ԱԻՆ աշխատակիցներ, արխիվային լուսանկար

Խոշոր հրդեհ Արագածոտնի մարզում. 9 հոգանոց ընտանիքը հայտնվել է փողոցում

172
(Թարմացված է 23:39 20.01.2020)
Ըստ տեղեկությունների`մինչ փրկարարների ժամանելը, ընտանիքի 9 անդամներին կրակի ճիրաններից դուրս են բերել համագյուղացիները։

ԵՐԵՎԱՆ, 20 հունվարի – Sputnik. Այսօր՝ հունվարի 20-ին, արտակարգ դեպք է տեղի ունեցել Արագածոտնի մարզում: Shamshyan.com-ի տեղեկություններով` ժամը 13:35-ի սահմաններում Արտակարգ իրավիճակների նախարարության փրկարար ծառայությունն ահազանգ է ստացել, որ Ծիլքար գյուղի վագոն-տնակներից մեկում հրդեհ է բռնկել:

Մինչ հրշեջ-փրկարարների դեպքի վայր հասնելը գյուղացիները` վտանգելով իրենց կյանքը, վառվող տնակից դուրս են բերել ամբողջ ընտանիքի անդամներին, այդ թվում՝ անչափահասների:

Արդեն ժամանած հրշեջները մի քանի ժամ պայքարել են կրակի դեմ: Ցավոք, տունը, որտեղ բնակվում էին 54-ամյա Մամրրե Սարգսյանը, 51-ամյա Իրինա Սարգսյանը, 28-ամյա Արաքսյա Սարգսյանը, 26-ամյա Էմմա Սարգսյանը, 22-ամյա Գարեգին Սարգսյանը, 6-ամյա Վռամ Աղալարյանը, 2-ամյա Սարգիս Ղազարյանը, 33-ամյա Տիգրան Ղազարյանը, 83-ամյա Էմմա Սարգսյանը, ողջ գույքով մոխրակույտի է վերածվել:

Հայտնի է` ինչն է եղել մամուլի շենքում բռնկած հրդեհի պատճառը

Ընտանիքի 9 անդամները, որոնք գտնվում են սոցիալապես ծանր վիճակում, հայտնվել են փողոցում:

Թե ինչն է եղել հրդեհի առաջացման պատճառը, դեռևս պարզ չէ. նշանակվել են մի շարք փորձաքննություններ:

172
թեգերը:
Արագածոտնի մարզ, ընտանիք, հրդեհ, ՀՀ արտակարգ իրավիճակների նախարարություն (ԱԻՆ), Հայաստան
թեմա:
Վթար, պատահար, սպանություն, գողություն (2231)
Ըստ թեմայի
Խոշոր հրդեհ «ՆԻԿՕ» խանութ-սրահի պահեստում. տեսանյութ
Երևանյան հրդեհից հետո «Новое время» ռուսալեզու թերթը ժամանակավորապես փակվում է
Ինչպես են փրկում Ավստրալիայի հրդեհներից տուժած կոալային. տեսանյութ
Ողբերգական դեպք Արթիկում. էլեկտրաենթակայանում 46–ամյա տղամարդու դիակ են հայտնաբերել