Շտապօգնության մեքենա

Երևանում 26–ամյա աղջիկը փորձել է վերջ տալ կյանքին և դեղահաբեր է խմել

174
(Թարմացված է 19:27 11.09.2019)
Բժիշկներին հաջողվել է փրկել ինքնասպանության փորձ կատարած աղջկա կյանքը։

ԵՐԵՎԱՆ, 11 սեպտեմբերի — Sputnik. Երեկ Երևանում 26–ամյա աղջիկը փորձել է կյանքին վերջ տալ և դեղահաբեր խմել։ 

Sputnik Արմենիայի տեղեկություններով`  բժիշկներին հաջողվել է փրկել հիվանդանոց տեղափոխված աղջկա կյանքը։

Երևանում ապրող աղջկա ինքնազգացողությունը կտրուկ վատացել է, ինչի համար էլ նրան տեղափոխել են հիվանդանոց։ Ըստ շրջանառվող լուրերի՝ աղջիկը հիվանդանոց է տեղափոխվել իրենց տնից։

Թե ինչու է երիտասարդ աղջիկը նման քայլի դիմել, դեռ հստակ պատճառ չի շրջանառվում։ Իրավապահները պարզում են դեպքի մանրամասները։

174
թեգերը:
բժիշկ, Ոստիկանություն, շտապօգնություն, Դեղ, ինքնասպանության փորձ, Հայաստան
թեմա:
Վթար, պատահար, սպանություն, գողություն (2601)
Ըստ թեմայի
Արտառոց դեպք Արմավիրում. կրակոց է հնչել, թիրախում է «հայտնվել» կինը
Կուտական գյուղում կորած 15–ամյա աղջկան մահացած են հայտնաբերել
Գյումրիում ռուս զինծառայող է մահացել
Երիտասարդ տղամարդը կախվել է վարձով տան խոհանոցում. նրան այդ վիճակում կինն է գտել
Քննչական կոմիտե, արխիվային լուսանկար

Երկու եղբայր դանակով հարձակվել են ոստիկանների վրա. հարուցվել է քրեական գործ

18
(Թարմացված է 13:01 03.08.2020)
Դեպքի վայրի զննության ժամանակ հայտնաբերվել  և առգրավվել է հանցագործության գործիք հանդիսացող դանակը, զննվել  դեպքի վայրում առկա տեսանկարահանող սարքերի տեսաձայնագրությունը, հարցաքննվել են ականատես վկաներ, նշանակվել է դատաբժշկական փորձաքննություն:

ԵՐԵՎԱՆ, 3 օգոստոսի – Sputnik. Արտաշատ քաղաքում բնակվող երկու եղբայրները ձերբակալվել են՝ ոստիկանների նկատմամբ բռնություն գործադրելու կասկածանքով։ Տեղեկությունը հայտնում է ՀՀ քննչական կոմիտեի լրատվական ծառայությունը։

Մասնավորապես, 2020թ. օգոստոսի 02-ին, ժամը 18:15-ին, ՀՀ ոստիկանության Երևան քաղաքի վարչության օպերատիվ կառավարման կենտրոն է զանգահարել Արտաշատի բնակչուհին և հայտնել, որ ծանոթն իրեն ծեծում է և կոտրում տան դուռը:

Անմիջապես դեպքի վայր է մեկնել Ոստիկանության Արտաշատի բաժնի օպերատիվ խումբը:

Նկատելով մոտեցող ոստիկաններին՝ տղամարդը սպառնացել է խոհանոցային դանակով վնասել իրեն:

Ողբերգական վթար Լոռիում. երիտասարդ եղբայրներից մեկը մահացել է

Ոստիկանության ծառայողները, վերջինիս հետ խոսելով, համոզել են և հրավիրել Ոստիկանության բաժին: Տղամարդը, դանակն իր վզին պահած վիճակում, ոստիկանների և եղբոր ուղեկցությամբ, քայլելով գնացել է ոստիկանության Արտաշատի բաժին, որտեղ՝ միջանցքում, դանակը թափահարելով հարձակվել է ոստիկանների վրա, և երբ վերջիններս փորձել են վնասազերծել նրան, դանակով հարվածել է ոստիկանության ՀՈԲ ավագ տեսուչի աջ ոտքին՝ պատճառելով վնասվածք: Նույն պահին նրա եղբայրը քարով հարձակվել է ոստիկանների ուղղությամբ, սակայն չի հասցրել  որևէ մեկին հարվածել, քանի որ ոստիկանության ծառայողները նրան վնասազերծել են»,– նշված է հաղորդագրության մեջ:

Զեյթունում վեճն արյունոտ ավարտ է ունեցել. բժիշկները պայքարում են երիտասարդի կյանքի համար

Դեպքի առթիվ ՀՀ քննչական կոմիտեի Արարատի մարզային քննչական վարչությունում ՀՀ քրեական օրենսգրքի 316-րդ հոդվածի 1-ին մասով (իշխանության ներկայացուցչի   նկատմամբ կյանքի կամ առողջության համար ոչ վտանգավոր բռնություն գործադրելը՝  կապված նրա կողմից իր ծառայողական պարտականությունները կատարելու հետ) հարուցվել է քրեական գործ:

Արտաշատ քաղաքի բնակիչներ, երկու եղբայրները ձերբակալվել են՝ իշխանության ներկայացուցչի նկատմամբ բռնություն գործադրելու կասկածանքով:

Նախաքննության ընթացքում կատարվել են մի շարք քննչական գործողություններ՝ դեպքի վայրի զննություն, որի ժամանակ հայտնաբերվել և վերցվել է հանցագործության գործիք հանդիսացող դանակը, զննվել է դեպքի վայրում առկա տեսանկարահանող սարքերի տեսաձայնագրությունը, հարցաքննվել են ականատես վկաներ, նշանակվել է դատաբժշկական փորձաքննություն:

Նախաքննությունը շարունակվում է:

18
թեգերը:
Ոստիկանություն, ոստիկան, դանակ, Քրեական գործ, ՀՀ քննչական կոմիտե, Հայաստան
թեմա:
Վթար, պատահար, սպանություն, գողություն (2601)
Հիվանդանոց, արխիվային լուսանկար

Զեյթունում վեճն արյունոտ ավարտ է ունեցել. բժիշկները պայքարում են երիտասարդի կյանքի համար

112
(Թարմացված է 17:30 02.08.2020)
Ոստիկաններին հայտնի է դարձել, որ վիրավորը վիճաբանել է մեկ այլ տղամարդու հետ: Կասկածյալը ձերբակալված է։

ԵՐԵՎԱՆ, 2 օգոստոսի - Sputnik. Քանաքեռ-Զեյթունում վիճաբանությունը դանակահարությամբ է ավարտվել։ Shamshyan.com-ի տեղեկություններով՝ երեկ՝ օգոստոսի 1-ին, ժամը 23:30-ի սահմաններում թիվ 1 համալսարանական հիվանդանոցից ոստիկանությունն ահազանգ է ստացել, որ «ձախ գոտկատեղի կտրած-ծակած վերք» ախտորոշմամբ իրենց մոտ է տեղափոխվել մի քաղաքացի:

Վիրավորի առողջական վիճակը բժիշկները գնահատել են ծայրահեղ ծանր։ Հիվանդանոցում ոստիկաններին հայտնել են, որ վիրավոր տղամարդը վիրահատարանում է և ի վիճակի չէ կատարվածի մասին բացատրություն տալ:

Ձեռնարկված միջոցառումների արդյունքում իրավապահները պարզել են, որ վիրավորը Երևանի բնակիչ, 32-ամյա Վարազդատ Մկրտչյանն է: Ոստիկաններին հայտնի է դարձել, որ ժամը 23:00-ի սահմաններում Ռուբինյանց փողոցում վիրավորը վիճաբանել է մեկ այլ տղամարդու հետ: Կարճ ժամանակ անց ոստիկանության ծառայողները պարզել են նաև կասկածյալի ինքնությունը։ Բացատրական աշխատանքների արդյունքում Քանաքեռ-Զեյթունի ոստիկանություն է ներկայացել Երևանի բնակիչ, 48-ամյա Հովհաննես Հովհաննիսյանը:

Փաստի հարուցվել է քրեական գործ: Հովհաննիսյանը ձերբակալված է:

Հարսին կասկածել է, կրակել համագյուղացու վրա. լարված կրքեր Գեղարքունիքում

 

112
թեգերը:
Ձերբակալում, բժիշկ, հիվանդանոց, վեճ, ՀՀ քննչական կոմիտե, Հայաստան
թեմա:
Վթար, պատահար, սպանություն, գողություն (2601)
Ըստ թեմայի
Դանակահարություն մանկատանը. նախկին սանը «դաս է տվել» 16-ամյա պատանուն
Դանակահարություն Էրեբունիում. երկու երիտասարդ կրծքավանդակի վնասվածքով հիվանդանոցում են
Դանակահարություն եղբայրների միջև. մեկը հոսպիտալացվել է, մյուսը` ձերբակալվել
«Ոնց թե դու իմ շանը զարկես...». Երևանում գարեջրի շշերով կռիվ ու դանակահարություն է եղել
Գրիգոր Արեշյան

Կորոնավիրուսից մահացել է հայտնի հնագետ Գրիգոր Արեշյանը

0
(Թարմացված է 15:25 03.08.2020)
Արեշյանը գլխավորել է հնագիտական տարբեր պեղումներ, այդ թվում` Վայոց Ձորի մարզի Արենի-1 կոչվող քարայրի պեղումները։

ԵՐԵՎԱՆ, 3 հուլիսի – Sputnik. Երևանում մահացել է Հայաստանի ամենահայտնի հնագետներից մեկը` Գրիգոր Արեշյանը։ Sputnik Արմենիայի հետ զրույցում տեղեկությունը հաստատեց Հայաստանի գիտությունների ակադեմիայի հնագիտության և ազգագրության ինստիտուտի տնօրեն Պավել Ավետիսյանը։ 71–ամյա Արեշյանի մահվան պատճառը կորոնավիրուսն է եղել։

Արեշյանը ծնվել է գիտնականների ընտանիքում։ 1991-92 թվականներին հրավիրվել է պետական ծառայության, եղել է Հայաստանի պետնախարար (այս պաշտոնը գոյություն է ունեցել մինչև 1995 թվականը)։

Ավելի ուշ մեկնել է ԱՄՆ, որտեղ դասավանդել է Չիկագոյի և Լոս Անջելեսի (UCLA) համալսարաններում ։ Արեշյանը գլխավորել է հնագիտական տարբեր պեղումներ, այդ թվում նաև Վայոց Ձորի մարզի Արենի-1 կոչվող քարայրի պեղումները, որոնց ժամանակ հայտնաբերվեց արդեն աշխարհին հայտնի 5500-ամյա ոտնամանը։

«Հիմա երկար խոսել չեմ կարող, դժվար է առանց հուզմունքի հիշել։ Շուտով մենք մահախոսական կկազմենք, որում կրկին կպատմենք այդ մարդու ձեռքբերումների մասին։ Նա Երևանի պետական համալսարանի հնագիտական հետազոտությունների լաբորատորիայի հիմնադիրներից էր, պեղումներ է կատարել Արենիում և մի շարք այլ վայրերում, որոնք վերաբերում են մեր հնագույն պատմությանը: Բացի այդ, նա գիտեր ռուսերեն, անգլերեն և ֆրանսերեն, աշխատանքներ էր հրատարակում աշխարհի առաջատար հնագիտական պարբերականներում։ Նրա սկսած նախագծերից շատերը դեռ պետք է ավարտին հասցվեն»,– ասաց Ավետիսյանը։

Նշենք, որ Գրիգոր Արեշյանի պապը՝ Գրիգոր Արեշյանը, Խորհրդային Հայաստանում հիմնադրել է Հայաստանի առաջին մանկաբարձա-գինեկոլոգիական բաժանմունքը, ապա դրան կից մանկաբարձական դպրոցը (1920), որտեղ մանկաբարձություն և գինեկոլոգիա է դասավանդել։ Նրա անունով է կոչվել Երևանի 1-ին հիվանդանոցի մանկաբարձական կլինիկան։

0
թեգերը:
Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում