Դեպքի վայրում հայտնաբերված դանակը

Մասիսում 17–ամյա պատանու են դանակահարել. նա մահացել է

193
(Թարմացված է 19:38 23.12.2019)
Դանակահարված վիճակում հիվանդանոց տեղափոխված պատանու ստացած վնասվածքը կյանքի հետ անհամատեղելի է եղել։

ԵՐԵՎԱՆ, 23 դեկտեմբերի — Sputnik. Արարատի մարզի Մասիս քաղաքում այսօր 17 տարեկան մի պատանի է դանակահարվել ու մահացել։

Sputnik Արմենիայի տեղեկություններով` այս պահին Մասիս քաղաքի փողոցներից մեկում մեծ թվով ոստիկաններ ու քննիչներ մասնագիտական միջոցառումներ են իրականացնում։

Շղթայական ավտովթար ԱՄՆ–ում. 69 ավտոմեքենա է բախվել, կան տուժածներ

Մոտ կես ժամ առաջ շտապօգնության մեքենայով այդ փողոցից դանակահարված վիճակում Մասիս քաղաքի հիվանդանոց է տեղափոխվել անչափահաս մի տղա։ Նրա ստացած վնասվածքը կյանքի հետ անհամատեղելի է եղել և պատանին մահացել է։

Իրավապահները պարզում են դեպքի մանրամասները։

Մարտունիում մայրն ու երեք երեխաները թունավորվել են շմոլ գազից

193
թեգերը:
Անչափահաս, դանակահարություն, դանակ, Մասիս, Սպանություն
թեմա:
Վթար, պատահար, սպանություն, գողություն (2931)
Սպանության վայրը

Նոր Նորքում սպանվածը 37 տարեկան էր, վիրավորը հարազատ եղբայրն է․ նոր մանրամասներ

242
(Թարմացված է 15:56 08.05.2021)
Եղբայրները հայրենիք էին վերադարձել Ավստրիայից, առաջիկայում էլ պատրաստվում էին տեղափոխվել ԱՄՆ, քանի որ «Գրին քարտ» էին շահել։

ԵՐԵՎԱՆ, 8 մայիսի – Sputnik. Այսօր առավոտյան Նոր Նորքում հրազենով սպանված տղամարդը 37 տարեկան էր։ Տեղեկությունը հայտնում է ՀՀ քննչական կոմիտեի մամուլի ծառայությունը` նշելով, որ դեպքը տեղի ունեցել Դ. Մալյան և Մոլդովական փողոցների հատման վայրում։

«Հայտնաբերվել է 1984թ. ծնված տղամարդու դի՝ կրծքավանդակի առաջնային մակերեսին և կրծքավանդակի ձախ կեսի հետին մակերեսի թիակի անկյան վրա կլորաձև վնասվածքներով, աջ քունքային շրջանում քերծվածքով, ինչպես նաև՝ 7.62 մմ տրամաչափի 4 փամփուշտ, 2 գնդակ, 5 պարկուճ, 9 մմ տրամաչափի 2 գազային ատրճանակի պարկուճ և 1 ինքնաձիգի շամփուր»,- նշված է հաղորդագրության մեջ։

«Հերացի թիվ 1» հիվանդանոցային համալիրից էլ ոստիկանությունը հաղորդում է ստացել, որ Երևան քաղաքի Մոլդովական փողոցից հրազենային վնասվածքով բուժօգնության է տեղափոխվել 1982թ. ծնված տղամարդ:

ArmLur.am-ի տեղեկություններով՝ սպանվածն ու հիվանդանոց տեղափոխված անձը հարազատ եղբայրներ են: Սպանվածը Հովհաննեսն է, իսկ վիրավորը՝ Կարենը: Պարբերականի տեղեկություններով՝ վերջիններս մոտ մեկ ամիս առաջ էին եկել Ավստրիայից, պատրաստվում էին մեկնել ԱՄՆ, քանի որ «Գրին քարտ» էին շահել:

1 / 6
Դեպքի վայրում աշխատում են իրավապահները

Դեպքի առթիվ ՀՀ քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժնում հարուցվել է քրեական գործ, որի նախաքննության կատարումը հանձնարարվել է քննչական խմբին:

Նշանակվել են մի շարք փորձաքննություններ: Կատարվում են անհրաժեշտ քննչական և դատավարական այլ գործողություններ՝ դեպքի բոլոր հանգամանքները, ինչպես նաև ենթադրյալ հանցագործություն կատարած անձի (անձանց) ինքնությունը պարզելու ուղղությամբ։

242
թեգերը:
Սպանություն, Երևան, Հայաստան
Ըստ թեմայի
Երևանի հիվանդանոցներից մեկում 30-ամյա ծննդկան է մահացել. երեխան ծնվել է
Ողբերգական դեպք Վայոց Ձորում. «Գազելը» վերածվել է ջարդոնի, 1 մարդ տեղում մահացել է
Արցախում 33-ամյա արմավիրցին մեքենայով ընկել է ձորը․ նրան զինհոսպիտալ են տեղափոխել
Արցախում 33-ամյա արմավիրցին մեքենայով ընկել է ձորը

Արցախում 33-ամյա արմավիրցին մեքենայով ընկել է ձորը․ նրան զինհոսպիտալ են տեղափոխել

26
(Թարմացված է 12:17 08.05.2021)
Վարորդին ձորից դուրս են բերել փրկարարները։ Նրան շտապ տեղափոխել են Ստեփանակերտի զինվորական հոսպիտալ։

ԵՐԵՎԱՆ, 8 մայիսի - Sputnik. ՀՀ քաղաքացին մայիսի 7-ին Արցախում՝ Ստեփանակերտ-Դրմբոն ավտոճանապարհի 12-րդ կմ-ին, իր վարած մեքենայով ընկել է ձորը։ Տեղեկությունը հայտնում է Արցախի արտակարգ իրավիճակների պետական ծառայությունը։

Место ДТП по трассе Степанакерт-Дрмбон (7 мая 2021). Карабах
Արցախում 33-ամյա արմավիրցին մեքենայով ընկել է ձորը

«Օգնություն ցուցաբերելու համար կանչի վայր է մեկնել Մարտակերտի շրջանային արտակարգ իրավիճակների բաժնին կից գործող Առաջաձորի հրշեջ փրկարարական ջոկի մեկ մարտական հաշվարկ: Տեղում աշխատել են ճանապարհային ոստիկանության ծառայողները»,- նշված է հաղորդագրության մեջ։

Сотрудники правоохранительных органов на территории ДТП по трассе Степанакерт-Дрмбон (7 мая 2021). Карабах
Արցախում 33-ամյա արմավիրցին մեքենայով ընկել է ձորը

Պարզվել է, որ ՀՀ Արմավիրի մարզի 33-ամյա վարորդ Ա.Ֆ.-ն իր վարած «Kia Sorento» ավտոմեքենայով դուրս է եկել ճանապարհի երթևեկելի գոտուց և ընկել ձորը:

Փրկարարները վարորդին դուրս են բերել ձորից, տեղում ցուցաբերել առաջին օգնություն։ Վարորդը մարմնական վնասվածքներով տեղափոխել է Ստեփանակերտի զինվորական հոսպիտալ:

Բժիշկները նրա առողջական վիճակը գնահատել են բավարար:

Ըստ ԱՀ ոստիկանության՝ վթարի նախնական պատճառը եղել է արագության գերազանցումը:

Վթար Արցախում․ առաջին օգնությունը ցուցաբերել են ադրբեջանցիներին ուղեկցող խաղաղապահները

26
թեգերը:
վթար, ձոր, Արցախ
Ըստ թեմայի
Երևանում ավտոմեքենան հայտնվել է փոսում, վարորդին տեղափոխել են հիվանդանոց
Ողբերգական դեպք Վայոց Ձորում. «Գազելը» վերածվել է ջարդոնի, 1 մարդ տեղում մահացել է
«Վայ, Հովո ջան․․․»․ ականատեսը՝ Նոր Նորքում հնչած կրակոցների ու սպանության մասին

«Ցավում եմ, որ պարգևը հանձնում ենք հետմահու»․ Փաշինյանը շքանշանը փոխանցեց Կոմանդոսի որդուն

10
(Թարմացված է 16:45 08.05.2021)
Կոմանդոսի որդին հուսով է, որ իր հորը հետմահու հանձնված այս պարգևը դառնալու է մեր ապագա հաղթանակների խորհրդանիշներից մեկը։

Արկադի Տեր-Թադևոսյանին՝ լեգենդար Կոմանդոսին հետմահու շնորհված Հայրենիքի շքանշանը ՀՀ վարչապետի պաշտոնակատար Նիկոլ Փաշինյանը հանձնել է նրա որդուն՝ Հայկ Տեր-Թադևոսյանին։ Տեղեկությունը հայտնում է կառավարության մամուլի ծառայությունը։

Վարչապետի պաշտոնակատարը ցավով է նշել, որ «Հայաստանի ազգային հերոսի» բարձրագույն կոչումը հանձնում է ոչ թե անձամբ Կոմանդոսին, այլ նրա որդուն։

«Շատ ցավալի է, որ այս արժանի և կոնկրետ բովանդակություն ունեցող պարգևը հանձնում ենք մի փոքր այլ միջավայրում, քան կցանկանայինք: Բայց, այնուամենայնիվ, կարծում եմ՝ սա հարգանքի, գնահատանքի շատ կարևոր ու արժանի տուրք է ոչ միայն անձամբ Արկադի Տեր-Թադևոսյանին, այլև Արցախյան ազատամարտի ու ընդհանրապես հայրենիքի պաշտպանության գործին նվիրված մեր բոլոր հայրենակիցներին»,- նշել է Փաշինյանը։

Նա ընդգծել է, որ զինված ուժերին ու զորահրամանատարներին տրվող հարգանքի և գնահատանքի պարգևներն ու տուրքը վերաբերում են ամբողջ ժողովրդին, որովհետև բանակը, թիկունքը, հանրությունը մեկ ամբողջություն են։

Հայկ Տեր-Թադևոսյանն իր ընտանիքի անունից շնորհակալություն է հայտնել։ Նա հույս է հայտնել, որ այս կոչումը կլինի մեր ապագա հաղթանակների խորհրդանիշներից մեկը:

ՀՀ նախագահ Արմեն Սարգսյանը Կոմանդոսին ազգային հերոսի կոչում շնորհելու հրամանագիրը ստորագրել է այսօր։

Հիշեցնենք` Արցախի հերոս, Հայաստանի Հանրապետության զինված ուժերի գեներալ-մայոր Արկադի Տեր-Թադևոսյանը՝ Կոմանդոսը, կյանքից հեռացավ մարտի 31-ին։

Նա խորհրդային բանակի կազմում ծառայել է Աֆղանստանում, Գերմանիայում, Չեխոսլովակիայում, Բելառուսում։ 1988 թվականից միացել է Արցախի ազատագրման պայքարին և ակտիվ մասնակցություն ունեցել կամավորականների զինվորական մարզման գործում։ 

1990 թվականին դարձել է «Սասունցի Դավիթ» կամավորական ջոկատի անդամ։ 1991 թվականին նշանակվել է ՀՀ պաշտպանության կոմիտեի արտազինվորական պատրաստության բաժնի պետ։ 1991 թվականի հոկտեմբերի 30-ին Արցախի նորաստեղծ ինքնապաշտպանական ուժերը Տեր-Թադևոսյանի հրամանատարությամբ իրականացված ռազմագործողության շնորհիվ ազատագրեցին ռազմավարական մեծ կարևորություն ունեցող Հադրութի շրջանի Տող գյուղը։

1992 թվականի մայիսի 8–ի լույս 9–ի գիշերը հայկական ուժերը Արկադի Տեր–Թադևոսյանի գլխավորությամբ ազատագրել են բերդաքաղաք Շուշին։

Նշենք, որ ԱԺ «Լուսավոր Հայաստան» խմբակցության ղեկավար Էդմոն Մարուքյանն ապրիլի 1-ին առաջարկել էր Կոմանդոսին ազգային հերոսի կոչում շնորհել։

10
թեգերը:
ազգային հերոս, Արկադի Տեր–Թադևոսյան (Կոմանդոս), Նիկոլ Փաշինյան, Հայաստան