Հիվանդանոց

Գավառի հիվանդանոցում հղիությունն ընդհատելու ընթացքում 26–ամյա կին է մահացել

3286
Հարազատները չեն վստահում Գավառի հիվանդանոցին, այդ պատճառով աղջկա դին տեղափոխել են Երևան, որպեսզի այնտեղ դիահերձումը կատարվի։ Նրանք պահանջում են, որ մեղավորներն արժանի պատիժ կրեն։

ԵՐԵՎԱՆ, 1 ապրիլի — Sputnik. Գավառ քաղաքի հիվանդանոցում մահացած 26–ամյա կնոջ դեպքով քրեական գործ է հարուցվել։

Ինչպես տեղեկացնում է Shamshyan.com-ը, նշված քրգործը հարուցվել է մարտի 29-ին Գավառի բժշկական կենտրոնում կասկածելի հանգամանքներում մահացած Գավառ քաղաքի Հացառատ թաղամասի բնակիչ՝ 26-ամյա Հասմիկ Հարությունյանի մահվան փաստով։ Ֆոտոլրագրողի հետ զրույցում Հասմիկի հարազատները պատմել են. «Հասմիկը 2 երեխաների մայր է, նա կյանքում առողջական խնդիրներ չի ունեցել։ Իր խնամքին ուներ 2 որդի, մեկը՝ 5 տարեկան, մեկը՝ 9 ամսական»։

Հերթական հղիությունը ընդհատելու նպատակով մարտի 29-ին նա իր ոտքով այցելել է Գավառի հիվանդանոց, որտեղ բուժքույրը, ով Գեղարքունիքի մարզի Նորատուս գյուղից է, ներարկում է կատարում՝ ասելով, որ ցավազրկող է։ Ներարկումից 5 րոպե անց Հասմիկի ինքնազգացողությունը վատացել է։ Նա բուժքրոջը հայտնել է, որ վատ է զգում իրեն ու 10 րոպեի ընթացքում մահացել։

Հարազատները չեն վստահում Գավառի հիվանդանոցին, այդ պատճառով աղջկա դին տեղափոխել են Երևան, որպեսզի այնտեղ դիահերձումը կատարվի։ Նրանք պահանջում են, որ մեղավորներն արժանի պատիժ կրեն։

3286
թեգերը:
ՀՀ Առողջապահության նախարարություն, ՀՀ քննչական կոմիտե, Հայաստան
թեմա:
Վթար, պատահար, սպանություն, գողություն (1036)
Ըստ թեմայի
Ողբերգական ավտովթար Փարաքարի մոտ. ուղևորներից մեկը հիվանդանոցում մահացել է
Կրակոցներ Շենավանում. հիվանդանոցում գտնվողներից մեկը գյուղապետի հայրն է, մյուսը` եղբայրը