ԵՐԵՎԱՆ, 17 նոյեմբերի — Sputnik. «Արմավիր» քրեակատարողական հիմնարկում 21–ամյա կալանավոր է կախվել։ Այս մասին հայտնում է ՀՀ արդարադատության նախարարության քրեակատարողական ծառայության պաշտոնական կայքը։
«Նոյեմբերի 16-ին, ժամը 22։50-ի սահմաններում, ՀՀ ԱՆ «Արմավիր» ՔԿՀ–ում հայտնաբերվել է ՀՀ քննչական կոմիտեի Արմավիրի մարզային քննչական վարչության Վաղարշապատի քննչական բաժնում քննվող քրեական գործով կալանավորված 21–ամյա Սարգիս Հակոբի Աբելյանի դին։ Նա կախվել էր` 2-րդ հարկի մահճակալից մարզահագուստի ամրակապի միջոցով»,–նշված է հաղորդագրության մեջ։
Նշենք, որ Սարգիս Աբելյանը մեղադրվում էր ՀՀ քրեական օրենսգրքի 175 հոդվածի 2-րդ մասի 1-ին, 3-րդ, 4-րդ կետերով և 235 հոդվածի 1-ին մասով, այսինքն` ավազակության և ապօրինի կերպով զենք, ռազմամթերք ձեռք բերելու, պահելու կամ կրելու մեջ։
Արմավիր ՔԿՀ-ի երեք աշխատակից է ձերբակալվել
Դեպքի հանգամանքները պարզելու նպատակով ՀՀ քննչական կոմիտեի Արմավիրի մարզային քննչական վարչության Վաղարշապատի քննչական բաժնում հարուցվել է քրեական գործ։
Աղցան, առաջին, երկրորդ և կոմպոտ. սննդի մատակարարման փորձնական ծրագիր «Արմավիր» ՔԿՀ–ում
