Բռնություն

Երևանում ամուսինը անչափահաս դստեր ներկայությամբ դաժանաբար ծեծել է կնոջը

147
Ընտանեկան վեճի ժամանակ ամուսինը հարվածներ է հասցրել կնոջ մարմնի տարբեր մասերին։

ԵՐԵՎԱՆ, 22 մայիսի – Sputnik. Մեր տեղեկություններով՝ մայիսի լույս 22-ի գիշերը շտապօգնության մեքենայով «Արմենիա» բժշկական կենտրոն է տեղափոխվել մայրաքաղաքում ապրող 37-ամյա մի կին։

Բժիշկները պարզել են, որ նրա քիթը կոտրված է, և ուղեղի ցնցում ունի։

Ըստ որոշ տեղեկությունների՝ կնոջը ծեծել է ամուսնինը իրենց բնակարանում։ Ծեծի ընթացքում տանը եղել է նաև անչափահաս դուստրը։

Ընտանեկան վեճի ժամանակ ամուսինը ձեռքերով ու ոտքերով հարվածել է կնոջ մարմնի տարբեր մասերին, այդ թվում՝ գլխին։

Մեր տեղեկություններով՝ ծեծված կինը դեռևս հիվանդանոցում է, գտնվում է բժիշկների հսկողության ներքո։

147
թեգերը:
հիվանդանոց, Ծեծկռտուք, Հայաստան
թեմա:
Վթար, պատահար, սպանություն, գողություն (2554)
Ըստ թեմայի
Ավազակային հարձակում Քուչակում. դանակով զինված ուղևորին արագ հայտնաբերել են
Գետում հայտնաբերված երիտասարդի գլխին վնասվածքներ են եղել. մանրամասներ
Խուլերի միավորման անդամներից մեկը կծել է ոստիկանի ձեռքը. մանրամասներ
Ավտովթար ՊՆ ավտոմեքենայի մասնակցությամբ. կա մեկ զոհ, 2 վիրավոր
Շտապօգնություն․ արխիվային լուսանկար

Երևանում կաթվածով տղամարդուն հիվանդանոց տեղափոխող շտապօգնության մեքենան վթարի է ենթարկվել

42
(Թարմացված է 13:20 14.07.2020)
Վթարի ենթարկված շտապօգնության մեքենայում գտնվող բժիշկն ու հիվանդը, բարեբախտաբար, չեն տուժել։

ԵՐԵՎԱՆ, 14 հուլիսի – Sputnik. Երևանում այսօր վթարի է ենթարկվել հիվանդին տեղափոխող շտապօգնության մեքենան։

«Շտապօգնություն» ՓԲԸ-ի տնօրեն Թագուհի Ստեփանյանը Sputnik Արմենիայի հետ զրույցում հայտնեց, որ շտապօգնության մեքենան ձայնային և լուսային ազդանշանները միացրած փորձել է հատել խաչմերուկը, սակայն մեկ այլ մեքենա եկել, հարվածել է։

 «Խաչմերուկի հատվածում մի մեքենա չի զիջել մեր մեքենային, և արդյունքում բախվել են իրար։ Հարվածը թեթև է եղել, բարեբախտաբար ո՛չ բժիշկը, ո՛չ էլ մեքենայում եղած հիվանդը չեն տուժել։ Մեր մեքենայի բամփերին (շիթ)է հարվածը բաժին հասել»,-ասաց Ստեփանյանը՝ հավելելով, որ, հավանաբար շտապօգնությանը չզիջած վարորդն ուղղակի անուշադիր է եղել։

Իսկ շտապօգնության մեքենայի մեջ 64-ամյա մի տղամարդ է եղել, որին պետք է «Սուրբ Գրիգոր Լուսավորիչ» բժշկական կենտրոն տեղափոխեին․ տղամարդը կաթված է տարել, ինչպես նաև նրա մոտ կորոնավիրուս է հայտնաբերվել։

Նիկոլ Փաշինյանի պաշտոնական կայքը հաքերային հարձակման է ենթարկվել

Ստեփանյանը խոսքով՝ այնպես չէ, որ շտապօգնության մեքենային զիջելու մշակույթը չի ձևավորվել հայկական իրականությունում, ուղղակի երբեմն վարորդներն անուշադիր են լինում։

42
թեգերը:
հիվանդանոց, հիվանդ, ավտովթար, շտապօգնություն, Երևան
թեմա:
Վթար, պատահար, սպանություն, գողություն (2554)
Ըստ թեմայի
Հակառակորդն այժմ էլ թիրախավորել է Բերդ քաղաքը. ՊՆ
Ինչպես է հայկական ԶՈւ–ն ոչնչացնում ադրբեջանական հենակետերը. ՊՆ–ն տեսանյութ է հրապարակել
ՇՎՏՄ–ն կասեցնում է «Առինջ մոլ» առևտրի կենտրոնի տաղավարների աշխատանքը
Վթար, արխիվային լուսանկար

ՃՏՊ Երևան-Գյումրի ճանապարհին․ տուժածներից մեկը 1 տարեկան տղա է

571
(Թարմացված է 10:43 14.07.2020)
Թալինի բուժկենտրոն են տեղափոխվել մեքենաների վարորդներն ու «Մերսեդես» մակնիշի ավտոմեքենայի ուղևորներ, որոնցից երեք երեխաներ են։

ԵՐԵՎԱՆ, 14 հուլիսի – Sputnik. Երևան-Գյումրի ճանապարհին բախվել են «Մերսեդես» և «Կիա» մակնիշի ավտոմեքենաները, բախման հետևանքով մեքենաներից մեկը շրջվել է, կան տուժածներ։ Տեղեկությունը հայտնում է ՀՀ արտակարգ իրավիճակների նախարարությունը։

Ճգնաժամային կառավարման ազգային կենտրոնը վթարի մասին ահազանգը ստացել է հուլիսի 13-ին, ժամը 16։44-ին։

Դեպքի վայր է մեկնել ԱԻՆ ՓԾ մարզային փրկարարական վարչության օպերատիվ խումբը։

Պարզվել է, որ բախվել են «Մերսեդես» (վարորդ՝ Արթուր Ն․, ծնված 1979 թ․) և «Կիա» (վարորդ՝ Արթուր Հ․, ծնված 1994 թ․) մակնիշների ավտոմեքենաները, ինչի հետևանքով «Կիա» մակնիշի ավտոմեքենան շրջվել է:

Դժբախտ պատահար Մոսկվայում. հարսնացուն մահացել է հարսանեկան խնջույքի ժամանակ

Մինչ փրկարարների՝ կանչի վայր հասնելը վարորդները և «Մերսեդես» մակնիշի ավտոմեքենայի ուղևորներ Անահիտ Գ․-ն (ծնված 1990 թ․), Սուսաննա Հ․-ն (ծնված 2011 թ․), Լիլիթ Հ․-ն (ծնված 2014 թ․) և Հակոբ Հ․-ն (ծնված 2019 թ․) տարբեր աստիճանի մարմնական վնասվածքներով հոսպիտալացվել են Թալինի ԲԿ, որտեղ բժիշկները նրանց առողջական վիճակը գնահատել են բավարար։

Փրկարարները հոսանքազրկել են ավտոմեքենաները և փակել գազի բալոնների փականները:

Ողբերգական դեպք Շիրակի մարզում. կայծակի հարվածից մարդ է մահացել

571
թեգերը:
երեխա, վթար, Հայաստան
թեմա:
Վթար, պատահար, սպանություն, գողություն (2554)
Ըստ թեմայի
Ողբերգական վթար Շիրակի մարզում. երիտասարդ վարորդներից մեկը տեղում մահացել է
Ողբերգական դեպք Երևանում․ վրաերթի հետևանքով 3 տարեկան փոքրիկ է մահացել
Երևանում տղամարդը նետվել է Կիևյան կամրջից
Դիրքեր

«Սահմանային հանգույցն» ավելի վտանգավոր է․ ինչու իրավիճակը սրվեց հայ-ադրբեջանական սահմանին

0
Ռուսաստանցի փորձագետը մտավախություն ունի, որ իրավիճակը կարող է սրվել երրորդ ուժերի ներգրավմամբ։

ԵՐԵՎԱՆ, 14 հուլիսի –Sputnik. Հայաստանի և Ադրբեջանի հակամարտությունն ավելի լայն կոնտեքստ ունի, քան Լեռնային Ղարաբաղի խնդիրը։ Տավուշի ուղղությամբ հայ–ադրբեջանական սահմանին առաջացած ներկայիս սրացումը դրա վառ ապացույցն է։ Sputnik  Արմենիայի հետ զրույցում նման կարծիք հայտնեց Մոսկվայի Միջազգային հետազոտությունների ինստիտուտի (ՄՀՊԻ)  առաջատար գիտաշխատող, ռուս քաղաքագետ Սերգեյ Մարկեդոնովը։

Հիշեցնենք, որ հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել: Ավելի ուշ հայտնի դարձավ, որ ադրբեջանական կողմը վերսկսել է հրետակոծությունը Տավուշի դիրքերի ուղղությամբ:

Միջազգային կազմակերպություններն ու միջնորդ երկրներն արդեն հանդես են եկել խաղաղության կոչերով։ Ներկա պահին պաշտոնապես հայտնի է Ադրբեջանի կողմից 11 զոհվածի, իսկ Հայաստանի կողմից` 4 զոհված և 5 վիրավորի մասին։

Մարկեդոնովի խոսքով` Լեռնային Ղարաբաղը հակամարտության կենտրոնն է, սակայն այդ տարածքի համար մղվող պայքարն հակազդեցության միակ թիրախը չէ։

Ադրբեջանը 120 մմ ականանետներից կրակել է «Տավուշ տեքստիլի» ուղղությամբ

«Հակամարտությունը զարգանում է նաև հայ–ադրբեջանական պետական սահմանի երկայնքով` Ղարաբաղի շփման գծից դուրս։ Այդ ուղղությանն ավանդաբար ավելի քիչ ուշադրություն է դարձվում։ Սակայն հակամարտության «սահմանային հանգույցը» ավելի բարդ ու վտանգավոր է, քան բուն ղարաբաղյանը։ Երկրների միջև սահմանը սահմանազատված չէ։ Նման իրավիճակում նույնիսկ բարեկամական Ադրբեջանի և Վրաստանի միջև են տհաճ միջադեպեր առաջանում, ինչի մասին վկայում է Դավիթ Գարեջի վանական համալիրի շուրջ ծավալվող երկար տարիների պատմությունը», – նկատեց Մարկեդոնովը։

Նրա խոսքով` սահմանազատում չունենալու և երկար տարիների հակամարտության պայմաններում պայքար է մղվում «դատարկ» տարածքների համար, որոնք կողմերից յուրաքանչյուրն իրենն է համարում` բոլոր բխող հետևանքներով։

Փորձագետը մտավախություն ունի, որ իրավիճակը կարող է սրվել երրորդ ուժերի ներգրավմամբ։

«Մի բան է հակամարտությունը Ղարաբաղում, որը դիտարկվում է որպես տարածքային, մեկ այլ բան` բաց միջպետական ռազմական հակամարտությունը, մանավանդ, որ Հայաստանը ՀԱՊԿ անդամ է, իսկ Ադրբեջանը Թուրքիայի հետ հատուկ հարաբերություններ ունի», – ասաց քաղաքագետը։

Նա նաև ուշադրություն հրավիրեց այն ​​ հանգամանքին, որ սահմանային հակամարտությունները Ղարաբաղյան կարգավորման Մադրիդյան թարմացված սկզբունքների մեջ չեն մտնում։ Այնտեղ դրանց լուծման մեխանիզմները չկան։ Սակայն բանակցությունների ընթացքի վրա միջադեպերի ազդեցությունը մեծ է, դրանք «ավելացված արժեքի» դեր ունեն խաղաղ գործընթացի երկարաձգման վրա։ Իսկ սահմանամերձ բախումները նվազեցնելու և դրանք կանխելու հստակ ծրագրեր չկան։

Մարկեդոնովը նաև կարծում է, որ պետք չէ գերագնահատել  կորոնավիրուսի ազդեցությունը հակամարտության դինամիկայի վրա։ Ըստ նրա՝ համավարակի ազդեցությունը բարձր է, սակայն հակամարտությունը եղել է մինչև վարակը և կպահպանվի համավարակից հետո։

Որպես Հայաստանի ռազմաքաղաքական դաշնակից և ԵԱՀԿ ՄԽ համանախագահ Ռուսաստանը, Մարկեդոնովի խոսքով, «սահմանային» ուղղությամբ ավելի շատ ռեսուրսներ և հնարավորություններ ունի հակամարտող կողմերի վրա ազդելու համար, քան անմիջապես արցախյան ուղղությամբ, որտեղ նրա ջանքերը լրացվում են ԵԱՀԿ ՄԽ այլ համանախագահների՝ ԱՄՆ–ի և Ֆրանսիայի գործողություններով։ Իսկ նրանք հիմա «Ղարաբաղի մասին մտահոգվելու ժամանակ չունեն»։

Մեր զրուցակիցը կարծում է, որ Մոսկվայի համար էսկալացիայի վտանգն ավելի մեծ է։ Այդ պատճառով պետք է գործի արդյունավետ և հստակ։

Ցնծության ճիչ․ ՀՀ ԶՈՒ–ն ադրբեջանական հերթական անօդաչուն է խոցել

«Միֆ է, թե հակամարտությունը ձեռնտու է Ռուսաստանին։ Մեզ ձեռնտու է այն կարգավորելը, հարցն այն է, թե ինչպես դա իրագործել։ Սակայն մինչ այդ դեռ երկար ճանապարհ կա, այժմ ծայրահեղ կարևոր է կանխել սահմանային միջադեպերը», – ընդգծեց նա։

Նշենք, որ Կրեմլն արդեն իր մտահոգությունը հայտնել է Տավուշում տիրող իրավիճակի վերաբերյալ։ Ինչպես հայտարարել է ՌԴ նախագահի մամուլի քարտուղար Դմիտրի Պեսկովը, Մոսկվան երկու կողմերին զսպվածության և հրադադարի ռեժիմի շրջանակում պայմանավորվածությունները կատարելու կոչ է անում։ Նրա խոսքով` Ռուսաստանը տարբեր մակարդակներում հայտարարել է, որ պատրաստ է կարգավորման հարցում միջնորդական ջանքեր ցուցաբերել` լինելով ՄԽ համանախագահ։

0
թեգերը:
Ռուսաստան, հրետակոծություն, հայ-ադրբեջանական, Ադրբեջան, դիրքեր, Սահման, Տավուշ, Հայաստան
թեմա:
Հայ–ադրբեջանական սահմանին տիրող իրավիճակը
Ըստ թեմայի
Զոհված ժամկետային զինծառայողներն առաջնագծում չեն եղել․ Արծրուն Հովհաննիսյան
«Մենք թիկունքում ենք և ձեր մեջ». հայերը պատասխան հարված են հասցրել ադրբեջանցի հաքերներին
ՆԱՏՕ-ի գլխավոր քարտուղարի հատուկ ներկայացուցիչը կոչով դիմել է ԵԱՀԿ Մինսկի խմբին