Վրաերթ Հրազդանում

Ողբերգական վրաերթ Հրազդանում. տղամարդկանցից մեկը մահացել է, մյուսը հիվանդանոցում է

108
(Թարմացված է 17:15 13.06.2019)
Ոստիկանության և քննչական կոմիտեի ծառայողները պարզում են մահացած և մարմնական վնասվածքներ ստացած տղամարդկանց ինքնությունը։

ԵՐԵՎԱՆ, 13 հունիսի — Sputnik. Հրազդանում այսօր ողբերգական վրաերթ է տեղի ունեցել։ Sputnik Արմենիայի տվյալներով` Հրազդան քաղաքի Զորավար Անդրանիկի պողոտայում Վազ 2106 մակնիշի ավտոմեքենան վրաերթի է ենթարկել երկու տղամարդու։

Նրանցից մեկը, որը մոտ 65 տարեկան տղամարդ է, տեղում մահացել է, իսկ մյուսը, որը մոտ 55 տարեկան է, անգիտակից վիճակում տեղափոխվել է Հրազդանի հիվանդանոց։ Վազ 2106–ի վարորդը չի լքել դեպքի վայրը։ Տեղում ճանապարհային ոստիկանները ստուգել են նրա սթափությունը․տղամարդն ալկոհոլ օգտագործած չի եղել։

Նախնական վարկածով՝ տղամարդիկ փողոցն անցել են չթույլատրվող հատվածով։ Ոստիկանության և քննչական կոմիտեի ծառայողները պարզում են մահացած և մարմնական վնասվածքներ ստացած տղամարդկանց ինքնությունը։

108
թեգերը:
հիվանդանոց, Վիրավոր, Զոհ, Վրաերթ, Հայաստան
թեմա:
Վթար, պատահար, սպանություն, գողություն (1301)
Ըստ թեմայի
Շուշիում երեխա է ընկել շենքի պատուհանից. վիճակը ծանր է
Անսպասելի ստուգումներ կսկսվեն Հայաստանի բենզակայաններում և գազալցակայաններում
Մանվել Գրիգորյանի վիճակը վատացել է, նրան անդամահատություն է սպառնում. փաստաբան