Գողացված G-class Mercedes-ը

G-class գողացված Mercedes-ը հայտնաբերվեց Սևանի մայրուղու ճամփեզրին

165
(Թարմացված է 23:47 18.04.2019)
Մեքենայի տերը այն կայանել էր Շենգավիթ վարչական Շրջանի Չեխովի փողոցում՝ ավտոլվացման կետի մոտ և ժամեր անց տեղեկացել, որ այն գողացել են:

ԵՐԵՎԱՆ, 18 ապրիլի — Sputnik. Մի քանի տասնյակ հազար դոլար արժողությամբ G դասի Mercedes-ը ոստիկանության ծառայողները ժամեր առաջ հայտնաբերվել են Երևան-Սևան ճանապարհին կայանված:

Նրանք երեկվանից՝ ապրիլի 17-ից այդ մեքենան էին որոնում, քանի որ ամենագնացը հափշտակվել էր:

 Մեքենայի տերը այն կայանել էր Շենգավիթ վարչական Շրջանի Չեխովի փողոցում՝ ավտոլվացման կետի մոտ և ժամեր անց տեղեկացել, որ այն գողացել են:

Այդ մասին տարածքային ոստիկանությունում ահազանգ է հնչել, որից հետո սկսվել են որոնողական աշխատանքները:

Գեղարքունիքի մարզում հայտնաբերված մեքենայի դռները բաց են եղել, բանալին էլ՝ սրահում:

Ոստիկանները որոնում են Mercedes-ը հափշտակած անձին, որի ինքնությունը, մեր տեղեկություններով, նրանց հայտնի է:

165
թեգերը:
գողություն, Հայաստան, Սևան, ՀՀ Ոստիկանություն
թեմա:
Վթար, պատահար, սպանություն, գողություն (2788)
Ըստ թեմայի
Արարատի մարզում 25-ամյա աղջկա են առևանգել
Երևանի գերեզմանատանը խեղդված տղամարդու վերաբերյալ նոր մանրամասներ են ի հայտ եկել
Տարօրինակ դեպք Երևանում. ծնողների գերեզմանի մոտ հայտնաբերվել է «Սպայկայի» աշխատակցի դիակը
Պայքարում են կյանքի համար. հրազենային վնասվածքով զինծառայող է տեղափոխվել հիվանդանոց
Թալանել են Ստեփանավանի նախկին քաղաքապետի պահեստը. ի՞նչ են տարել գողերը
Հրշեջ

Խոշոր հրդեհ Թբիլիսում. կույր եղբայրները մահացել են

43
(Թարմացված է 14:53 26.11.2020)
Հարևանները համոզված են, որ տղամարդիկ կփրկվեին, եթե կարողանային արագ կապ հաստատել փրկարար ծառայության հետ։

ԵՐԵՎԱՆ, 26 նոյեմբերի – Sputnik. Թբիլիսիի Խորավա փողոցում գտնվող եռահարկ տանն այսօր խոշոր հրդեհ է բռնկել, ինչի հետևանքով երկու հոգի մահացել են։ Տեղեկությունը հայտնում է Sputnuk Գրուզիան` հղում անելով արտակարգ իրավիճակների նախարարությանը:

Հրդեհի հետևանքով այրվել է եռահարկ տան երկրորդ հարկը: Հրշեջ-փրկարարների յոթ բրիգադ է մեկնել դեպքի վայր:

Նրանք այրված բնակարանում երկու մարմին են հայտնաբերել: Պարզվել է, որ մահացածները եղբայրներ են, մեկը` 80 տարեկան, մյուսը`83, երկուսն էլ` կույր։

Սարսափելի վթար Երևան–Մեղրի ճանապարհին. այրված մեքենայում երկու դիակ է հայտնաբերվել

Հարևանների խոսքով` տղամարդիկ կարող էին փրկվել, եթե միանգամից կապ հաստատեին փրկարար ծառայության հետ։ 122 հեռախոսահամարը երկար ժամանակ չի պատասխանել։ Ականատեսների խոսքով` հրդեհը բռնկել է առավոտյան 7:30-ին և այնքան ուժգին է եղել, որ տղամարդկանց տնից դուրս բերելու հնարավորություն չի եղել։

Հարազատները կարծում են, որ բռնկման պատճառը կարող էր լինել կարճ միացումը. տարեցները տունը ջեռուցել են էլեկտրական վառարանով։

Ավտովթար Գեղարքունիքում. 22-ամյա վարորդը տեղում մահացել է, 4-ամյա երեխայի վիճակը ծանր է

43
թեգերը:
Մահ, տղամարդ, հրդեհ, Վրաստանի Հանրապետություն
ԱԻՆ զանգերի կենտրոն

Ավտովթար Գեղարքունիքում. 22-ամյա վարորդը տեղում մահացել է, 4-ամյա երեխայի վիճակը ծանր է

134
(Թարմացված է 21:58 23.11.2020)
Մարզային փրկարարական վարչության աշխատակիցներն ավտոմեքենայից դուրս են բերել Նարեկ Ե․-ի դին։

ԵՐԵՎԱՆ, 23 նոյեմբերի - Sputnik. Նոյեմբերի 23-ին, ժամը 15։35-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ Գավառ-Մարտունի ավտոճանապարհին տեղի է ունեցել ՃՏՊ․ կան տուժածներ։ Տեղեկությունը հայտնում է ՀՀ արտակարգ իրավիճակների նախարարության լրատվական ծառայությունը։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Մարտունի-Գավառ ավտոճանապարհի 2-րդ կմ-ին «Lada Priora» մակնիշի ավտոմեքենան (վարորդ՝ Նարեկ Ե․, ծնված 1998 թ.) դուրս է եկել ճանապարհի երթևեկելի հատվածից (մոտ 3 մ) և բախվել ծառին, ինչի հետևանքով վարորդը տեղում մահացել է:

Ըստ հաղորդագրության, փրկարարներն ավտոմեքենայից դուրս են բերել ուղևոր Գեղամ Ի․-ին (ծնված 2006թ․) և Նարեկ Ե․-ի դին։ Տուժածը տեղի ուժերով տեղափոխվել է Մարտունի քաղաքի ԲԿ, որտեղ բժիշկները նրա առողջական վիճակը գնահատել են կայուն ծանր:

Սարսափելի վթար Երևան–Մեղրի ճանապարհին. այրված մեքենայում երկու դիակ է հայտնաբերվել

134
թեմա:
Վթար, պատահար, սպանություն, գողություն (2788)
Ըստ թեմայի
Վթար Աշտարակի աշտարակի կամրջի մոտ. 3–ամյա երեխա է մահացել
Վթար Նոր Հաճնի կամրջի մոտ. զոհ և տուժածներ կան
Խոշոր վթար Բաղրամյան պողոտայում. մահացածներ ու տուժածներ կան
Սոթք

Սոթքի հանքն աշխատելու է, բանակցում են աշխատելու ծավալների շուրջ․ Թագուհի Թովմասյան

0
(Թարմացված է 18:37 27.11.2020)
ԱԺ անկախ պատգամավորը հանդիպել է Սոթքի ոսկու հանքավայրի աշխատակիցների հետ։ Սահմանազատման աշխատանքները շարունակվում են։

ԵՐԵՎԱՆ, 27 նոյեմբերի – Sputnik․ ՀՀ ԱԺ պատգամավոր Թագուհի Թովմասյանը Վարդենիսի տարածաշրջանում է, հանդիպել է Սոթքի ոսկու հանքավայրի աշխատակիցների հետ՝ խոսելու ստեղծված իրավիճակի մասին, փոխանցելու այն տեղեկատվությունը, որն ինքն ունի, տեղում հավելյալ տեղեկություններ ստանալու համար։ Լրագրողների հետ նա զրույցում նշեց՝ իրեն հավաստիացրել են, որ հայկական բանակը մասնակցում է սահմանազատման աշխատանքներին՝ փորձելով հնարավորինս հայանպաստ դիրքավորվել։

«Ինչքանով կստացվի` չեմ կարող ասել։ Իրականությունն այն է, որ գործընթացը շարունակվում է, և այն սկսվել է երեկվանից։ Հիմա մենք պիտի մի փոքր սպասենք և տեսնենք, թե ինչ է լինելու»,- ասաց Թովմասյանն ու հավելեց, որ զգույշ պետք է գործենք, որպեսզի մեր գործողություններով բախումներ չհրահրենք, չխարխլենք հրադադարը։

Նա ընդգծեց՝ երեկ ԱԺ-ում Սոթքի հանքավայրի վերաբերյալ իր բարձրացրած հարցադրումը նաև գրավոր է ներկայացրել կառավարությանը, որպեսզի գրավոր էլ պատասխան ստանա, բայց դեռ չի ստացել։ Փոխարենը բանավոր հավաստիացումներ է ստացել՝ ամեն ինչ արվելու է, որ հանքի շահագործումը շարունակվի։

«Կոմունիկացիոն առումով մենք լավ դիրքում ենք, որ հանքի շահագործման համար անհրաժեշտ բոլոր տեխնիկական և աշխարհագրական մասը մեր՝ հայկական կողմում է, հետևաբար ավելի հեշտ է լինելու հանքի շահագործումը կազմակերպելը, թե ինչ ծավալով՝ հիմա հենց դրա շուրջ են բանակցություններն ընթանում, որպեսզի հանքն ամբողջ ծավալով աշխատի, և ոչ ոք չկրճատվի»,- նշեց Թովմասյանը։

Նա տեղեկացրեց, որ այս թեմայով արդեն խոսել է վարչապետ Նիկոլ Փաշինյանի, նախագահ Արմեն Սարգսյանի, Հայաստանում ՌԴ դեսպանի հետ, բոլորից ստացել է այդ հավաստիացումները։

Ինչ վերաբերում է այն հարցին, թե ովքեր են բանակցություններին մասնակցում, Թովմասյանի տեղեկություններով՝ մեր կողմից մասնակցում է զինվորականությունը՝ բանակային կորպուսի մակարդակով, կան ռուսներ, Ադրբեջանի կողմից էլ` բարձրաստիճան զինվորականներ, այդ թվում՝ գեներալ, գնդապետ։

«Ընդգծենք՝ խնդիրը ոչ թե հանքի աշխատել–չաշխատելուն է վերաբերում, այլ աշխատելու ծավալներին, այսինքն՝ ամբողջությամբ լինելու է մեր տիրապետության տակ, թե կիսով չափ»,- շեշտեց պատգամավորը։

Նա տարակուսած է, թե ինչու պատասխանատու մարմինները բնակիչների հետ նախապես չեն խոսել, չեն բացատրել իրավիճակը։

Հիշեցնենք` երեկ մամուլում լուրեր տարածվեցին, որ ադրբեջանական զինվորները մտել են Սոթքի հանքավայր և աշխատակիցներին ժամանակ տվել դուրս գալու համար: ՀՀ պաշտպանության նախարարությունը հերքեց այդ լուրը։ Գեղամասար խոշորացված համայնքի (որտեղ ներառված է նաև Սոթքը) ղեկավար Հակոբ Ավետյանը Sputnik Արմենիայի հետ զրույցում հայտնեց, որ ադրբեջանցիները Սոթքի հանքի տարածքում են, բանակցություններ են վարում։

Sputnik Արմենիայի նկարահանող խումբն այսօր մեկնեց Սոթք և տեսավ, որ դեպի Քարվաճառ ու հանքի տարածք գնացող ճանապարհին կանգնած են ՀՀ ոստիկանության ու ռազմական ոստիկանության աշխատակիցները, որոնք բացի զինվորականներից ու հանքի աշխատակիցներից, այլ անձանց թույլ չէին տալիս շարունակել ճանապարհը դեպի ոսկու հանք:

Նշենք, որ այսօր առավոտից Սոթքի ոսկու հանքի աշխատակիցները բողոքի ակցիա էին կազմակերպել։ Նշում էին՝ եթե թուրքը նստեց Սոթքում, կսկսի «խփել», հերթը կհասնի Վարդենիսին, հետո էլ Մարտունուն։

Անմիջապես Սոթքի հանքի մոտ հայկական կողմը դիրք ունի, Ադրբեջանն էլ արդեն 3 դիրք է տեղադրել

0
թեգերը:
Սոթքի հանքավայր, Հայաստան
Ըստ թեմայի
Արձանագրենք`Հայաստանն այսօր չունի իշխանություն. Նաիրա Զոհրաբյանը` Սոթքի իրավիճակի մասին
Սոթք գյուղի մոտակայքում երկրաշարժ է գրանցվել
Սոթքում տեղի ունեցող գործընթացները եռակողմ հայտարարության շրջանակում են. վարչապետ