Սակրավոր

Ստեփանավանի տներից մեկի բակում հակատանկային ական են հայտնաբերել ու պայթեցրել

38
Ինժեներական ծառայողները հայտնել են, որ ականը տեղափոխելը վտանգավոր է, ուստի անհրաժեշտ է այն տեղում ոչնչացնել։

ԵՐԵՎԱՆ, 9 մարտի – Sputnik. Ստեփանավանի Համբարձումյան 1-ին փողոցի տներից մեկի բնակիչը բակում հակատանկային ական է հայտնաբերել։ ՀՀ ոստիկանության հասարակայնության հետ կապերի բաժինը հայտնում է, որ ոստիկանության Ստեփանավանի բաժինն այս մասին հաղորդում է ստացել մարտի 8-ին, ժամը 14.15-ին։

Նույն օրը, ժամը 18.50-ին, ոստիկանների հետ դեպքի վայր են ժամանել նաև ՀՀ ՊՆ զորամասի ինժեներական ծառայության զինծառայողները։

Դեպքի վայրի զննությունն անցկացվել է փորձագետի մասնակցությամբ։ Ինժեներական ծառայողները հայտնել են, որ պայթունավտանգ և վտանգավոր է ականը վերցնելու, փաթեթավորելու, զննելու, տեղափոխելու և փորձաքննություն նշանակելու համար, ուստի դեպքի վայրի զննությունից անմիջապես հետո անհրաժեշտ է համապատասխան ինժեներասակրավորական աշխատանքներով ականը տեղում ոչնչացնել։

Ժամը 18.32-ին ականը պայթեցման եղանակով ոչնչացվել է, որի ժամանակ վիրավորներ և զոհեր չեն եղել:

Նշանակվել են դատապայթյունատեխնիկական և դատաքիմիական փորձաքննություններ: Նախապատրաստվում են նյութեր:

38
թեգերը:
Հայաստան
Ըստ թեմայի
Արմավիրում գյուղացին նռնակ է գտել. լուսանկարներ
Ողբերգական դեպք Գեղարքունիքում. 58 տարեկան կինը կախվել է նկուղում
Կրկին ինքնասպանության փորձ. պատճառը՝ կրկին ֆինանսական խնդիրները
Արտակարգ դեպք Գյումրիում. ռուս զինծառայողին հարվածել են պտուտակահանով
Լոռիում ավտոմեքենան ընկել է ձորակը. վարորդին տեղափոխել են հիվանդանոց. լուսանկար