Թմրանյութ

Տղամարդը Կոտայքում թմրանյութ է աճեցրել և օգտագործել. նրան բերման են ենթարկել

22
(Թարմացված է 17:55 13.06.2019)
Քարաշամբ գյուղում, զոքանչի տանը կից տնամերձ հողամասում նա ցանել և մշակել է կանեփի բույսեր:

ԵՐԵՎԱՆ, 13 հունիսի — Sputnik. Կոտայքի ոստիկանները բերման են ենթարկել տղամարդու` թմրանյութ պահելու և օգտագործելու կասկածանքով։

Ինչպես տեղեկացնում են ոստիկանության  Նոր Հաճնի բաժանմունքից, ծառայողները, օպերատիվ տվյալներն իրացնելիս, թմրանյութ պահելու և օգտագործելու կասկածանքով, հունիսի 12-ին, ժամը 10.00-ին, Նոր Գեղի գյուղի խաչմերուկից բաժին բերման են ենթարկել Քարաշամբ գյուղի 37-ամյա մի բնակչի։

Անձնական խուզարկությամբ նրա տաբատի գրպանից հայտնաբերվել է թերթով փաթեթավորված դեղնականաչավուն կանեփանման չոր, մանրացված զանգված՝ մոտ 0.48 գ կշռով և առանձին թերթով փաթեթավորված շագանակագույն խեժանման զանգված՝ մոտ 1.03 գ կշռով, և կաթուցիչ: Տղամարդը հայտնել է, որ հայտնաբերվածը կանեփի բույսից պատրաստված թմրանյութ է, իր մոտ պահել է անձնական օգտագործման համար:

Նյութերի նախապատրաստման ընթացքում նա նաև տվել է բացատրություն, որ Քարաշամբ գյուղում, զոքանչի տանը կից տնամերձ հողամասում ունի ցանած և մշակած կանեփի բույսեր, որոնցից պատրաստում է իր օգտագործման համար թմրանյութ:

Նույն օրը, ժամը 15.05-ին, նշված վայրում կատարված զննությամբ հայտնաբերվել են 30-70 սմ բարձրության 29 հատ մոտ 0.6 կգ կշռով կանեփանման բույս, որոնք հողից հանվել են, փաթեթավորվել, կնիքվել և ուղարկվել են ՓՔՎ՝ դատանյութագիտական փորձաքննության:

Նշանակվել է տոքսիկոքիմիական փորձաքննություն:

Նախապատրաստվում են նյութեր:

22
թեգերը:
ՀՀ Ոստիկանություն, թմրանյութ, Հայաստան
թեմա:
Վթար, պատահար, սպանություն, գողություն (1263)
Ըստ թեմայի
Թմրանյութ պահելու կասկածանքով բերման է ենթարկվել հաղորդավար Արման Մարգարյանը
Իրանից փորձել են թմրանյութ ներմուծել Հայաստան
Իրանցին և շվեյցարացին փորձել են թմրանյութ ներմուծել Հայաստան. ՌԴ ԱԴԾ