Շտապօգնություն

Ողբերգական ավտովթար Երևան-Երասխ ճանապարհին. անչափահաս վարորդն ու ուղևորը մահացել են

111
(Թարմացված է 12:52 18.01.2020)
Վթարի հետևանքով տուժած 17-ամյա երիտասարդների կյանքը փրկել չի հաջողվել. նրանք մահացել են հիվանդանոց տեղափոխվելու ճանապարհին:

ԵՐԵՎԱՆ, 18 հունվարի–Sputnik. Ողբերգական ավտովթար է տեղի ունեցել Երևան-Երասխ ճանապարհին։ Ոստիկանության լրատվության և հասարակայնության հետ կապերի վարչությունը տեղեկացնում է, որ երեկ` հունվարի 17-ին, ժամը 17.35-ի սահմաններում, ավտոճանապարհի 34-րդ կմ-ին 17-ամյա Հայկ Սարգսյանի վարած «Օպել Աստրա» ավտոմեքենան դուրս է եկել երթևեկելի գոտուց և բախվել ճամփաբաժանին գտնվող գովազդային վահանակի սյանը։ Վթարի հետևանքով տուժած վարորդի ու նրա 17-ամյա ուղևոր Աշոտ Բաբայանի կյանքը փրկել չի հաջողվել. նրանք մահացել են հիվանդանոց տեղափոխվելու ճանապարհին:

Հրդեհ` Երևանի մամուլի շենքում. շենքում գտնվողները տարհանվել են. լուսանկարներ

Վթարի մանրամասներն ու հանգամանքները պարզելու համար կատարվում է քննություն։

111
թեգերը:
Զոհ, Մահ, Անչափահաս, Երևան, ավտովթար, Հայաստան
թեմա:
Վթար, պատահար, սպանություն, գողություն (2607)
Ըստ թեմայի
Ողբերգական ավտովթար Երևանի կենտրոնում. 24-ամյա վարորդը մահացել է
Կոտրել են պատգամավոր Գևորգ Պապոյանի մեքենայի ապակին ու գողացել նրա պայուսակը
Կուտոյանն ուզե՞լ է ընդհատել ուսումը դրսում և միանալ Սերժ Սարգսյանի պաշտպանական թիմին. ԶԼՄ
Հիվանդանոց

Ողբերգական ավտովթար Հրազդանում. ուղևորները տեղում են մահացել, վարորդը` հիվանդանոցում

133
(Թարմացված է 09:14 05.08.2020)
Մեքենան տապալել է էլեկտրասյունն ու բախվել հսկայական եղևնուն։ Մահացած ուղևորներին ու վարորդին մեծ դժվարությամբ են դուրս բերել ավտոմեքենայից։

ԵՐԵՎԱՆ, 5 օգոստոսի – Sputnik. Կոտայքի մարզի Հրազդան քաղաքում ավտովթարը երեք մարդու կյանք է խլել։ Ինչպես հայտնում է shamshyan.com–ը, երեկ՝ օգոստոսի 4-ին, ժամը 23:40-ի սահմաններում Զորավար Անդրանիկի պողոտայում, «Աղբյուրակ» թաղամասից դեպի «Կենտրոն» թաղամաս ընթանալիս, Հրազդան քաղաքի բնակիչ, 40-ամյա Հովհաննես Վարդանյանը «Volkswagen Passat» մակնիշի ավտոմեքենայով դուրս է եկել ճանապարհի երթևեկելի գոտուց, բախվել բազալտե եզրաքարերին, առաջ ընթանալով բախվել էլեկտրասյանը, հետո բախվել հսկայական եղևենուն:

Վթարի հետևանքով ուղևորները` 41-ամյա Կարեն Սարգսյանն ու 40-ամյա Արթուր Ալեքսանյանը (Հրազան քաղաքի բնակիչներ), տեղում մահացել են, իսկ վարորդ Հ. Վարդանյանը տեղափոխվել է հիվանդանոց, որտեղ կարճ ժամանակ անց մահացել է` այդպես էլ գիտակցության չգալով:

Ըստ կայքի` ուղևորներին և վարորդին ավտոմեքենայից մեծ դժվարությամբ դուրս են բերել ՀՀ արտակարգ իրավիճակների նախարարության փրկարար ծառայության Հրազդանի թիվ 44 հրշեջ-փրկարարական ջոկատի փրկարարները։

Երևանում պատուհանից ընկած երեխայի կյանքը փրկել չի հաջողվել

Փաստի առթիվ հարուցվել է քրեական գործ ՀՀ ՔՕ 242 հոդվածի 3-րդ մասի հատկանիշներով (ճանապարհատրանսպորտային պատահար, որն անզգուշությամբ առաջացրել է 2 կամ ավելի մարդու մահ):

Դեպքի վայրում հավաքվածներն ասել են, որ մահացածներից Կ. Սարգսյանն աշխատում էր ՀՀ արդարադատության նախարարության դատական ակտերի հարկադիր կատարման Կոտայքի մարզային բաժնում որպես ավագ հարկադիր կատարող:

Լոռիում «Բիոնիկի» պահակի սպանության գործով հարուցվել է քրեական գործ

133
թեգերը:
վարորդ, ուղևոր, Հրազդան, Կոտայք, վթար, Հայաստան
թեմա:
Վթար, պատահար, սպանություն, գողություն (2607)
Ըստ թեմայի
Ողբերգական դեպք Շիրակի մարզում. շինարարը մահացել է անզգուշության հետևանքով
Արփա գետում 21 տարեկան երիտասարդ է ջրահեղձ եղել
Երևան-Շորժա ավտոճանապարհին մեքենան շրջվել է. մեկ մարդ է մահացել
ՀՀ քննչական կոմիտե

Լոռիում «Բիոնիկի» պահակի սպանության գործով հարուցվել է քրեական գործ

33
(Թարմացված է 18:13 04.08.2020)
Կասկածյալը մետաղյա ձողով հարվածներ է հասցրել արտադրամասի պահակի գլխին՝ պատճառելով կյանքի հետ անհամատեղելի վնասվածքներ:

ԵՐԵՎԱՆ, 4 օգոստոսի – Sputnik. ՀՀ քննչական կոմիտեի Լոռու մարզային քննչական վարչությունում քննություն է տարվում՝ պարզելու Դարպաս գյուղում կատարված սպանության հանգամանքները: Տեղեկությունը հայտնում է ՀՀ քննչական կոմիտեի լրատվական ծառայությունը։

Նշենք, որ երեկ, ժամը 18։30-ից 20։40- ն ընկած ժամանակահատվածում, ենթադրյալ հանցագործություն կատարած անձը Լոռու մարզի Դարպաս գյուղում գտնվող արտադրական շինությունում, ապօրինաբար կյանքից զրկելու դիտավորությամբ, մետաղյա ձողով հարվածներ է հասցրել նույն արտադրամասում որպես պահակ աշխատող քաղաքացու գլխին՝ պատճառելով կյանքի հետ անհամատեղելի վնասվածքներ:

«Դեպքի առթիվ հարուցվել է քրեական գործ՝ ՀՀ քրեական օրենսգրքի 104- րդ հոդվածի (սպանություն)1-ին մասով: Կատարվել են մի շարք քննչական և դատավարական գործողություններ, այդ թվում՝ դեպքի վայրի զննություն, առգրավումներ, նշանակվել է դատաբժշկական փորձաքննություն։ Նախաքննությունը շարունակվում է»,– նշված է ՔԿ տարածած հաղորդագրության մեջ։

Մասնատված ռեփերի կնոջ մասնակցությամբ քննչական փորձ է արվել. տեսանյութ

Հիշեցնենք՝ երեկ՝ ժամը 23։05-ի սահմաններում, Վանաձորի շտապօգնության կայանից ոստիկանության Գուգարքի բաժին ահազանգ է ստացվել, որ բժիշկների հերթապահ խումբը կանչով մեկնել է Դարպաս գյուղի Գործարանային փողոցի թիվ 1 հասցե, որտեղ հայտնաբերվել է տղամարդու դի։

Ոստիկաններն ու քննիչները պարզել են, որ սպանվածը Վանաձոր քաղաքի բնակիչ՝ 68-ամյա Աշոտ Հակոբյանն է։ Սպանվածի դին հայտնաբերել է մահացածի կինը` 57-ամյա Անահիտ Եղիազարյանը սպանության վայրում՝ «Բիոնիկ» ՍՊԸ-ին պատկանող բլոկի արտադրամասի տարածքում գտնվող շինության 2-րդ հարկում։

Դատաբժիշկը տեղում հայտնել է, որ դիակի արտաքին զննությամբ գլխի շրջանում առկա է վնասվածք։

33
թեգերը:
տղամարդ, Կին, Ոստիկանություն, շտապօգնություն, ՀՀ քննչական կոմիտե, Քրեական գործ, Սպանություն, Լոռի, Հայաստան
թեմա:
Վթար, պատահար, սպանություն, գողություն (2607)
Ալեն Սիմոնյան

Ալեն Սիմոնյանը գտնվել է հոգեկան խիստ հուզմունքի վիճակում. ՀՔԾ

0
ԱԺ փոխխոսնակից և «Ադեկվադ» կուսակցության նախագահ Արթուր Դանիելյանի միջև տեղի ունեցած միջադեպից հետո վերջինիս խուլիգանության մեղադրանք է առաջադրվել։

ԵՐԵՎԱՆ, 5 օգոստոսի – Sputnik. Հատուկ քննչական ծառայությունը հայտնում է, որ ԱԺ փոխխոսնակ Ալեն Սիմոնյանի և «Ադեկվադ» կուսակցության նախագահ Արթուր Դանիելյանի միջև տեղի ունեցած միջադեպի առթիվ հարուցված քրեական գործով նախաքննությունն ավարտվել է։

Ձեռք բերված բավարար ապացույցների համակցությամբ պարզվել է, որ 2020թ. ապրիլի 29-ին՝ ժամը 17:05-ի սահմաններում, ՀՀ Ազգային ժողովի փոխխոսնակ Ալեն Սիմոնյանը, Երևան քաղաքի «Մալիբուի այգի» կոչվող զբոսայգու տարածքում նկատելով «Ադեկվադ» կուսակցության նախագահ Արթուր Դանիելյանին, բարևել է նրան, սակայն վերջինս, ներկա անձանց մոտ սեփական անձի առավելությունն ընդդգծելու նպատակով, սեռական բնույթի հայհոյանք է տվել ԱԺ փոխխոսնակի և նրա ծնողների հասցեին, որից անակնկալի եկած Ա.Սիմոնյանը ճակատով մեկ անգամ հարվածել է Ա. Դանիելյանի քթին, ինչից հետո նրանց միջև քաշքշուկ է սկսվել:

Այդ ժամանակ Ա. Դանիելյանը, անտեսելով հասարակական վայր հանդիսացող Երևանի մարդաշատ զբոսայգում գտնվելու հանգամանքը, տարածքում իրենց հանգիստն անցկացնող մարդկանց ներկայությամբ, խուլիգանական դրդումներով, շարունակել է դիտավորությամբ կոպիտ կերպով խախտել հասարակական կարգը՝ հասարակության նկատմամբ դրսևորելով անթաքույց արհամարհանք և բացահայտ անհարգալից վերաբերմունք, սեռական բնույթի հայհոյանքներ է տվել ՀՀ օրենսդիր իշխանության մարմնի ղեկավար աշխատողի հասցեին և բռնություն գործադրել նրա նկատմամբ՝ բռունցքով հարվածներ է հասցրել Ա.Սիմոնյանի գլխի շրջանին և մարմնի այլ մասերին՝ պատճառելով մարմնական վնասվածքներ:

Դանիելյանը, անտեսելով իրեն մոտեցած քաղաքացիների` կռիվը դադարեցնելու վերաբերյալ հորդորները, շարունակել է խուլիգանական գործողությունները, որի ընթացքում հարվածներ է հասցրել ԱԺ փոխխոսնակին, ապա հետապնդել արդեն իսկ հեռացող Ա. Սիմոնյանին և նրա հասցեին տվել սեռական բնույթի հայհոյանքներ:

Վերը նշված հանցավոր արարքի կատարման համար Արթուր Դանիելյանին մեղադրանք է առաջադրվել ՀՀ քրեական օրենսգրքի 258-րդ հոդվածի 2-րդ մասով (խուլիգանություն, որը զուգորդվել է անձի նկատմամբ բռնություն գործադրելով կամ դա գործադրելու սպառնալիքով, ինչպես նաև ուրիշի գույքը ոչնչացնելով կամ վնասելով.

պատժվում է տուգանքով՝ նվազագույն աշխատավարձի հարյուրապատիկից երեքհարյուրապատիկի չափով կամ կալանքով` մեկից երեք ամիս ժամկետով կամ ազատազրկմամբ` առավելագույնը երկու տարի ժամկետով):

Նախաքննության ընթացքում պարզվել է, որ Ա.Դանիելյանին հարված հասցնելու պահին Ա. Սիմոնյանը գտնվել է հոգեկան խիստ հուզմունքի վիճակում, որպիսի հանգամանքը հաստատվել է քրեական գործով ձեռք բերված փաստական տվյալներով: Նման պայմաններում 2020թ. հուլիսի 30-ին որոշում է կայացվել Ա.Սիմոնյանի նկատմամբ քրեական հետապնդում չիրականացնելու մասին՝ նրա արարքում հանցակազմի բացակայության հիմքով:

Վարույթն իրականացնող մարմինը, ձեռք բերված ապացույցները բավարար համարելով քրեական գործով մեղադրական եզրակացություն կազմելու և գործը դատարան ուղարկելու համար, այդ մասին հայտնել է տուժողին և նրա ներկայացուցչին, մեղադրյալին ու նրա պաշտպանին՝ նրանց տրամադրելով քրեական գործի նյութերը ծանոթանալու համար:

0