ԵՐԵՎԱՆ, 4 օգոստոսի-Sputnik. Լոռիում տեղի ունեցած խոշոր ավտովթարի հետևանքով երկու անձ հոսպիտալացվել են։
Ինչպես հաղորդում է Shamshyan.com-ը, օգոստոսի 3-ին՝ 00։30-ի սահմաններում, Լոռու մարզի Ֆիոլետովո գյուղի հանդամասում Կոտայքի մարզի Առինջ գյուղի բնակիչ՝ 39-ամյա Արմեն Ջամվելյանն իր վարած Nissan Patrul մակնիշի ավտոմեքենայով դուրս է եկել ճանապարհի երթևեկելի հատվածից, մի քանի պտույտ տվել, գլորվել է և ընկել ձորը։ Վթարի հետևանքով վարորդ Ա. Ջամվելյանն ու նրա ուղևոր՝ 12-ամյա Մ. Ջ-ն մարմնական վնասվածքներով տեղափոխվել են Վանաձորի բժշկական կենտրոն։
Ըստ տեղեկությունների՝ վիրավորները հայր ու որդի են, բացի այդ վարորդ Ա. Ջամվելյանը «Արզնի մսամթերք» Փակ Բաժնետիրական Ընկերության տնօրենն է:
Վթարից հետո Գառնիի մանկապարտեզի կոլեկտիվի անդամներից 8-ը դեռ հիվանդանոցում են. մանրամասներ
Դեպքի հանգամանքները պարզվում են:
