ԵՐԵՎԱՆ, 13 հուլիսի – Sputnik. Երևանի Գրիգոր Զոհրաբի փողոցում հրդեհի հետևանքով այրվել են տների փայտյա կառուցատարրերը։ Այս մասին հայտնում է ՀՀ արտակարգ իրավիճակների նախարարության մամուլի ծառայությունը։
«911» ծառայությունը հրդեհի մասին ահազանգը ստացել է հուլիսի 12-ին, ժամը 20:14-ին։
Հրդեհի բարդության «թիվ 2» կանչով դեպքի վայր են մեկնել Փրկարար ծառայության Ճգնաժամային կառավարման ազգային կենտրոնի արտակարգ իրավիճակների արձագանքման և օպերատիվ խմբերը, հոգեբանական աջակցության բաժնի հոգեբանական խորհրդատվության գծով հրահանգիչը, Աղետների բժշկության կենտրոնի հերթապահ բժիշկը և հրշեջ-փրկարարական ջոկատից յոթ մարտական հաշվարկ:
Ահազանգեր են ստացել նաև, որ այրվում է մի քանի տան տանիք:
Հրդեհը մեկուսացվել է ժամը 20:44-ին, մարվել՝ 20:55-ին:
Երևանում կինը դանակահարել է ամուսնուն
Այրվել են Հ.Ս.-ին պատկանող տան տանիքի փայտյա կառուցատարրերը՝ մասամբ (մոտ 15 քմ), Հ.Ց.-ին պատկանող տան տանիքի փայտյա կառուցատարրերը՝ ամբողջությամբ (մոտ 150 քմ), Ա.Մ.-ին և Ք.Մ.-ին պատկանող երկու տների տանիքների փայտյա կառուցատարրերը՝ մոտ 190 քմ, Վ.Մ.-ին և Ա.Մ.-ին պատկանող երկու տների տանիքները՝ մասամբ (մոտ 180 քմ)։
Փրկարարները տներից մեկից դուրս են բերել ծխահարված բնակչին՝ Ա.Հ.-ին (ծնված 1958 թ.), ում տեղում շտապօգնության աշխատակիցները ցուցաբերել են համապատասխան բուժօգնություն։
Արտառոց դեպք Սյունիքում. աղջիկը որոշել է կյանքին վերջ տալ գերեզմանոցում
