Այգեհովիտ

Սարսափելի սպանության պատճառը օղին է եղել. ՔԿ–ն մանրամասներ է հայտնում

340
Տավուշի մարզում որդին տարեց մոր հետ վիճել է, հետո կացնով հարվածել նրա գլխին։

ԵՐԵՎԱՆ, 18 մարտի – Sputnik. Տավուշի մարզի Այգեհովիտ գյուղում 62-ամյա որդին տարեց մորը սպանել է օղու պատճառով։ Իրավապահներն ու քննիչները պարզել են զարհուրելի սպանության պատճառն ու մանրամասները։

Մասնավորապես պարզվել է, որ 2019 թվականի մարտի 15-ին՝ ժամը 11:30-ի սահմանում, Տավուշի մարզի բնակիչը՝ ծնված 1957 թվականին, տանն իր մոր հետ կենցաղային հարցի շուրջ վիճաբանել է՝ շշում օղու բացակայության պատճառով, որի ժամանակ տան պատշգամբում կացնով դիտավորյալ հարվածներ է հասցրել 88-ամյա մոր գլխի շրջանին, որի հետևանքով ստացած մարմնական վնասվածքներից վերջինս նույն օրն «Իջևանի բժշկական կենտրոն» ՓԲ ընկերությունում մահացել է:

Քննչական կոմիտեն հայտնում է, որ 62-ամյա տղամարդուն մեղադրանք է առաջադրվել՝ ՀՀ քրեական օրենսգրքի 104-րդ հոդվածի 1-ին մասի հատկանիշներով: Քննիչը միջնորդություն է ներկայացրել դատարան՝ նրա նկատմամբ որպես խափանման միջոց կալանավորում ընտրելու վերաբերյալ, ինչը բավարարվել է:

Քրեական գործով էական նշանակություն ունեցող հանգամանքներ պարզելու նպատակով նշանակվել են դատահետքաբանական, դատակենսաբանական, դատանյութաբանական համալիր, դիակի դատաբժշկական, ինչպես նաև՝ ստացիոնար դատահոգեբուժական փորձաքննություններ:

Նախաքննությունը շարունակվում է, միջոցներ են ձեռնարկվում՝ դեպքի հանգամանքների օբյեկտիվ, լրիվ և բազմակողմանի քննությունն ապահովելու ուղղությամբ:

Հիշեցնենք` Sputnik Արմենիան ավելի վաղ հայտնել էր, որ մորը սպանած Սարգիս Սիմոնյանը ամուսնալուծված է և միայնակ ապրում է Իջևանում։

340
թեգերը:
Հայաստան
թեմա:
Վթար, պատահար, սպանություն, գողություն (2450)
Ըստ թեմայի
Կնոջ դիակը հայտնաբերել են գյուղացիները. Արարատի մարզում տեղի ունեցած դեպքի մանրամասները
Ողբերգական դեպք Երևանում. տղամարդը վրաերթի զոհ է դարձել. լուսանկարներ (18+)
Գյումրու լճակներից մեկում կնոջ դի է հայտնաբերվել
Շտապօգնության մեքենա. արխիվային լուսանկար

Mercedes–ների վթար Երևանում. կան տուժածներ

16
(Թարմացված է 09:51 03.06.2020)
Բախվել են 21–ամյա վարորդի Mercedes B Class և 27–ամյա վարորդի Mercedes C Class մեքենաները։

ԵՐԵՎԱՆ, 3 հունիսի — Sputnik. Երեկ՝ հունիսի 2-ին, ավտովթար է տեղի ունեցել Երևանում։ Կան տուժածներ։ Տեղեկությունը հայտնում է shamshyan.com–ը։

Նշվում է, որ ժամը 23։25-ի սահմաններում Երվանդ Քոչար-Վարդանանց փողոցների խաչմերուկում բախվել են 21-ամյա Ադվին Մ-ի վարած Mercedes B Class մակնիշի և 27-ամյա Կոմիտաս Պ-ի վարած Mercedes C Class մակնիշի ավտոմեքենաները։

Վթարի հետևանքով 3 մարդ մարմնական վնասվածքներով տեղափոխվել են թիվ 1 համալսարանական հիվանդանոց։

Դեպքի վայր է ժամանել Արտակարգ իրավիճակների նախարարության Փրկարար ծառայության հրշեջ փրկարարական ջոկատը՝ 1 մարտական հաշվարկով։

Փրկարարները հոսանքազրկել են ավտոմեքենաները, փակել գազաբալոնն ու սահմանազատել տարածքը։

Սարսափելի պատահար Երևանում. կանայք հարվածից շպրտվել են հանդիպակաց գոտի

16
թեգերը:
Երևան, ավտովթար, վթար
Ըստ թեմայի
Խոշոր վթար Երևանի մերձակայքում. բախվել են Գագիկ Ծառուկյանի «Maybach»-ն  ու «06»-ը
Արմավիրում վթարի հետևանքով մայր ու որդի տեղում մահացել են. այրիացած հարսը 18 տարեկան է
Ողբերգական վթար Արարատի մարզում․ «Opel»-ի 47-ամյա վարորդը մահացել է
Շտապօգնություն

Ողբերգական ավտովթար Տավուշում. կա մեկ զոհ

43
(Թարմացված է 15:04 02.06.2020)
«Լեռնային Հայաստան» առողջարանի մոտակայքում շրջված ՈւԱԶ մակնիշի ավտոմեքենայում երկու անձ են եղել։

ԵՐԵՎԱՆ, 2 հունիսի - Sputnik. Քիչ առաջ ողբերգական ավտովթար է տեղի ունեցել Տավուշի մարզում։ ՀՀ ԱԻՆ մամուլի ծառայությունը հայտնում է, որ վթարի մասին տեղեկությունը Ճգնաժամային կառավարման ազգային կենտրոն  ստացել է ժամը 13:04-ին։

Ըստ ստացված տվյալների՝ Դիլիջան քաղաքում՝ «Լեռնային Հայաստան» առողջարանի մոտակայքում, շրջվել է  ՈւԱԶ մակնիշի ավտոմեքենա, կա տուժած:

Դեպքի վայր են մեկնել փրկարարները։ Նախնական տեղեկություններով՝ վթարի պահին մեքենայում երկու անձ են եղել։ Նրանցից մեկը տեղում մահացել է, մյուսը հոսպիտալացվել է։

Sputnik Արմենիայի տեղեկություններով՝ մահացած անձը ՊՆ–ին պատկանող «Լեռնային Հայաստան» հանգստյան տանն աշխատելիս է եղել որպես բանվոր։

43
թեգերը:
Դիլիջան, Վիրավոր, Զոհ, ավտովթար, Տավուշ
թեմա:
Վթար, պատահար, սպանություն, գողություն (2450)
Стоп-кадр прямого эфира брифинга с участием премьер-министра Никола Пашиняна, вице-премьера Тиграна Авиняна и министра здравоохранения Арсена Торосяна (1 июня 2020). Еревaн

Կավասակիի սինդրոմ` կորոնավիրուսով հիվանդ 4 տարեկան երեխայի մոտ. Թորոսյանը մտահոգ է

0
Արսեն Թորոսյանը կրկին շեշտել է, որ անհրաժեշտ է սահմանափակել բոլոր ոչ կենսական շփումները միմյանց հետ` վարակի փոխանցման շղթաները կոտրելու համար:

ԵՐԵՎԱՆ, 3 հունիսի — Sputnik. Դժբախտաբար, Հայաստանում արձանագրվել է Կավասակիի սինդրոմի դեպք 4 տարեկան երեխայի մոտ, որն ունեցել է անախտանիշ կորոնավիրուսային հիվանդություն: Facebook–ի իր էջում տեղեկությունը հայտնել է ՀՀ առողջապահության նախարար Արսեն Թորոսյանը։

«Վերջին շրջանում տարբեր երկրներում նկատվել էր Կավասակիի սինդրոմով երեխաների հիվանդացության աճ, որը որոշ հետազոտողներ կապում էին կորոնավիրուսային հիվանդության համաճարակի հետ: Կավասակիի սինդրոմի պատճառագիտությունը ամբողջությամբ հայտնի չէ, սակայն այն հիմնականում կապվում է վարակիչ հիվանդությունների դեպքում դրդվող աուտոիմունային պատասխանի հետ: Այն հիմնականում հանդիպում է մինչև 5 տարեկան երեխաների մոտ»,–գրել է Թորոսյանը:

Նախարարը նշել է, որ հաշվի առնելով միջազգային վիճակագրությունը, կանխավ պահեստավորել են հատուկ այդ սինդրոմի բուժման համար նախատեսված թանկարաժեք իմունոգլոբուլինային դեղորայք:

«Հուսամ` փոքրիկը արագ կապաքինվի, նրա վիճակը բժիշկները գնահատում են միջին ծանրության»,–հավելել է Թորոսյանը:

Թորոսյանը թե' մեծահասակներին, թե' փոքրերին կոչ է արել խստորեն հետևել հակահամաճարակային կանոններին, այս ընթացքում տուրք չտալ միմյանց հետ սերտ շփվելու գայթակղությանը, միշտ կրել դիմակ, հաճախ լվանալ կամ ախտահանել ձեռքերը:

Անհրաժեշտ է սահմանափակել բոլոր ոչ կենսական շփումները միմյանց հետ` վարակի փոխանցման շղթաները կոտրելու համար:

0