Река в Армении

Ողբերգական դեպք Լոռիում. 16–ամյա տղան Լոռվա բերդից ընկել է գետը և մահացել

358
Տղան համադասարանցիների հետ գնացել էր էքսկուրսիայի և ցանկացել է նկարվել։

ԵՐԵՎԱՆ, 22 մարտի — Sputnik. Լոռու մարզի Լոռի բերդ գյուղի հարակից ձորում այսօր 16–ամյա մի տղա է ընկել Ձորագետ գետը։ Այս մասին տեղեկանում ենք Արտակարգ իրավիճակների նախարարությունից։

Փրկարարներն Աշոտ Երկաթի ամրոցին հարակից կիրճի գետափնյա հատվածում անգիտակից վիճակում հայտնաբերել են 16–ամյա Ա.Պ.-ին: Դեպքի վայրում գտնվող շտապօգնության բժիշկը հաստատել է տղայի մահը:

Sputnik Արմենիայի տեղեկություններով` Ձորագետի կիրճն ընկած ու մահացած տղան ապրում էր Ստեփանավան քաղաքում։ Նա սովորում էր քաղաքի թիվ 6 ավագ դպրոցի 10-րդ դասարանում։

Այսօր դասղեկի ուղեկցությամբ աշակերտներն այցելել են Լոռի բերդ կոչվող պատմամշակութային արգելոց։ Աշակերտը կիրճի վերևում ցանկացել է նկարվել և, մինչ դասընկերը կլուսանկարեր, նա սայթաքել ու ընկել է կիրճը՝ մի քանի տասնյակ մետր գլորվելով։ Պարզվել է նրա ինքնությունը։ Ալեքսանդր Պեպանյանը դեկտեմբերին կդառնար 17 տարեկան։

358
թեգերը:
Դիակ, Զոհ, Հայաստան
թեմա:
Վթար, պատահար, սպանություն, գողություն (1038)
Ըստ թեմայի
Չինաստանի քիմիական գործարանում պայթյունի հետևանքով զոհերի թիվն ավելանում է. տեսանյութեր
Միհրան Պողոսյանն առաջարկում է իրեն հարցաքննել տեսակապով. ի՞նչ է պատասխանել ՀՔԾ–ն
Նաիրի Հունանյանն ԱԱԾ գործակալ է եղե՞լ. Վանեցյանի մեկնաբանությունը