«Էրեբունի» հիվանդանոց

Խոշոր ավտովթարից հետո հիվանդանոց տեղափոխված երիտասարդ տղամարդը մահացել է

126
Բժիշկները չեն կարողացել փրկել 34 տարեկան տղամարդուն։

ԵՐԵՎԱՆ, 8 մարտի – Sputnik. Արարատի մարզի Դիտակ գյուղի բնակիչ, 34-ամյա Առաքել Այվազյանը երեկ՝ մարտի 7-ին, մահացել է հիվանդանոցում։

Այս մասին հայտնում է shamshyan.com–ը` հիշեցնելով, որ նա հիվանդանոց էր տեղափոխվել փետրվարի 20-ին Արարատի մարզում տեղի ունեցած խոշոր ավտովթարի հետևանքով։

Ժամը 22:00-ի սահմաններում Մխչյան գյուղից դեպի Դիտակ գյուղ տանող ավտոճանապարհին Mercedes մակնիշի 34 CP 621 համարանիշի ավտոմեքենայի վարորդը, դեպի Դիտակ ընթանալիս, դուրս էր եկել ճանապարհի երթևեկելի գոտուց, բախվել հաստաբուն ծառին, տապալել այն և հայտնվել առվում:

Վթարի հետևանքով վարորդն ու ուղևորը մարմնական վնասվածքներով տեղափոխվել էին Արտաշատի բժշկական կենտրոն, որտեղից էլ տեղափոխվել էին Երևանի «Էրեբունի» բժշկական կենտրոն:

Վիրավորներին առաջինը օգնության էին հասել քաղաքացիները և դեպքի վայրում հավաքվածների պատմելով՝ բժիշկները օպերատիվ էին ժամանել ու մինչև հիվանդանոց տեղափոխելը, առաջին բուժօգնությունն էին ցուցաբերել վիրավորներին:

126
թեմա:
Վթար, պատահար, սպանություն, գողություն (1433)
Ըստ թեմայի
Դաժան սպանություն Տավուշում. մուրճով խփել է տղամարդու գլխին. կասկածյալը բերման է ենթարկվել
Մինչ սպանությունը կերել–խմել են. մանրամասներ` Տավուշի դաժան սպանությունից. լուսանկարներ
Արմավիրում գյուղացին նռնակ է գտել. լուսանկարներ
Երևանում տղամարդը դիմել է ինքնասպանության. ո՞րն էր այդ քայլի պատճառը
Ողբերգական դեպք Գեղարքունիքում. 58 տարեկան կինը կախվել է նկուղում
Կրկին ինքնասպանության փորձ. պատճառը՝ կրկին ֆինանսական խնդիրները