Արջ

Վայոց Ձորում արջը տների բակեր է մտել

159
(Թարմացված է 14:52 12.07.2019)
Ծուռթաթը չի դիմացել հավերի վրա հարձակվելու գայթակղությանը։

ԵՐԵՎԱՆ, 12 հուլիսի – Sputnik. Վայոց Ձորի Արփի գյուղում արջը մտել է տների բակեր և վնասել հավերին։

Հուլիսի 12-ին, ժամը 09:55-ին «911» ծառայությունը տեղեկություն է ստացել, որ հուլիսի 11-ին ժամը 04:30-ի սահմաններում Արփի գյուղի 2-րդ փողոցի թիվ 6/2 տան (սեփականատեր՝ Ա.Խ.) բակում արջը վնասել է 10 հավ, իսկ 1-ին փողոցի 1-ին փակուղու թիվ 2/1 տան (սեփականատեր՝ Մ.Գ.) բակում՝ 6 հավ:

Ավելի վաղ տեղեկություն է եղել, որ ժամը 00:15-ի սահմանում նույն գյուղի 1-ին փողոցի 2-րդ փակուղու թիվ 2/2 տան (սեփականատեր՝ Պ.Ս.) բակում արջը վնասել է 5 հավ։

Ստացված տեղեկությունները փոխանցվել են մարզպետարանի գյուղատնտեսության և բնապահպանության վարչության պետին, ոստիկանության մարզային վարչության օպերատիվ հերթապահի օգնականին, Ճգնաժամային կառավարման ազգային կենտրոնում Գյուղատնտեսության և Շրջակա միջավայրի նախարարությունների ներկայացուցիչներին:

159
թեգերը:
հավ, արջ, Հայաստան
Ըստ թեմայի
Արջը որոշել է կենդանացնել ճաշին մատուցված թռչնակին. տեսանյութ
Լուսանկարիչը հազիվ է փրկվել արջի ձեռքից. տեսանյութ
«Նեղացրե՞լ են, ախպեր ջան». ինչպես է արջը քաջալերում տիրոջը. զվարճալի տեսանյութ