ՀՀ ոստիկանություն

Դիմավորել են բանտից ազատված ընկերոջը և բերման ենթարկվել. հոգեներգործուն դեղեր են պահել

668
Բերման ենթարկված երիտասարդներից մեկը վերջին համաներմամբ ազատ արձակվածներից է։

ԵՐԵՎԱՆ, 13 մարտի — Sputnik. Շիրակի մարզի ոստիկանները ժամեր առաջ մի քանի երիտասարդի են բերման ենթարկել, որոնց մոտ հոգեմետ դեղեր են հայտնաբերվել։

Sputnik Արմենիայի տեղեկություններով՝ երիտասարդները Արթիկի ոստիկանություն բերման են ենթարկվել Արթիկ քաղաքից։ Նրանք Արթիկ քրեակատարողական հիմնարկից դիմավորել էին կալանավայրից նոր դուրս եկած ընկերոջը։ Իսկ րոպեներ անց, տեղեկության տիրապետող ոստիկանները, խուզարկությամբ նրանց մոտ հոգեներգործուն դեղեր են հայտնաբերել։

Մեր տեղեկություններով` բերման ենթարկված երիտասարդներից մեկը վերջին համաներմամբ ազատ արձակվածներից է։

Ոստիկանության հասարակայնության հետ կապի և լրատվության վարչությունից տեղեկացանք, որ դեպքի առթիվ ոստիկանության Արթիկի բաժնում նյութեր են նախապատրաստվում, որի շրջանակներում նշանակվել է նաև դատաքիմիական փորձաքննություն։

668
թեգերը:
ՀՀ Ոստիկանություն, Հայաստան
թեմա:
Վթար, պատահար, սպանություն, գողություն (900)