ԵՐԵՎԱՆ, 19 մարտի – Sputnik. Քիչ առաջ դանակահարություն է տեղի ունեցել Երևանում։ Տիգրան Մեծի պողոտայից` «Քուին բուրգերի» դիմացից մի երիտասարդ է տեղափոխվել Թիվ 1 համալսարանական հիվանդանոց։
Մեր տեղեկություններով` նրան հիվանդանոց են տեղափոխել կրծքավանդակի վնասվածքով։ Իրավապահները դեպքի վայրում հայտնաբերել են արյան հետքեր ու դանակ։
Դեպքի վայրում հայտնաբերվել են արյան հետքեր և դանակ
© Sputnik / Stringer
Երիտասարդն ապրում է Երևանում։
Առայժմ հայտնի չէ` դանակահարողը մենակ է եղել, թե ոչ։
Մեր տեղեկություններով` վիճաբանություն է եղել։
Sputnik Արմենիային հայտնի դարձավ, որ բժիշկներին չի հաջողվել փրկել երիտասարդի կյանքը։
