Կիևյան կամուրջ

Փորձել է նետվել Կիևյան կամրջից. 49–ամյա քաղաքացին ոչ սթափ վիճակում էր

81
(Թարմացված է 20:47 28.10.2019)
Հոգեբանական խորհրդատվության գծով հրահանգիչը հոգեբանական աջակցություն է ցուցաբերել Աղաս Փ.-ին, վերջինը տեղափոխվել է ոստիկանության Մաշտոցի բաժին:

ԵՐԵՎԱՆ, 28 հոկտեմբերի — Sputnik. Երևանում 49–ամյա քաղաքացին ոչ սթափ վիճակում փորձել է նետվել Կիևյան կամրջից։

Ինչպես տեղեկացնում են ՀՀ ԱԻՆ մամուլի ծառայությունից, հոկտեմբերի 28-ին, ժամը 17:21-ին «911» ծառայություն ահազանգ է ստացվել, որ քաղաքացին ցանկանում է ինքնասպանություն գործել՝ նետվելով Երևանի Կիևյան կամրջից:

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը և հոգեբանական աջակցության բաժնի հոգեբանական խորհրդատվության գծով հրահանգիչը:

Կամրջի վրա հերթապահություն իրականացնող ոստիկանության աշխատակիցները կանխել են ոչ սթափ վիճակում գտնվող ծնված 1970 թ.-ին ծնված Աղաս Փ.-ի ինքնասպանության փորձը:

«Շենգավիթ» բարեգործական հիմնադրամի տնօրենը 3,3 մլն դրամ է յուրացրել. նրան ձերբակալել են

Տեղում հոգեբանական խորհրդատվության գծով հրահանգիչը հոգեբանական աջակցություն է ցուցաբերել Աղաս Փ.-ին, ով տեղափոխվել է ոստիկանության Մաշտոցի բաժին:

81
թեգերը:
ՀՀ Ոստիկանություն, ՀՀ արտակարգ իրավիճակների նախարարություն (ԱԻՆ), Կիևյան կամուրջ, ինքնասպանության փորձ, Երևան
թեմա:
Վթար, պատահար, սպանություն, գողություն (2633)
Ըստ թեմայի
Արա Բաբլոյանին էլ մեղադրանք առաջադրվեց. նա պատրաստվում է ապացուցել, որ արդար է
ՄԻԵԴ-ը ստացել և գրանցել է ՀՀ երկրորդ նախագահ Ռոբերտ Քոչարյանի դիմումները
Նաիրի Հունանյանի՝ պայմանական վաղաժամկետ ազատվելու հարցը դատարան չի ներկայացվի
Հրթիռ. արխիվային լուսանկար

Սյունիքի դաշտերից մեկում սմերչ տեսակի հրթիռ է հայտնաբերվել

151
(Թարմացված է 20:56 14.08.2020)
Սմերչի հայտնաբերման տարածքում ոստիկանության Սիսիանի բաժնի աշխատակիցների կողմից սահմանվել է հերթապահություն։

ԵՐԵՎԱՆ, 14 օգոստոսի — Sputnik. ՀՀ արտակարգ իրավիճակների նախարարությունը տեղեկացնում է, որ այսօր Սյունիքում` Շաքի գյուղի մոտակա դաշտում, զինամթերք է հայտնաբերվել:

«Պարզվել է, որ, ըստ նախնական տվյալների, հայտնաբերվել է սմերչ (համազարկային կրակի ռեակտիվ համալիր) տեսակի հրթիռ»,–նշված է հաղորդագրության մեջ։

Դեպքի վայր է մեկնել ԱԻՆ Սյունիքի մարզային փրկարարական վարչության օպերատիվ խումբը։ Փրկարարները սահմանազատել են տարածքը։

Տեղում ոստիկանության Սիսիանի բաժնի աշխատակիցների կողմից սահմանվել է հերթապահություն։

Տավուշի մարզում արկ է հայտնաբերվել, որի կիրառումն արգելվում է միջազգային կոնվենցիաներով

151
թեգերը:
հրթիռ, արկ, սմերչ, Գյուղ, ՀՀ արտակարգ իրավիճակների նախարարություն (ԱԻՆ), Սյունիքի մարզ
Ըստ թեմայի
Վանաձորի Սարի թաղում 82 մմ տրամաչափի ականանետի արկ է հայտնաբերվել
Երևանի Նուբարաշենի խճուղում հակատանկային արկ է հայտնաբերվել
Չպայթած արկ` Տավուշի գյուղերում. Արծրուն Հովհաննիսյանը լուսանկար է հրապարակել
Ավտոբուս, արխիվային լուսանկար

Երևանում ավտոբուսի վարորդը վրաերթի է ենթարկել փողոցը թույլատրելի հատվածով անցնող հետիոտնին

158
(Թարմացված է 12:27 14.08.2020)
Թիվ 20 երթուղին սպասարկող վարորդը դեպքի վայրից փախուստի չի դիմել, տեղում ենթարկվել է սթափության փորձաքննության, պարզվել է, որ նա եղել է սթափ վիճակում։

ԵՐԵՎԱՆ, 14 օգոստոսի - Sputnik. Երևանում մահվան ելքով վրաերթ է տեղի ունեցել։ Ավտոբուսի վարորդը վրաերթի է ենթարկել փողոցը թույլատրելի հատվածով անցնող հետիոտնին։ Տեղեկությունը հայտնում է Shamshyan.com–ը։

«Այսօր՝ ժամը 08։20-ի սահմաններում, Երևանի բնակիչ՝ 29-ամյա Կարեն Գ-ն իր վարած Higer մակնիշի ավտոբուսով վրաերթի է ենթարկել փողոցը թույլատրելի հատվածով անցնող հետիոտն՝ Երևանի բնակիչ, 56-ամյա Կարինե Մ-ին»,–գրում է կայքը։

Վրաերթի ենթարկվածը, շտապօգնության մեքենայով տեղափոխվել է թիվ 1 համալսարանական հիվանդանոց, սակայն վերակենդանացման բաժանմունքում գիտակցության չգալով, մահացել է։

Վրաերթ Աբովյան քաղաքում. տղամարդը ծանր վնասվածքներով տեղափոխվել է հիվանդանոց. լուսանկար

Փաստի առթիվ հարուցվել է քրեական գործ՝ ՀՀ քր. օր-ի 242 հոդվածի 2-րդ մասի (ճանապարհատրանսպորտային պատահար, որն անզգուշությամբ առաջացրել է մարդու մահ ) հատկանիշներով։ Ժամանած քննիչի հանձնարարականով ավտոբուսը, որը սպասարկում է թիվ 20 երթուղին, տեղափոխվել է Երևանի ՃՈ պահպանվող հատուկ տարածք։ Վարորդը դեպքի վայրից փախուստի չի դիմել, նույնպես օգնություն է ցուցաբերել վիրավորին, տեղում ենթարկվել է սթափության փորձաքննության. Պարզվել է, որ նա եղել է սթափ վիճակում։

158
թեգերը:
վարորդ, Հայաստան, Ոստիկանություն, հետիոտն, հիվանդանոց, Մահ, Երևան, Վրաերթ
թեմա:
Վթար, պատահար, սպանություն, գողություն (2633)
Ըստ թեմայի
Ինչպես է ոստիկանության աշխատակիցը վրաերթի ենթարկել տղային. ՔԿ–ն` Ստեփանավանի դեպքի մասին
Վրաերթ Կոմիտասի պողոտայում. տուժածի վիճակը ծայրահեղ ծանր է
Ստեփանավանում ոստիկանը ոչ սթափ վիճակում վրաերթի է ենթարկել հետիոտնին
Արտակարգ դեպք Կոտայքում. վրաերթի են ենթարկվել ՃՈ հետաքննիչն ու 6 տղամարդիկ
Հաքեր

Հաքերները ռուսական բանկերի վրա յուրօրինակ հարձակում են գործել. ԶԼՄ–ները խուճապի են մատնվել

0
(Թարմացված է 23:45 14.08.2020)
Նամակներ են ուղարկվել են հայտնի ԶԼՄ–ների անուններից։ Օրինակ` կիբեռհարձակումներից մեկն իրականացվել է հաղորդագրության օգնությամբ, որն իբրև թե ուղարկվել է ՌԲԿ–ի կորպորատիվ փոստից։

ԵՐԵՎԱՆ, 14 օգոստոսի – Sputnik. Կիբեռհանցագործները լրագրողների անվան տակ գրոհել են Ռուսաստանի բանկերի վրա։ Ինչպես գրում է ռուսական մամուլը, որոշ տվյալներով` TinyScouts խմբավորման հաքերները հաղորդագրություններ էին ուղարկում հարցազրույցի առաջարկով և համավարակի երկրորդ ալիքի մասին նախազգուշացումներով։

«Ռոստելեկոմի» կիբեռսպառնալիքների մոնիթորինգի և արձագանքման կենտրոնի մասնագետներին հայտնի է դարձել, որ կիբեռհանցագործները հարձակման համար ծրագրային նոր ապահովագրում են կիրառում։ Բանկերի վրա առանձին հարձակումներն իրականացվել են ապրիլին։

Նամակներ են ուղարկվում հայտնի ԶԼՄ–ների անուններից։ Օրինակ` կիբեռհարձակումներից մեկն իրականացվել է հաղորդագրության օգնությամբ, որն իբրև թե ուղարկվել է ՌԲԿ–ի կորպորատիվ փոստից։ Հաղորդագրության մեջ բանկի աշխատակիցներից մեկին առաջարկվել է հարցազրույց անցնել։ Հարցերին պատասխանելու համար կից ներկայացված հղումով անցնելու դեպքում բեռնվում է վնասակար ծրագրի հիմնական բաղադրիչը, և կիբեռհանցագործները հեռավար հասանելիություն ու վերահսկողություն են ստանում օտար համակարգիչների նկատմամբ։

Չինացի հաքերները թիրախավորել են Նուբար Աֆեյանի ընկերության COVID-19–ի դեմ պատվաստանյութը

Եթե սարքի վրա որևէ կարևոր տեղեկություն ստանալ չի հաջողվում, այլ ծրագիր է տեղադրվում, որը կոդավորում է համակարգչի ողջ կոնտենտը, այնուհետև գումար պահանջում այն ապակոդավորելու համար։

0
թեգերը:
ԶԼՄ, Ռուսաստան, Բանկ, հաքեր
Ըստ թեմայի
Սին «հերոսություն» է. մասնագիտական ապտակ ադրբեջանցի հաքերներին
«Մենք թիկունքում ենք և ձեր մեջ». հայերը պատասխան հարված են հասցրել ադրբեջանցի հաքերներին
Հայերը կոտրել են ադրբեջանցիների գլխավոր հաքերական կայքը. համացանցում «փոխհրաձգություն» է