ԵՐԵՎԱՆ, 20 հուլիսի — Sputnik. Հուլիսի 18-ի գիշերը, ժամը 4-ի սահմանում ճանապարհային ոստիկանության ծառայողները Երևան-Սևան-Իջևան ճանապարհի 70-րդ կիլոմետրին փորձել են կանգնեցնել «Գազել» բեռնատարը։
Ինչպես հայտնում է ոստիկանության մամուլի ծառայությունը, վարորդը չի ենթարկվել «Կանգ» ազդանշանին:
Դրանից հետո ոստիկանները, ավտոմեքենան կանգնեցնելու համար, Սևանի ավտոճանապարհին արհեստական խոչընդոտ են ստեղծել: Բայց վարորդը կրկին չի ենթարկվել ոստիկանների պահանջին և, հարվածելով ոստիկանական ավտոմեքենային, դիմել է փախուստի:
«Գազելը» դուրս է եկել երթևեկելի գոտուց ու շարունակել վարել Գագարինավանի հարակից դաշտամիջյան ճանապարհով, որտեղ հարվածել է քարերին ու կանգնել: Այս անգամ վարորդը փակել է ավտոմեքենայի դռներն ու փախուստը շարունակել ոտքով։
Խնդիրներն ավելի են խորանում` լուծվելու փոխարեն. քաղաքագետը` Փաշինյանի ու Իջևանի մասին
Ոստիկանները պարզել են, որ ավտոմեքենան բեռնված է շուրջ 2 խմ վառելափայտով: Իսկ վարորդը` Տավուշի մարզի բնակիչ 34-ամյա տղամարդը հուլիսի 19-ին ներկայացել է ոստիկանության Սևանի բաժին և բացատրություն տվել, որ «Գազելում» հայտնաբերված վառելափայտը հուլիսի 17-ին ձեռք էր բերել Տավուշի մարզի Հաղարծին գյուղից:
Վառելափայտով բեռնված ավտոմեքենան տեղափոխվել է ոստիկանության Սևանի բաժնի հատուկ պահպանվող տարածք:
Բախում Իջևանում. ինչ են ուզում իշխանությունն ու փայտի միջոցով փող վաստակող մարդիկ
