Ծեծկռտուք

Միջադեպ դպրոցում. 14-ամյա տղան գլխի վնասվածքով տեղափոխվել է հիվանդանոց

531
(Թարմացված է 21:01 05.04.2019)
Երևանի դպրոցներից մեկում տեղի ունեցած միջադեպն ավարտվել է պատանու հոսպիտալացումով։

ԵՐԵՎԱՆ, 5 ապրիլի — Sputnik. Մեր տեղեկություններով այսօր միջադեպ է տեղի ունեցել Երևանի Մալաթիա–Սեբաստի համայնքում գտնվող Սիամանթոյի անվան թիվ 162 հիմնական դպրոցում։

8-րդ դասարանում սովորող մի տղա շտապօգնության ավտոմեքենայով դպրոցից տեղափոխվել է Սուրբ Աստվածամայր բժշկական կենտրոն։ 14-ամյա տղան գլխի շրջանում վնասվածք է ստացել նույն դպրոցում սովորող 15-ամյա մի տղայի հետ ունեցած վեճի ընթացքում։

Վեճի ժամանակ15-ամյա պատանին ձեռքով հարվածել է 8-րդ դասարանցու դեմքին։

Ոստիկանության հասարակայնության հետ կապի և լրատվության վարչությունից տեղեկացանք, որ դեպքի առթիվ ոստիկանության Մալաթիայի բաժնում նյութեր են նախապատրաստվում։

Նշանակվել է դատաբժշկական փորձաքննություն։

531
թեգերը:
ՀՀ Ոստիկանություն
թեմա:
Վթար, պատահար, սպանություն, գողություն (2776)
Ըստ թեմայի
«Նիկո՛լ, դուխով արի Գյումրի». գոչում էին գյումրեցիները՝ դիմելով ՀՀ վարչապետին
Ողբերգական դեպք Հայաստանում․ դուստրը հայտնաբերել է հոր դին
Ողբերգական դեպք Արագածոտնի մարզում. կինը մահացել է այրվող տանը
Գյումրիում անչափահաս պարուհին հղիացել է և դիմել ոստիկանություն
Հայտնի է Իսակովի պողոտայում մահացած տղամարդու ինքնությունը
Գյուղացին Լոռվա սարերում քայքայված դի է գտել
4 հոգով ծեծել են Նորատուսի գյուղապետի անչափահաս որդուն
Շտապօգնություն

Ավտովթար Արմավիրում. 49–ամյա վարորդը մահացել է

332
(Թարմացված է 08:59 26.10.2020)
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։

ԵՐԵՎԱՆ, 26 հոկտեմբերի – Sputnik. Արմավիրում տեղի ունեցած ավտովթարը մեկ մարդու մահվան պատճառ է դարձել։ Ինչպես տեղեկացնում են ՀՀ ԱԻՆ մամուլի ծառայությունից, հոկտեմբերի 25-ին, ժամը 20։44-ին Արմավիրի մարզային ճգնաժամային կառավարման կենտրոն տեղեկություն է ստացվել, որ Արմավիր քաղաքի Կարմիր կամրջի տակ տեղի է ունեցել ՃՏՊ, կա տուժած։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։

Պարզվել է, որ «Ford» մակնիշի ավտոքարշակը (վարորդ՝ Սեյրան Խ․) բախվել է «Daf» մակնիշի կցորդչին (վարորդ՝ Սամվել Ա․)։

Փրկարարները հոսանքազրկել են ավտոմեքենաները, վարորդ Սեյրան Խ․-ին (ծնված 1971 թ․) դուրս բերել ավտոմեքենայից և մոտեցրել շտապօգնության ավտոմեքենային․ տուժածը հոսպիտալացվել է Արմավիրի ԲԿ, որտեղ և մահացել է:

332
թեգերը:
վարորդ, Զոհ, ավտոմեքենա, ավտովթար, Արմավիր
թեմա:
Վթար, պատահար, սպանություն, գողություն (2776)
Ըստ թեմայի
Հայկական կողմը կպահպանի հրադադարի ռեժիմը. Փաշինյան
Փարիզն արձագանքել է իսլամական մի քանի երկրների ՝ ֆրանսիական արտադրանքը բոյկոտելու կոչերին
Երկրորդ «ռազմաճակատ». Գորիսում անվճար համազգեստ են կարում կամավորների համար
Շտապօգնության մեքենա

Ստեփանակերտ տանող ճանապարհին բախվել են Mercedes-ն ու 07-ը. կա 1 զոհ, 5 վիրավոր

1061
(Թարմացված է 10:33 24.10.2020)
Վթարը տեղի է ունեցել Գորիս-Ստեփանակերտ ավտոճանապարհի 5-րդ կմ հատվածում։

ԵՐԵՎԱՆ, 24 հոկտեմբերի – Sputnik. Երեկ՝ հոկտեմբերի 23-ին, խոշոր ու ողբերգական ավտովթար է տեղի ունեցել Սյունիքի մարզում։ Ժամը 22։30-ի սահմաններում Գորիս-Ստեփանակերտ ավտոճանապարհի 5-րդ կմ հատվածում բախվել են Սյունիքի մարզի բնակիչներ՝ 40-ամյա Հրայր Աբալյանի վարած Mercedes և 25-ամյա Արամ Սարգսյանի վարած ՎԱԶ 2107 մակնիշի ավտոմեքենաները։ Տեղեկությունը հայտնում է shamshyan.com–ը։

«Վթարի հետևանքով 2 վարորդները և Ա. Սարգսյանի ուղևորներ՝ Սյունիքի մարզի բնակիչ, 16-ամյա Սաշա Ս-ն, Վայոց Ձորի մարզի բնակիչ, 44-ամյա Անդրանիկ Դավթյանը, Սյունիքի մարզի բնակիչ, 30-ամյա Վահիկ Մախսուդյանը և Վայոց Ձորի մարզի բնակիչ, 40-ամյա Գևորգ Աբգարյանը մարմնական վնասվածքներով տեղափոխվել են Գորիսի բժշկական կենտրոն»,–գրում է կայքը։

Որոշ ժամանակ անց Գ. Աբգարյանը մահացել է։

Փաստի առթիվ քրեական գործ է հարուցվել ՀՀ քրեական օրենսգրքի 242 հոդվածի 2-րդ մասի (Ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ) հատկանիշներով։

Ավելացել են վթարները, որոնք տեղի են ունենում հանդիպակաց գոտի դուրս գալու պատճառով

1061
թեգերը:
Վիրավոր, Զոհ, Սյունիք, ավտովթար, վթար
թեմա:
Վթար, պատահար, սպանություն, գողություն (2776)
Ըստ թեմայի
Երևանում ՃՏՊ–ների 10%-ից ավելին գրանցվել են բարձր արագությամբ երթևեկելի փողոցներում. ՃՈ
ՃՏՊ Վարդենիս-Մարտունի ավտոճանապարհին․ կան տուժածներ և մեկ զոհ
ՃՏՊ Երևան-Գյումրի ճանապարհին․ տուժածներից մեկը 1 տարեկան տղա է
Լոռի, ստուգայցեր

Ալավերդիում և Ստեփանավանում խախտումները շատացել են. ստուգայցերի արդյունքները

0
(Թարմացված է 18:26 28.10.2020)
Խախտումներ արձանագրելու դեպքում տեսուչներն իրականացնում են բացատրական աշխատանք, տրամադրում խորհրդատվություն, կազմվում է արձանագրություն։

ԵՐԵՎԱՆ, 28 հոկտեմբերի — Sputnik. ՀՀ առողջապահական և աշխատանքի տեսչական մարմնի աշխատակիցները շուրջ 4 տասնյակ ստուգայցեր են իրականացրել Ալավերդիում և Ստեփանավանում և արձանագրել են, որ խախտումները շատացել են։

«Բանկեր, ֆինանսական կազմակերպություններ, մանր ու միջին առևտրի կետեր, դեղատներ, գեղեցկության սրահներ և վարսավիրանոցներ․ ԱԱՏՄ ստուգայցերն այս ոլորտներում գործող տնտեսավարողների մոտ այսօր արձանագրել են հակահամաճարակային նորմերի պահպանման թերություններ։ Ռազմական դրության շրջանում տնտեսավարողների կողմից նկատվում է կանոնների պահպանման հանդեպ զգոնության թուլացում»,–ասված է հաղորդագրության մեջ։

Տեղեկացվում է, որ հաճախակի են ժամը 10:00-12:00 միայն կենսաթոշակային տարիքի անձանց սպասարկելու վերաբերյալ առողջապահության նախարարի 17-ն որոշման կետ ի խախտումները․ տնտեսավարողների մի մասը թյուրիմացաբար կարծում է, թե այս նորմն ուժը կորցրել է։

Երբեմն թերի են լրացվում ջերմաչափման և ախտահանման աշխատանքների գրանցամատյանները, իսկ որոշ տնտեսավարողների մոտ նշանակված չի լինում վարակի տարածման կանխարգելման պատասխանատու աշխատակից։

Պատերազմն ու կորոնավիրուսը. ՀՀ առողջապահության նախարարությունը պատասխանել է քննադատությանը

«Խախտումներ արձանագրելու դեպքում տեսուչներն իրականացնում են բացատրական աշխատանք, տրամադրում խորհրդատվություն, որոշ թերություններ տեղում շտկվում են: Խախտումների արձանագրման դեպքում կազմվում է արձանագրություն»,–ասված է հաղորդագրության մեջ։

Կորոնավիրուսի (COVID-19) տարածումը կանխելու նպատակով ՀՀ ԱԱՏՄ-ն կրկին հիշեցնում է՝ սահմանված անվտանգության նորմերը ենթակա են պարտադիր կատարման, այլապես կկիրառվի վարչական պատասխանատվության միջոցներ։

Նշենք, որ վերջին մեկ օրվա ընթացքում Հայաստանում գրացվել է կորոնավիրուսի 2241 նոր դեպք։ Ընդհանուր վարակվածների թիվը 82651 է։

0
թեգերը:
ստուգումներ, ՀՀ առողջապահական և աշխատանքի տեսչական մարմին (ԱԱՏՄ), համաճարակ, կորոնավիրուս, Ստեփանավան, Ալավերդի