ԵՐԵՎԱՆ, 23 հուլիսի — Sputnik. Երեկ`հուլիսի 22–ին, կեսգիշերին մոտ դանակահարություն ավարտված միջադեպ է տեղի ունեցել Աբովյան քաղաքում։
Sputnik Արմենիայի տեղեկություններով` Հանրապետության փողոցից դանակահարված վիճակում «Աբովյան» բժշկական կենտրոն են տեղափոխվել Աբովյանի բնակիչ 17 և 15-ամյա պատանիներ։ Նրանք իրենց հետ կատարվածի վերաբերյալի վիճակի չեն եղել ոչինչ հայտնելու։
Բժիշկների պրոֆեսիոնալիզմի շնորհիվ պատանիների կյանքին վտանգ չի սպառնում։ Ըստ որոշ տեղեկությունների՝ Աբովյանի ոստիկանները կարճ ժամանակում պարզել են կատարվածի մանրամասները։
Նախնական տվյալներով՝ անչափահասներին դանակահարել է 15-ամյա մեկ այլ տղա, ով Հանրապետության փողոցում միջանձնային հարցերի պարզման ժամանակ դանակով հարվածներ է հասցրել հիվանդանոց տեղափոխվածներին։
Իրավապահները շարունակում են դեպքի հանգամանքները պարզելու միջոցառումները։
