Սոլակի գյուղապետը հերքում է իր մասնակցությամբ տեղի ունեցած միջադեպի մասին լուրերը
ԵՐԵՎԱՆ, 12 մարտի — Sputnik. Կոտայքի մարզի Սոլակ գյուղում ոչ մի միջադեպ տեղ չի ունեցել։ Sputnik Արմենիայի հետ զրույցում այս մասին ասաց գյուղապետ Էդգար Խաչատրյանը` մեկնաբանելով մամուլում այսօր տարածված լուրերը, որոնց համաձայն` հունվարի 20-ին գյուղում տեղի է ունեցել վիճաբանություն, որն ավարտվել է ծեծկռտուքով ու կրակոցներով։
«Նման բան տեղի չի ունեցել»,– ասաց գյուղապետը` պնդելով, որ իր համագյուղացիներից ոչ ոք վնասվածք չունի ու հիվանդանոց չի տեղափոխվել։
Այդուհանդերձ, գյուղապետը չհերքեց` ոստիկանները մարտի 11-ին այցելել են գյուղ։
«Երեկ եկել են, զրուցել են գյուղի բնակիչների հետ։ Մնացածից տեղյակ չեմ»,– ասաց նա` միաժամանակ նշելով, որ ճանաչում է այն մարդկանց, որոնք մամուլում նշվել են որպես վիճաբանության մասնակիցներ։
Թե ինչ ընթացք է ստացել ոստիկանների իրականացրած քննչական գործողությունը, գյուղապետը տեղյակ չէ։
ՀՀ ոստիկանության լրատվական ծառայությունը հարցմանը պատասխան չտվեցին, թեև, ըստ shamshyan.com կայքի` Ոստիկանության Հրազդանի բաժանում դեպքի վերաբերյալ նյութեր են նախապատրաստվում։
Նույն աղբյուրի համաձայն` հունվարի 20-ին Սոլակ գյուղի ակումբներից մեկում խնջույքի ժամանակ վիճաբանություն է սկսվել, որը շարունակվել է բակում` ավտոմեքենաների կայանման հատվածում։ Վիճաբանությանը մասնակցել են Սոլակի 28-ամյա բնակիչ Սերյոժա Պողոսյանն ու 35-ամյա Հովհաննես Մկրտչյանը։ Վիճաբանությանը միացել են նաև Սոլակի գյուղապետ, 37-ամյա Էդգար Խաչատրյանը, 29-ամյա Տիգրան Մարգարյանը, 40-ամյա Աղասի Հայրապետյանը և 26-ամյա Հովհաննես Գևորգյանը։
Վեճը վերածվել է ծեծկռտուքի, որի ժամանակ հակառակորդներին վախեցնելու համար Հովհաննես Մկրտչյանն իր մոտ եղած ատրճանակով մի քանի անգամ օդ է կրակել։
Ծեծի ընթացքում Էդգար Խաչատրյանը վնասել է ձախ ձեռքի դաստակը և հունվարի 22-ին բուժօգնության է դիմել Չարենցավանի բժշկական կենտրոն։
թեգերը:
Ողբերգական դեպք Սյունիքում. 26-ամյա երիտասարդն ընկել է հանքի իջանցքն ու մահացել
(Թարմացված է 19:23 04.03.2021)
Մահացած երիտասարդը հերթափոխի պետն էր։ Քննիչի որոշմամբ նշանակվել են մի շարք փորձաքննություններ։ ԵՐԵՎԱՆ, 4 մարտի – Sputnik. Այսօր՝ մարտի 4-ին, ողբերգական դեպք է տեղի ունեցել Սյունիքի մարզում: Ժամը 14:20-ի սահմանում ոստիկանության Կապանի բաժինը բժշկական կենտրոնից ահազանգ է ստացել, որ բժիշկների հերթապահ խումբը մահացած վիճակում իրենց մոտ է տեղափոխել երիտասարդ տղայի դի: Տեղեկությունը հայտնում է shamshyan.com–ը։
Ոստիկաններն ու քննիչները պարզել են, որ մահացածը Կապան քաղաքի բնակիչ, 26-ամյա Անուշավան Սողոմոնյանն է, որը հիվանդանոց է տեղափոխվել «ՉԱԱՐԱՏ Կապան» փակ բաժնետիրական ընկերության Շահումյանի անվան փակ հանքի 830 հորիզոնում հանքի իջանցքը ընկնելու հետևանքով:
Ողբերգական վրաերթից մահացել է լրագրող, սցենարիստ Սոսի Խանիկյանը
Քննիչի որոշմամբ նշանակվել են մի շարք փորձաքննություններ, այդ թվում՝ դիակի դատաբժշկակական:
Կայքի տեղեկություններով՝ դեպքը տեղի է ունեցել ժամը 13:00-ի սահմանում, իսկ մահացածը աշխատում էր «Էս Ընդ Էյ Մայնինգ» ՍՊԸ-ում որպես հերթափոխի պետ:
Հայ երիտասարդի սպանության հետքերով. Արա Աբրահամյանը Բելորեչենսկ է ուղարկել իր տեղակալին
թեգերը:
Երևան-Սևան ճանապարհին BMW-ն մխրճվել է բեռնատարի մեջ. վիրավորների մեջ երեխաներ կան
(Թարմացված է 21:22 03.03.2021)
Դեպքի վայրում հավաքվածները պատմել են, որ վիրավորներին առաջինն օգնության են հասել քաղաքացիները։ ԵՐԵՎԱՆ, 3 մարտի - Sputnik. Այսօր՝ մարտի 3-ին, խոշոր ավտովթար է տեղի ունեցել Գեղարքունիքի մարզում, որի հետևանքով 5 մարդ, այդ թվում երեխաներ են տեղափոխվել «Հրազդան» բժշկական կենտրոն։ Տեղեկությունը հայտնում է shamshyan.com–ը։
Ժամը 16:30-ի սահմաններում Երևան-Սևան ավտոճանապարհի 57-րդ կմ հատվածում, BMW մակնիշի ավտոմեքենան մխրճվել է «Howo» մակնիշի բեռնատարի հետնամասի մեջ:
Դեպքի վայրում հավաքվածները պատմել են, որ վիրավորներին առաջինը օգնության են հասել քաղաքացիները։
Ոստիկանությունը պարզում է վարորդների և վիրավորների ինքնությունը:
Արմավիրի մարզում ճակատ–ճակատի բախվել են Opel Astra–ներ. վիրավորների մեջ երեխաներ կան
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։