Հիվանդանոց

Դանակահարություն Երևանում. երկու երիտասարդ տեղափոխվել են հիվանդանոց

93
(Թարմացված է 10:50 13.06.2019)
Թումանյան փողոցում վիճաբանել են դեռևս անհայտ անձանց հետ, որի ընթացքում էլ ծեծի են ենթարկվել։

ԵՐԵՎԱՆ, 13 հունիսի — Sputnik. Գիշերը դանակահարություն է տեղի ունեցել Երևանի կենտրոնում։ Sputnik Արմենիայի տեղեկություններով` թիվ 1 համալսարանական հիվանդանոց են տեղափոխվել 29 և 31 տարեկան տղամարդիկ։

29–ամյա տղայի արմունկին կտրած ծակած վերք է եղել․նա ի վիճակի չի եղել կատարվածի մասին որևէ բան ասելու։ Իսկ 31–ամյա տղան դեմքի շրջանում է վնասվածքներ ստացել։ Նախնական տվյալներով՝ նրա քիթը կոտրվել է, շրթունքներին էլ պատռված վերք է եղել, որն, ամենայն հավանականությամբ, բռունցքով հարվածի հետևանք է։

Ըստ շրջանառվող որոշ լուրերի՝ տղաները Թումանյան փողոցում վիճաբանել են դեռևս անհայտ անձանց հետ, որի ընթացքում էլ ծեծի են ենթարկվել, իսկ մեկն էլ դանակահարվել է։

Իրավապահները պարզում են կատարվածի մանրամասները։

93
թեգերը:
դանակահարություն, հիվանդանոց, Հայաստան
թեմա:
Վթար, պատահար, սպանություն, գողություն (2455)
Ըստ թեմայի
Դանակահարություն «Թումոյի» այգում. 17–ամյա տղան վնասվածք է ստացել կրծքավանդակի շրջանում
«Պատասխանատուները չեն ամաչում, բայց ես ամաչեցի այս երկրի փոխարեն». Փայլան
«Զոն նայողների» և «օրենքով գողերի» համար բարդ օրեր են սկսվելու. «Ժամանակ»
Գետ

Փրկարարները Փամբակ գետից հանել են 60–ամյա կնոջը. նրա կյանքին վտանգ չի սպառնում

26
(Թարմացված է 15:11 05.06.2020)
Չնայած նրան, որ գետը կնոջը մոտ 13 մետր քշել–տարել էր, փրկարարներին հաջողվել է նրան ջրից դուրս բերել։

ԵՐԵՎԱՆ, 5 հունիսի – Sputnik. Վանաձորում փրկարարները կարողացել են փրկել Փամբակ գետն ընկածի կյանքը։ Ինչպես տեղեկացնում են ՀՀ ԱԻՆ մամուլի ծառայությունից, հունիսի 5-ին, ժամը 12:47-ին Ճգնաժամային կառավարման ազգային կենտրոն ահազանգ է ստացվել, որ քաղաքացին ընկել է Վանաձոր քաղաքի Չարենցի փողոցի մոտակա Փամբակ գետը։

Դեպքի վայր են մեկնել ԱԻՆ ՓԾ Լոռու մարզային փրկարարական վարչության օպերատիվ խումբը և հրշեջ-փրկարարական ջոկատից մեկ մարտական հաշվարկ։

ՀՀ ոստիկանությունից Sputnik Արմենիային տեղեկացրին, որ գետն ընկածը 60–ամյա կին է։ Չնայած նրան, որ գետը կնոջը մոտ 13 մետր քշել–տարել էր, փրկարարներին հաջողվել է նրան ջրից դուրս բերել։

Նրա վիճակը նորմալ է, անգամ հոսպիտալացման կարիք չի եղել։

26
թեգերը:
ՀՀ արտակարգ իրավիճակների նախարարություն (ԱԻՆ), փրկարար, Կին, Գետ
 Շտապօգնություն

Ծիծեռնակաբերդում 30-ամյա տղամարդուն գտել են ծառից կախված վիճակում

63
(Թարմացված է 20:37 04.06.2020)
Նշանակվել է դատաբժշկական փորձաքննություն, որը կպարզի ողբերգական դեպքի հանգամանքները։

ԵՐԵՎԱՆ, 4 հունիսի– Sputnik. Երևանի Ծիծեռնակաբերդի անտառում ծառից կախված 30-ամյա տղամարդու դի է հայտնաբերվել։ Տեղեկությունը հայտնում է Shamshyan.com կայքը։

Համաձայն կայքի տեղեկությունների՝ ողբերգական դեպքի մասին ԱԻՆ-ը տեղեկացել է 18:55-ին։ Դեպքի վայր ժամանած ոստիկաններ ու փրկիչները տեղում հայտնաբերել են տղամարդու՝ արդեն անշնչացած դին։ Տղամարդը կախված էր անտառի ծառերից մեկից՝ Հայոց ցեղասպանության հուշահամալիրի մոտակայքում գտնվող ցայտաղբյուրների մոտ։

Կորոնավիրուսից 33-ամյա պացիենտ է մահացել. ծանր վիճակում գտնվողների թիվն ավելացել է

Նշանակվել է դատաբժշկական փորձաքննություն, որը կպարզի դեպքի հանգամանքները։

63
թեգերը:
Դիակ, տղամարդ, Ծիծեռնակաբերդ, ինքնասպանություն, Երևան
թեմա:
Վթար, պատահար, սպանություն, գողություն (2455)
Ըստ թեմայի
«Խնդրում եմ՝ վերադարձրեք մեզ մեր ընտանիքներին»․ հուզված բժշկուհին դիմեց քաղաքացիներին
«Անպայման հետևեք ցուցումներին». հայտնի է Արմեն Գրիգորյանի կորոնավիրուսի թեստի պատասխանը
Նիկոլ Փաշինյանն ու Տիգրան Ավինյանը. արխիվային լուսանկար

Տոտալ սահմանափակումներն «ունքը սարքելու փոխարեն` աչքն էլ կհանեն». Փաշինյան

13
(Թարմացված է 12:04 06.06.2020)
Վարչապետ Փաշինյանը վստահ է, որ խիստ սահմանափակումներով կորոնավիրուսի հարցը չի լուծվի, որովհետև վարակը, միևնույնն է, չի վերանա, փոխարենը երկիրը տնտեսական կոլապսի կենթարկվի։

ԵՐԵՎԱՆ, 6 հունիսի — Sputnik. Հայաստանի առողջապահական համակարգն ի վիճակի չէ կորոնավիրուսով վարակված և ծանր վիճակում գտնվող 5000 պացիենտի միարժամանակ սպասարկել։ Վարչապետն այսօր նման հայտարարություն արեց Facebook-ի ուղիղ եթերի ժամանակ։

Ինչի՞ կհանգեցնի Նիկոլ Փաշինյանի ֆլեշմոբը

«Դա միշտ է այդպես եղել։ Կորոնավիրուսը կապ չունի, չնայած որ այժմ մեր հզորությունները մեծացել են և շարունակում են մեծանալ»,-ասաց վարչապետը։

Նրա խոսքով` եթե վարակվածների թիվն այնքան աճի, որ հիվանդանոցներում այլևս տեղ չլինի և առողջապահակալ համակարգն ի վիճակի չլինի ծանր դեպքերին սպասարկել, ստիպված են լինելու վերադառնալ տոտալ սահմանափակումների։

«Հայաստանում կյանքն էլի կկանգնի իր բոլոր տնտեսական և սոցիալական հետևանքներով։ Շատ երկրներ, այդ թվում նաև Հայաստանը, գնացել է այդ ճանապարհով, բայց եթե անգամ խիստ սահմանափակումներով թվերը զրոյանան, դա հարցի լուծում չի լինելու, որովհետև կորոնավիրուսը շարունակելու է գոյություն ունենալ։ Եթե տոտալ սահմանափակումներից հետո մենք նորից մեղմացնենք դրանց, վիրուսը կրկին կտարածվի։ Կստացվի` «ունքը սարքելու փոխարեն աչքն էլ ենք հանում», այսինքն` մի կողմից մենք կորոնավիրուսի հարցը չենք լուծում, մյուս կողմից` երկիրը ենթարկում ենք տնտեսական և սոցիալական կոլապսի»,-ասաց վարչապետը։

Նրա խոսքով այս իրավիճակում լավագույն լուծումը կլինի այն, որ ծանր վիճակում գտնվողների թիվը ուղիղ համեմատական լինի առողջապահության նախարարության հնարավորություններին, որպեսզի բուժման կարիք ունեցողները բուժում ստանան։

Հիշեցնենք` Հայաստանում կորոնավիրուսով վարակվածների թիվը վերջին մեկ օրում ավելացել է 547–ով և դարձել 12 364։
Կենտրոնի տվյալներով` այս պահին փաստացի բուժում է ստանում 8385 մարդ, կատարվել է 66 674 թեստավորում, առողջացել են վարակվածներից 3720–ը։ Ընդհանուր առմամբ գրանցվել է 190 մահվան դեպք։

ՀՀ կառավարությունը մայիսի 14–ի նիստում որոշեց արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

932 տնտեսվարող պարետի սահմանած կանոնները չեն պահպանել. նրանց գործունեությունը կասեցած է

Հունիսի 4-ից արտակարգ դրության ընթացքում կիրառվող կարգավորումներում փոփոխություններ և լրացումներ են ուժի մեջ մտել։ Այսուհետ բոլոր հանրային բաց տարածքներում դիմակ կրելը պարտադիր է։ Հանրային բաց վայրերում դիմակ կարող են չկրել միայն մինչև 6 տարեկան երեխաները, հեծանիվ վարողներն ու ֆիզիկական վարժություններ անողները։

Եթե նույնիսկ կորոնավիրուսը չլիներ, մահեր լինելու էին. որն է Հայաստանի խնդիրն ըստ Փաշինյանի

13
թեգերը:
Արտակարգ դրություն, Նիկոլ Փաշինյան, Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Ամեն ինչ օրենքի սահմաններում է. Փաշինյանը մեկնաբանել է լուսանկարներ հրապարակելու փաստը
Ինչու են առողջացածների տվյալները նվազել. Փաշինյանը հայտնեց հաշվարկի նոր սխեմայի մասին
Եթե նույնիսկ կորոնավիրուսը չլիներ, մահեր լինելու էին. որն է Հայաստանի խնդիրն ըստ Փաշինյանի