Հովհանավանք

Արտառոց դեպք Արագածոտնում. Հովհանավանքից գողացել են ամբողջ գումարն ու գանձանակը

124
Անհայտ անձը կամ անձինք տեխնիկական միջոցների գործադրմամբ կոտրել են եկեղեցու պատուհանի ճաղավանդակը և մտել եկեղեցի։

ԵՐԵՎԱՆ, 14 մարտի — Sputnik. Արագածոտնի մարզի Օհանավան գյուղի Հովհանավանք եկեղեցուց գողություն է կատարվել: Sputnik Արմենիայի հետ զրույցում ոստիկանության լրատվության բաժնից տեղեկացրին, որ մարտի 11–ին, ժամը 09:00-ի սահմանում Աշտարակի ոստիկանություն ահազանգ է ստացվել, որ Հովհանավանքից գողություն է կատարվել։

Դեպքի վայր մեկնած օպերատիվ խումբը պարզել է, որ մարտի 11-ին, ժամը 18:30-ից մինչև մարտի 12-ի 08:30-ն ընկած ժամանակահատվածում անհայտ անձը կամ անձինք տեխնիկական միջոցների գործադրմամբ կոտրել են եկեղեցու պատուհանի ճաղավանդակը ու մտել ներս եկեղեցի։

«Գողացել են եկեղեցու մոմավաճառի սեղանի դարակում եղած ամբողջ գումարն ու եկեղեցու գանձանակը»,–ասացին ոստիկանությունից։

Վնասի չափը պարզվում է։ Փաստի առթիվ ոստիկանությունը նյութեր է նախապատրաստվում:

124
թեգերը:
գողություն, Հայաստան
թեմա:
Վթար, պատահար, սպանություն, գողություն (882)
Ըստ թեմայի
Երևանում ավելացել են բնակարանային գողությունները. ի՞նչ է հանձնարարել Արթուր Դավթյանը
Ինչպես է տղամարդը գողություն անում Երևանի դեղատներից մեկում. տեսանյութ
Երևանի սուպերմարկետներից մեկում գողություն է կատարվել. տեսանյութ