ԵՐԵՎԱՆ, 30 մայիսի — Sputnik. Երիտասարդներն անկարգություններ են արել Երևանի կենտրոնում գործող «Լաս» ակումբում, նրանք փորձել են դանակահարել տնօրենին։
Մեր տեղեկություններով`միջադեպը տեղի է ունեցել երեկ` մայիսի 29–ին։ Երկու երիտասարդ հաճախորդ, որոնք ոչ սթափ վիճակում են եղել, խուլիգանական արարք են կատարել։ Նրանք այլ հաճախորդների ներկայությամբ սեռական բնույթի հայհոյանքներ են տվել, նույնիսկ փորձել են դանակահարել իրենց գործողություններին միջամտած տնօրենին, ինչը ներկաների շնորհիվ կանխվել է։
Երիտասարդները ակումբից հեռանալիս ջարդուփշուր են արել որոշ առարկաներ։ Մեզ չհաջողվեց պարզել միջադեպի պատճառը։ Հավելյալ տեղեկատվություն ունենալու դեպքում միջադեպին կրկին կանդրադառնանք։
