Քրեագետներ

Դաժան սպանության հետքերով. 30 տարեկան կինը հղի է եղել

128
Արմավիրում կնոջը ծեծելով սպանելու մեղադրանք է ներկայացվել 26 տարեկան երիտասարդին։

ԵՐԵՎԱՆ, 13 մայիսի – Sputnik. Հայաստանում սպանված կինը փոքրիկի էր սպասում։ Այս մասին հայտնում է ՀՀ քննչական կոմիտեի մամուլի ծառայությունը։

2019թ. մայիսի 8-ի երեկոյան Արմավիրի մարզի 26-ամյա բնակիչն Այնթապ գյուղին հարակից դաշտամիջյան տարածքում ռետինե խողովակով, փայտյա մահակով և այլ առարկաներով ծեծի է ենթարկել 30-ամյա կնոջը: Վերջինս, ստացած մարմնական վնասվածքներից մահացել էր:

Քննչական գործողությունների արդյունքում պարզվել են դեպքի մի շարք հանգամանքներ: Մասնավորապես՝ դիահերձման արդյունքներով պարզվել է, որ կինը հղի է եղել:

Ձեռք բերված բավարար ապացույցների հիման վրա՝ 26-ամյա երիտասարդին մեղադրանք է առաջադրվել՝ ՀՀ քրեական օրենսգրքի 104-րդ հոդվածի 2-րդ մասի 4-րդ կետով: Քննիչը միջնորդություն է ներկայացրել դատարան՝ նրա նկատմամբ որպես խափանման միջոց կալանավորում ընտրելու վերաբերյալ, ինչը բավարարվել է:

Նախաքննությունը շարունակվում է: Ձեռնարկվում են անհետաձգելի քննչական և դատավարական այլ միջոցառումներ՝ դեպքի բոլոր հանգամանքները պարզելու, օբյեկտիվ, լրիվ և բազմակողմանի քննությունն ապահովելու ուղղությամբ:

128
թեգերը:
Սպանություն, Հայաստան
թեմա:
Վթար, պատահար, սպանություն, գողություն (1153)
Ըստ թեմայի
Արտառոց դեպք Արագածոտնում. տղամարդուն ծեծել են զավակներն ու նախկին կինը
Դաժան սպանություն Հայաստանում. երիտասարդը ծեծելով սպանել է ընկերուհուն
Երևանում որդին ծեծել է անկողնային հիվանդ հորը
Ողբերգական դեպք. Ձորափում 35-ամյա տղամարդ է կախվել