Բախում բանտում. Բրազիլիայում մահացած բանտարկյալների թիվը հասել է 57-ի

49
(Թարմացված է 15:19 30.07.2019)
Բախման պատճառը թմրամիջոցների ապօրինի շրջանառությամբ զբաղվող երկու խմբավորումների միջև առաջացած վեճն է։

ԵՐԵՎԱՆ, 30 հուլիսի – Sputnik. Բրազիլիայի հյուսիսում գտնվող Ալթամիրի մունիցիպալիտետի բանտերից մեկում կալանավորների բախման հետևանքով սպանվածների թիվը հասել է 57-ի. 16 մարդ գլխատվել է, իսկ 41-ը մահացել շնչահեղձության հետևանքով: 

Այս մասին հայտնում է РИА Новости-ն:

Ավելի վաղ հայտնի էր դարձել 52 մահացածի մասին: Անկարգությունները սկսվել են երկուշաբթի առավոտյան և շարունակվել մինչ կեսօր:

Բախման հետևանքով բանտարկյալները պատանդ էին վերցրել երկու հսկիչի, որոնք արդեն իսկ ազատ են արձակվել։  Ավելի ուշ, այն շինություններում, որտեղ տեղի են ունեցել բախումները, հրդեհ է բռնկվել, և բանտարկյալներից շատերը մահացել են շնչահեղձությունից:

Բանտից դուրս է եկել, հաշիվ մաքրել ընկերուհու նոր ընկերոջ հետ. դանակահարություն Վանաձորում

Իշխանությունները մի քանի ժամ շարունակ չեն կարողացել մուտք գործել այն տարածք, որտեղ տեղի է ունեցել բախումը: Շրջանառվող վարկածի համաձայն` բախման պատճառը եղել է թմրամիջոցների ապօրինի շրջանառությամբ զբաղվող երկու խմբավորումների միջև ծագած վեճը։

49
թեգերը:
թմրանյութ, հանցագործություն, Բանտ, բախումներ, Բրազիլիա
Ըստ թեմայի
Քրեակատարողական ծառայությունում «կադրային ջարդ» ու «հներից ազատվելու» միտում չկա
Բանտում գտնվող Ջուլիան Ասանժը. բացառիկ կադրեր
Մոսկվայի դատարանը որոշել է գործարար Ալբերտ Խուդոյանին կալանավորել