Медработник в коридоре медицинского центра Сурб Асвацамайр

Ինչու է 27-ամյա կինը կախվել. մանրամասներ Շիրակում տեղի ունեցած դժբախտ պատահարից

4900
(Թարմացված է 22:08 21.12.2019)
Sputnik Արմենիային նոր մանրամասներ են հայտնի դարձել այսօր Շիրակի մարզում տեղի ունեցած ողբերգական պատահարից։ Ըստ տեղեկությունների` կախված կնոջ անչափահաս երեխաներից մեկը սովորում է 2-րդ դասարանում, մյուսը` մանկապարտեզ է հաճախում։

ԵՐԵՎԱՆ, 21 դեկտեմբերի – Sputnik, Արմենուհի Մխոյան. Շիրակի մարզում հայրական տանը կախված 27-ամյա կնոջը հայտնաբերել է խորթ մայրը։ Sputnik Արմենիայի տեղեկություններով` չնայած կինը ամուսնացած էր, սակայն վերջին շրջանում բնակվում էր երեխաներից հեռու` հայրական տանը։

«Ամուսնացել էր Սպիտակի գյուղերից մեկում, սակայն  հետ էր եկել գյուղ ՝ ամուսնու հետ ունեցած վիճաբանության պատճառով: Ամուսինն էր կնոջը հետ բերել հայրական տուն ու դատարանի միջոցով կնոջից վերցրել էր երեխաներին»,- Sputnik Արմենիայի հետ զրույցում ասաց համայնքի ղեկավարը։

Նրա խոսքով` ամուսինը դատարանում հայտարարել է, որ կինը խելագարվել է և նրանից խլել երեխաներին։ Ըստ համայնքի ղեկավարի` երեխաները մոտ մեկ ամիս բաժանված են եղել մորից: Բաժանումը մայրը շատ ծանր է տարել:

Կյանքին վերջ տված երիտասարդ կինը օրեր առաջ պատահական հանդիպել է համայնքի ղեկավարի կնոջը և նեղսրտվել, որ իրեն երեխաներից անհիմն են բաժանել։ Նա ասել է, որ նույնիսկ բուժզննում է անցել։

Կոտայքի մարզում Mercedes-ը վրաերթի է ենթարկել տղամարդուն

«Մի քանի օր առաջ կինս հանդիպել էր նրան, որը ասել էր՝ ինձ ասել են դու խելառ ես, դա  է երեխաներին վերցնելու պատճառը, բայց անկեղծ ո՛չ ես, ո՛չ էլ գյուղում որևէ մեկը նրա մոտ հոգեկան խնդիրներ չենք նկատել։ Շատ խելոք ու շնորհքով աղջիկ էր: Ամուսնու ասածների հիման վրա աղջիկը նույնիսկ հոգեբուժարան է գնացել, ստուգվել. ըստ հարազատների` ամուսնու կասածները չեն հաստատվել»,- նշեց համայնքապետը:

Աչաջուրում կորած պատանին հայտաբերվել է բարեկամի տանը

Ըստ տեղեկությունների` կախված կնոջ անչափահաս երեխաներից մեկը սովորում է 2-րդ դասարանում, մյուսը` մանկապարտեզ է հաճախում։

Ավելի վաղ հայտնել էինք, որ Շիրակի մարզի գյուղերից մեկում 27-ամյա կնոջը կախված էին հայտնաբերել հայրական տանը։ Աղջկան տեղափոխել էին «Տիրամայր Նարեկի» հիվանդանոց` հուսալով, որ հնարավոր կլինի փրկել նրա կյանքը, սակայն անարդյունք:

4900
թեգերը:
Դատարան, Կին, հիվանդանոց, երեխա, մանկապարտեզ, Դժբախտ պատահար, Հայաստան
թեմա:
Վթար, պատահար, սպանություն, գողություն (2628)
Ըստ թեմայի
Էրեբունիում տղամարդը հրազենով վերջ է տվել կյանքին
Սևանում շմոլ գազից ընտանիք է թունավորվել
ԵՊՀ իրավագիտության ֆակուլտետի բակում վիճել են ու կրակել
Թալանել են ՀՀ գլխավոր դատախազության պաշտոնյայի տունը
ՀՀ ոստիկանություն. արխիվային լուսանկար

Երևան-Երասխ ավտոճանապարհին 5 մեքենա բախվել են իրար. կա տուժած

4
(Թարմացված է 10:06 13.08.2020)
Մ-2 ավտոճանապարհին տեղի ունեցած շղթայական ավտովթարի հետևանքով մեկ աղջիկ է տեղափոխվել «Էրեբունի» ԲԿ։

ԵՐԵՎԱՆ, 13 Օգոստոս — Sputnik. ՀՀ արտակարգ իրավիճակների նախարարությունը տեղեկացնում է, որ օգոստոսի 12-ին, ժամը 23։15-ին Մ-2 ավտոճանապարհի Տափերական գյուղի մոտակայքում տեղի է ունեցել ՃՏՊ. 5 մեքենա են բախվել իրար։

«Պարզվել է, որ Երևան-Երասխ ավտոճանապարհի 35-րդ կմ-ին բախվել են BMW (վարորդ՝ Վահագն Հ․, ծնված 1980 թ.), Renault (վարորդ՝ Գևորգ Ի․, ծնված 1992 թ.), ZIL (վարորդ՝ Լյուդվիգ Հ․, ծնված 1990 թ.), ZIL (վարորդ՝ Հովհաննես Ե․, ծնված 1977 թ.) և Opel Аstra G (վարորդ՝ Սարգիս Ա․, ծնված 1993 թ.) մակնիշների ավտոմեքենաները»,–նշված է հաղորդագրության մեջ։

Մինչ փրկարարների՝ կանչի վայր հասնելը «BMW» մակնիշի ավտոմեքենայի ուղևոր Քրիստինե Ա․-ն (ծնված 1978 թ.) հոսպիտալացվել է «Էրեբունի» ԲԿ։

Փրկարարները հոսանքազրկել են ավտոմեքենաները, փակել գազի բալոնների փականները և կատարել ճանապարհի լվացման աշխատանքներ։

Արցախում ևս արտակարգ դրությունը երկարաձգվեց մեկ ամսով. ինչ փոփոխություններ են արվել

4
թեգերը:
Վիրավոր, Հայաստան, ավտովթար
թեմա:
Վթար, պատահար, սպանություն, գողություն (2628)
Ըստ թեմայի
Դպրոցների բացվելը կարող է համաճարակի 2-րդ ալիքի պատճառ դառնալ. ի՞նչ կանի կառավարությունը
Աշտարակում կամրջից 53-ամյա տղամարդ է նետվել
Արխիվային լուսանկար

Աշտարակում կամրջից 53-ամյա տղամարդ է նետվել

90
(Թարմացված է 18:40 12.08.2020)
Դեպքի վայրում փրկարարները Քասախ գետի ձորակում հայտնաբերել են տղամարդու դի։ Նախնական տեղեկություններով՝ մահացածն Աշտարակի բնակիչ է։

ԵՐԵՎԱՆ, 12 օգոստոսի - Sputnik. Ժամեր առաջ ողբերգական դեպք է տեղի ունեցել Աշտարակ քաղաքում։ ԱԻՆ մամուլի ծառայությունը հայտնում է՝ ժամը 15:49-ին Ճգնաժամային կառավարման ազգային կենտրոն տեղեկություն է ստացվել, որ կամրջից քաղաքացի է նետվել։

«Դեպքի վայր են մեկնել ԱԻՆ ՓԾ Արագածոտնի մարզային փրկարարական վարչության օպերատիվ խումբը և հրշեջ-փրկարարական ջոկատից մեկ մարտական հաշվարկ»,- նշված է հաղորդագրության մեջ։

Փրկարարները ձորակից (մոտ 70 մ) դուրս են բերել 53-ամյա տղամարդու դին և մոտեցրել շտապօգնության ավտոմեքենային:

Shamshyan.com-ի տեղեկություններով՝ Քասախ գետի վրա կառուցված կամրջից ցած նետված տղամարդն Աշտարակ քաղաքի բնակիչ Ե. Տերտերյանն է։

Փաստի առթիվ նյութեր են նախապատրաստվում: Նշանակվել են մի շարք փորձաքննություններ:

90
թեգերը:
Հայաստան, փրկարար, Դիակ, տղամարդ, կամուրջ, Արագածոտնի մարզ
թեմա:
Վթար, պատահար, սպանություն, գողություն (2628)
Ըստ թեմայի
Ողբերգական դեպք Վանաձորում. լճից 44–ամյա կնոջ դիակ են դուրս բերել
Երևանի կենտրոնում գտնվող տներից մեկում երիտասարդի դիակ են հայտնաբերել
Կոտայքի մարզում տղամարդու գլխատված դիակ են հայտնաբերել
ՊՆ–ն հրապարակել է ադրբեջանցիների դիակների տարհանման լուսանկարներն ու տեսանյութը