Երիտասարդը՝ հիվանդանոցում

Վիրավոր երիտասարդը հրաժարվել է հաղորդում տալ. փոխարենը ներկայացել է կասկածյալը

355
(Թարմացված է 20:04 07.03.2019)
Հոսպիտալացված տղան սկզբում փորձել է կոծկել եղելությունը, պատմելով, թե իբր ընկել է փողոցում:

ԵՐԵՎԱՆ, 7 մարտի — Sputnik. Մեր տեղեկություններով՝ երեկ գիշեր «Աստղիկ» բժշկական կենտրոն դանակահարված երիտասարդ է տեղափոխվել։ 22-ամյա տղայի կրծքավանդակի շրջանում կտրած-ծակած վնասվածքներ են եղել։

Դեպքի վերաբերյալ փորձեցինք տեղեկություն ճշտել ոստիկանության հասարակայնության հետ կապի և լրատվության վարչությունից։ Մեզ տեղեկացրեցին, որ ոստիկանության Մալաթիայի բաժնում հիվանդանոցից ահազանգ է եղել։

Հոսպիտալացված երիտասարդը ասել է, որ վնասվածքը ստացել է փողոցում ընկնելու հետևանքով, սակայն նրա հայտնածը իրականությանը չի համապատասխանում։

Պարզվել է, որ Սեբաստիայի փողոցի 24\2 շենքի բակում վեճ է տեղի ունեցել, որի ժամանակ էլ երիտասարդը կտրած-ծակած վնասվածքներ է ստացել։

Նա հրաժարվել է հաղորդում տալ։ Նշված շենքի բնակիչ, 28-ամյա մի երիտասարդ, որը կասկածվում է վնասվածքները պատճառելու մեջ, տարված բացատրական աշխատանքի արդյունքում ներկայացել է ոստիկանություն։

Капельница
© Sputnik / Stringer
Հիվանդանոցում գտնվող վնասվածքներ ստացած երիտասարդը հրաժարվել է հաղորդում տալ

Նշանակվել է դատաբժշկական փորձաքննություն։

355
թեգերը:
Հայաստան, Երևան, ՀՀ Ոստիկանություն
Ըստ թեմայի
Երևանում տղամարդը դիմել է ինքնասպանության. ո՞րն էր այդ քայլի պատճառը
Մինչ սպանությունը կերել–խմել են. մանրամասներ` Տավուշի դաժան սպանությունից. լուսանկարներ
Երևանի Անդրանիկի փողոցում հայտնաբերվել է միջին տարիքի տղամարդու դի
Կրկին չարաշահում. գումարը գերազանցում է 3.5 միլիոնը