ԵՐԵՎԱՆ, 4 ապրիլի — Sputnik. Երեկ արտառոց դեպք է տեղի ունեցել Գեղաքունիքի մարզի Նորատուս գյուղում. 4 հոգով ծեծի են ենթարկել Նորատուսի գյուղապետի անչափահաս տղային։ Այս մասին Sputnik Արմենիայի հետ զրույցում ասաց Նորատուսի գյուղապետ Մուրադ Հարությունյանը։
«Տղայիս ծեծել են, բայց պատճառը չգիտեմ` ինչն է։ Նա թեթև մարմնական վնասվածքներ է ստացել, այժմ տանն է»,–ասաց Հարությունյանը։
Նրա որդին` Հ. Հարությունյանը, 17 տարեկան է, սովորում է տեղի դպրոցի 11-րդ դասարանում։
Փաստի առթվի ոստիկանության Գավառի բաժնի հետաքննչական բաժանմունքում նյութեր են նախապատրաստվում։
