Փրկարարներ և շտապօգնություն

Վթար Նոր Խարբերդի ամառանոցների մոտ. երիտասարդ վարորդը տեղում մահացել է

56
(Թարմացված է 11:56 30.09.2019)
Մեքենան դուրս է եկել երթևեկելի գոտուց և դեպի ձորակ սահել։ Ճանապարհատրանսպորտային պատահարի հետևանքով մեքենայի շարժիչ հատվածում հրդեհ է բռնկել։

ԵՐԵՎԱՆ, 30 սեպտեմբերի – Sputnik. Մասիս–Երևան ճանապարհին ողբերգական ավարտով պատահար է գրանցվել։ Այս մասին հայտնում է ՀՀ արտակարգ իրավիճակների նախարարության մամուլի ծառայությունը։

Սեպտեմբերի 30-ին, ժամը 00:28-ին «911» ծառայությունն ահազանգ է ստացել, որ ավտոմեքենան գլորվել է ձորը. անհրաժեշտ է փրկարարների օգնությունը:

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը:

Երևանի փողոցներից մեկի ջրանցքում հայտնաբերվել է 83-ամյա տղամարդու դին

Պարզվել է, որ Մ-15 ավտոճանապարհին` Խարբերդի ամառանոցների մոտակայքում, «Opel Astra G» մակնիշի ավտոմեքենան (վարորդ՝ Սոս Տ., ծնված 1991 թ.) դուրս է եկել ճանապարհի երթևեկելի գոտուց և սահել դեպի ձորակը: Վարորդը տեղում մահացել է:

Շարժիչի հատվածում հրդեհ է բռնկել, որը փրկարարները մարել են ժամը 00:50-ին: Մասամբ այրվել է շարժիչի հատվածը:

Վայոց Ձորում 1 տարեկան երեխան ընկել է ջրատարը. փրկարարները դուրս են բերել երեխայի դին

56
թեգերը:
Մահ, վարորդ, վթար, Հայաստան
թեմա:
Վթար, պատահար, սպանություն, գողություն (2022)
Ըստ թեմայի
Տավուշցի թոշակառուն փորձել է Երևանում վերջ տալ կյանքին
Մասիսում երիտասարդ հարսը լուսամուտները մաքրելիս ընկել է 5-րդ հարկից
Կոտայքում որսի գնացած տղամարդկանցից մեկին հրազենային վնասվածքով տեղափոխել են հիվանդանոց