվանդանոց, ավտոմեքենա, Անչափահաս, տղա, ավտովթար, վթար
թեմա:
Վթար, պատահար, սպանություն, գողություն (2623)
Ըստ թեմայի
Lexus-ը բախվել է բետոնե սյանն ու գլխիվայր շրջվել. ղեկին անչափահաս է եղել
Վթարների մեծ մասը ճանապարհների վիճակի հետ է կապված. ե՞րբ է վարորդը ղեկին քնում
BMW-ն ընկել է երևանյան լիճը. մեքենայի ղեկին 15-ամյա պատանի է եղել
ՃՏՊ

Ավտովթար Քաջարան-Մեղրի ճանապարհին․ վարորդը տեղում մահացել է, տուժածներ կան

312
«ԿամԱԶ» մակնիշի ավտոմեքենան դուրս է եկել ավտոճանապարհի երթևեկելի գոտուց և մոտ 300 մ գլորվել ձորը:

ԵՐԵՎԱՆ, 10 օգոստոսի – Sputnik. Քաջարան-Մեղրի ավտոճանապարհին ճանապարհատրանսպորտային պատահար է գրանցվել, որի հետևանքով մեկ մարդ մահացել է, երեք հոգու տեղափոխել են հիվանդանոց։ Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։

Ճգնաժամային կառավարման ազգային կենտրոնը պատահարի մասին ահազանգ է ստացել ժամը 15։46-ին։

Ողբերգական ավտովթարի հետևանքով մահացել է Արմեն Մարությանի և Ալլա Վարդանյանի դստեր ընտանիքը

Դեպքի վայր են մեկնել Սյունիքի մարզային փրկարարական վարչության աշխատակիցները և պարզել, որ «ԿամԱԶ» մակնիշի ավտոմեքենան դուրս է եկել ավտոճանապարհի երթևեկելի գոտուց և մոտ 300 մ գլորվել ձորը։

Վթարի հետևանքով բեռնատարի վարորդ՝ 33-Նարեկ Խ-ն մահացել է: Ուղևորներ 29-ամյա Գալուստ Հ․-ն, 33-ամյա Նարեկ Խ․-ն ու 56- ամյա Գագիկ Հ․-ն տեղի ուժերով տեղափոխել են Քաջարանի ԲԿ:

Փրկարարները Հրազդան գետից դուրս են բերել 14-ամյա պատանու դին

312
թեգերը:
վարորդ, վթար, Հայաստան
թեմա:
Վթար, պատահար, սպանություն, գողություն (2623)
Ըստ թեմայի
Վթար Երևան–Երասխ ճանապարհին. կինը մահացել է հիվանդանոցի ճանապարհին, կա 8 տուժած
Ողբերգական վթար Սիսիանում. անչափահաս երեխաներն ու նրանց ծնողները տեղում մահացել են
Ջրահեղձման երկու դեպք 1 օրում.փրկարարները Սևանա լճից դուրս են բերել 30-ամյա քաղաքացու դին
Արմեն Մարության

Ողբերգական ավտովթարի հետևանքով մահացել է Արմեն Մարությանի և Ալլա Վարդանյանի դստեր ընտանիքը

6432
(Թարմացված է 11:31 10.08.2020)
Sputnik Արմենիան խորին ցավակցություն է հայտնում դերասաններ Արմեն Մարությանին և Ալլա Վարդանյանին, ինչպես նաև մահացածների հարազատներին:

ԵՐԵՎԱՆ, 10 օգոստոսի — Sputnik. Երեկ` օգոստոսի 9–ին, տեղի ունեցած ողբերգական վթարի հետևանքով մահացել են  ՀՀ վաստակավոր արտիստներ Արմեն Մարությանի և Ալլա Վարդանյանի դուստրը` Թամարա Մարությանը, ամուսինը` Միհրան Գյուլզադյանը և նրանց երեխաները՝ 15-ամյա Նարեկ և 9-ամյա Արմեն Գյուլզադյանները։ Տեղեկությունը Sputnik Արմենիային հաստատեց Գաբրիել Սունդուկյանի անվան ազգային ակադեմիական թատրոնի տնօրեն Վարդան Մկրտչյանը։

Հիշեցնենք, երեկ ՝ օգոստոսի 9-ին, ողբերգական ավտովթար էր տեղի ունեցել Սյունիքի մարզում: Ժամը 16:00-ի սահմաններում Երևան-Երասխ-Մեղրի ավտոճանապարհի 182-րդ կմ հատվածում բախվել են Toyota մակնիշի և «Mercedes» մակնիշի բեռնատար ավտոմեքենաները:

Toyota-ն վարել էր Երևան քաղաքի բնակիչ՝ 49-ամյա Միհրան Գյուլզադյանը, իսկ Mercedes-ը վարել է Արարատի մարզի Նորամարգ գյուղի բնակիչ՝ 61-ամյա Աշոտ Գևորգյանը։

Վթարի հետևանքով տեղում մահացել էին  Toyota-ում գտնվող ընտանիքի 4 անդամները։

Sputnik Արմենիան խորին ցավակցություն է  հայտնում դերասաններ Արմեն Մարությանին և Ալլա Վարդանյանին, ինչպես նաև մահացածների հարազատներին:

6432
թեգերը:
երեխա, դերասանուհի, դերասան, ընտանիք, Սյունիքի մարզ, ավտոմեքենա, ավտովթար
թեմա:
Վթար, պատահար, սպանություն, գողություն (2623)
Ռուբեն Վարդանյան, արխիվային լուսանկար

«Ավրորան» 200 000 ԱՄՆ դոլար կնվիրաբերի Բեյրութում աղետի հետևանքները հաղթահարելու համար

7
«Ավրորա» մարդասիրական նախաձեռնության ներկայացուցիչները կոչ են անում հումանիտար բոլոր կազմակերպություններին, աշխարհի բոլոր հայերին` սատարելու Լիբանանի բնակչությանն ու լիբանանահայ համայնքին։

ԵՐԵՎԱՆ, 11 օգոստոսի - Sputnik. «Ավրորա» մարդասիրական նախաձեռնության համահիմնադիրներ Նուբար Աֆեյանը, Վարդան Գրեգորյանն ու Ռուբեն Վարդանյանը և «Ավրորա» մրցանակի ընտրող հանձնաժողովի նախագահ Լորդ Արա Դարզին հայտարարել են, որ «Ավրորան» 200 000 ԱՄՆ դոլար կնվիրաբերի Լիբանանի մայրաքաղաք Բեյրութի բնակիչներին աջակցելու համար։ Միաժամանակ #AraratChallenge շարժման միջոցով լրացուցիչ դրամահավաք-հանգանակություն կսկսի՝ Բեյրութի հայ համայնքին աջակցելու նպատակով։

«Մենք խորապես ցավում ենք Բեյրութում տեղի ունեցած ողբերգական պայթյունի համար և միանում Լիբանանին հրատապ օգնելու համաշխարհային ջանքերին: Ինչպես Լիբանանը կանգնեց մեր կողքին Հայոց ցեղասպանությունից հետո, այսօր մենք ենք Լիբանանի ողջ ժողովրդին աջակից»,– նշված է համահիմնադիրների ու «Ավրորա» մրցանակի Ընտրող հանձնաժողովի նախագահի համատեղ հայտարարության մեջ։

«Ավրորա» մարդասիրական նախաձեռնության ներկայացուցիչները կոչ են անում հումանիտար բոլոր կազմակերպություններին, աշխարհի բոլոր հայերին` սատարելու Լիբանանի բնակչությանն ու լիբանանահայ համայնքին։

Եվս մեկ ինքնաթիռ․ Արցախն օգնության խմբաքանակ է ուղարկել Լիբանան

«Ավրորա» մարդասիրական նախաձեռնությունը հայտնում է, որ վերոհիշյալ 200 000 դոլարից  100 000–ը Լիբանանի Կարմիր խաչի և Մերձավոր Արևելքի հիմնադրամի միջոցով կտրամադրվի պայթյունի անմիջական հետևանքները մեղմելու համար, 50 000–ը կնվիրաբերի Մեծի Տանն Կիլիկիո Կաթողիկոսությանը՝ հայ համայնքի կարիքների համար, ևս 50 000 ԱՄՆ դոլար ակնկալվում է հավաքել հանգանակության միջոցով։ Այդ միջոցները ևս կուղղվեն  աջակցության ու վերականգնման նախագծերին, որոնք կընտրվեն ավելի ուշ:

«Ավրորա» մարդասիրական նախաձեռնությունը, որն ստեղծվել է Հայոց ցեղասպանությունը վերապրողների անունից՝ ի երախտագիտություն նրանց փրկողների, ձգտում է հնարավորություն տալ մերօրյա հերոսներին՝ կյանք և հույս պարգևել նրանց, ովքեր մարդասիրական աջակցության խիստ կարիք ունեն ողջ աշխարհում, այսպիսով՝ շարունակել մարդասիրության շղթան աշխարհով մեկ: «Ավրորա» մարդասիրական նախաձեռնությունը գործով արտահայտված երախտագիտություն է՝ վերափոխելու հայկական փորձառությունը համաշխարհային շարժման, որը կոչված է մեզնից յուրաքանչյուրին ոգեշնչելու գործի՝ հանուն մարդկության և մարդկային կյանքի։

7
թեգերը:
Տուժածներ, Լիբանան, հայ, պայթյուն, Բեյրութ, Ռուբեն Վարդանյան, Ավրորա
Ըստ թեմայի
Ամուսնություն ծերուկի հետ. մի աղջկա սարսափելի պատմություն, որը Ավրորա Մարդիգանյան չդարձավ
Հայտնի է «Ավրորա» մրցանակաբաշխության այս տարվա հաղթողը
Հայտնի է` երբ կհայտարարվի «Ավրորա» մարդասիրական մրցանակի այս տարվա դափնեկրի անունը
Ավրորա Մարդիգանյանի ծառուղի. ֆորումի մասնակիցներն այցելել են Ծիծեռնակաբերդ. լուսանկարներ