Վթարի ենթարկած ավտոմեքենան

Վրաերթ Աբովյան քաղաքում. տղամարդը ծանր վնասվածքներով տեղափոխվել է հիվանդանոց. լուսանկար

169
Ստուգվել է վարորդի սթափության աստիճանը․ նա ալկոհոլ օգտագործած չի եղել։

ԵՐԵՎԱՆ, 6 մարտի — Sputnik. Ժամեր առաջ վրաերթ է տեղի ունեցել Աբովյան քաղաքում։

Sputnik Արմենիայի տեղեկություններով` «Ֆոլկսվագեն» մակնիշի ավտոմեքենան վրաերթի է ենթարկել Աբովյան քաղաքում ապրող մի տղամարդու։ Նա մարմնական վնասվածքներով տեղափոխվել է «Աբովյան»  բժշկական կենտրոն:

Ոստիկանության հասարակայնության հետ կապի և լրատվության վարչությունից տեղեկացանք, որ վրաերթի առթիվ ճանապարհային ոստիկանությունում նյութեր են նախապատրաստվում։

Ստուգվել է վարորդի սթափության աստիճանը․ նա ալկոհոլ օգտագործած չի եղել։

ДТП в Абовяне
© Sputnik / Stringer
Վրաերթ Աբովյանում

 

169
թեգերը:
ավտովթար, Հայաստան
թեմա:
Վթար, պատահար, սպանություն, գողություն (2622)
Ըստ թեմայի
Ողբերգական ավտովթար Փարաքարի մոտ. ուղևորներից մեկը հիվանդանոցում մահացել է
Արմեն Մարության

Ողբերգական ավտովթարի հետևանքով մահացել է Արմեն Մարությանի և Ալլա Վարդանյանի դստեր ընտանիքը

1672
(Թարմացված է 11:31 10.08.2020)
Sputnik Արմենիան խորին ցավակցություն է հայտնում դերասաններ Արմեն Մարությանին և Ալլա Վարդանյանին, ինչպես նաև մահացածների հարազատներին:

ԵՐԵՎԱՆ, 10 օգոստոսի — Sputnik. Երեկ` օգոստոսի 9–ին, տեղի ունեցած ողբերգական վթարի հետևանքով մահացել են  ՀՀ վաստակավոր արտիստներ Արմեն Մարությանի և Ալլա Վարդանյանի դուստրը` Թամարա Մարությանը, ամուսինը` Միհրան Գյուլզադյանը և նրանց երեխաները՝ 15-ամյա Նարեկ և 9-ամյա Արմեն Գյուլզադյանները։ Տեղեկությունը Sputnik Արմենիային հաստատեց Գաբրիել Սունդուկյանի անվան ազգային ակադեմիական թատրոնի տնօրեն Վարդան Մկրտչյանը։

Հիշեցնենք, երեկ ՝ օգոստոսի 9-ին, ողբերգական ավտովթար էր տեղի ունեցել Սյունիքի մարզում: Ժամը 16:00-ի սահմաններում Երևան-Երասխ-Մեղրի ավտոճանապարհի 182-րդ կմ հատվածում բախվել են Toyota մակնիշի և «Mercedes» մակնիշի բեռնատար ավտոմեքենաները:

Toyota-ն վարել էր Երևան քաղաքի բնակիչ՝ 49-ամյա Միհրան Գյուլզադյանը, իսկ Mercedes-ը վարել է Արարատի մարզի Նորամարգ գյուղի բնակիչ՝ 61-ամյա Աշոտ Գևորգյանը։

Վթարի հետևանքով տեղում մահացել էին  Toyota-ում գտնվող ընտանիքի 4 անդամները։

Sputnik Արմենիան խորին ցավակցություն է  հայտնում դերասաններ Արմեն Մարությանին և Ալլա Վարդանյանին, ինչպես նաև մահացածների հարազատներին:

1672
թեգերը:
երեխա, դերասանուհի, դերասան, ընտանիք, Սյունիքի մարզ, ավտոմեքենա, ավտովթար
թեմա:
Վթար, պատահար, սպանություն, գողություն (2622)
ԱԻՆ, արխիվային լուսանկար

Միքայելյան վիրաբուժության ինստիտուտի տարածքում հրդեհ է բռնկվել․ մարդկանց տարհանել են

186
(Թարմացված է 00:04 10.08.2020)
Հրշեջ-փրկարարական ջոկատներից տեղում աշխատում է վեց մարտական հաշվարկ։

ԵՐԵՎԱՆ, 9 օգոստոսի - Sputnik. Միքայելյան վիրաբուժության ինստիտուտի տարածքում հրդեհ է: Տեղեկությունը հայտնում է ԱԻՆ մամուլի ծառայությունը։

Հրդեհի մասին ահազանգը ստացվել է ժամը 20։26-ին։ Պարզվել է, որ հրդեհը բռնկվել է Միքայելյան վիրաբուժության ինստիտուտի շենքին հարակից տարածքում, այրվում է շինարարական աղբը։

Հրշեջ-փրկարարական ջոկատներից վեց մարտական հաշվարկ է աշխատում տեղում։ Բերվել է նաև մեկ ավտոսանդուղք։ Անվտանգությունից ելնելով իրականացվում է շենքի երկրորդ հարկում գտնվող քաղաքացիների տարհանում։

Ադրբեջանում գազատար է պայթել

186
թեգերը:
հիվանդանոց, հրդեհ, ՀՀ արտակարգ իրավիճակների նախարարություն (ԱԻՆ)
թեմա:
Վթար, պատահար, սպանություն, գողություն (2622)
Թևան Պողոսյան

Եթե ձգտում ենք գրավիչ երկիր դառնալ, պետք է պատրաստ լինենք օտարազգիների ներգաղթին. Պողոսյան

0
(Թարմացված է 14:37 10.08.2020)
«Մարդկային զարգացման միջազգային կենտրոնի» ղեկավար Թևան Պողոսյանը Sputnik Արմենիայի եթերում անդրադարձել է Սփյուռքի հարցերով գլխավոր հանձնակատար Զարեհ Սինանյանի` հայրենադարձության ու ներգաղթի տեսլականին։ 
Պողոսյան. «Նպաստելով ներգաղթին`պատրաստ լինենք, որ օտարները նույնպես կցանկանան ապրել ՀՀ–ում»

«Մարդկային զարգացման միջազգային կենտրոնի» ղեկավար Թևան Պողոսյանի դիտարկմամբ` ժողովրդագրական խնդիրներով զբաղվելն իսկապես ազգային անվտանգության հարց է, հետևաբար պետք է ամեն ինչ անել` նախևառաջ մեր հայրենակիցների ներգաղթն ապահովելու համար, իսկ որպեսզի բոլորը կարողանան գալ, դրա համար Հայաստանն իսկապես պետք է լինի գրավիչ ու հարմարավետ։ 

«Հայերն ապրում են աշխարհի տարբեր երկրներում, հարմարվել են իրենց միջավայրին, ձեռք բերել մշակութային որոշ գծեր, ունեն ուրույն պատկերացումներ պետականության և պետական ինստիտուտների մասին, ուստի անհրաժեշտ է այստեղ ստեղծել այնպիսի պայմաններ, որ Հայաստան գալուց հետո մեր հայրենակիցներն իրենց հարմարավետ զգան, որտեղ կա հանդուրժողականություն և սեր իրենց նկատմամբ»,– Sputnik Արմենիայի հետ զրույցում ասաց նա։

Պողոսյանի կարծիքով` եթե անգամ այդ ամենը ձևավորվի, մենք պետք է պատրաստ լինենք նաև, որ շատ ազգերի ներկայացուցիչներ նույնպես կցանկանան գալ և հաստատվել գրավիչ Հայաստանում։ Ըստ նրա` այսօր ներգաղթի շնորհիվ մեծանում են այն երկրները, որոնք իսկապես գրավիչ են մարդկանց համար։ Պողոսյանը վկայակոչում է Նիկոլ Փաշինյանի երազանքը, որ 2050 թվականին պետք է ունենանք 5 միլիոն բնակչությամբ երկիր։ 

«Մենք պետք է ձգտենք ժողովրդագրական պատկերը տոկոսային առումով առավելագույնս պահպանել, բայց գիտակցենք, որ մեզ մոտ լինելու են այլազգիներ, իսկ ով ասաց, որ չեն լինելու խառն ամուսնություններ, ով ասաց, որ չենք ձևավորելու այնպիսի կրթական համակարգ, որ օտարները գան և կրթվեն Հայաստանում ու հետագայում այստեղ ընտանիք կազմեն, իրենց կյանքը կապեն մեր երկրի հետ։ Հասկանում եմ, որ այսօրվա սրված ներքաղաքական իրավիճակում ամեն ինչի վերաբերյալ կարող են լինել քաղաքականացված մեկնաբանություններ, բայց նպատակն այն է, որ եթե ձգտում ենք դառնալ գրավիչ երկիր, ապա ներգաղթն ընդգրկելու է ոչ միայն մեր հայրենակիցներին»,– նշեց  «Մարդկային զարգացման միջազգային կենտրոնի» ղեկավարը։

Զարեհ Սինանյանը գիտի` ինչ է պետք անել, որ սփյուռքահայերը գան Հայաստան ու էլ չգնան

Պողոսյանն ընդգծում է, որ այսօր էլ Հայաստանում բնակվում են շատ օտարազգիներ, սակայն մինչ օրս ազգային անվտանգության խնդիր չի առաջացել։ Նրա խոսքով` եթե օտար երկրներում հայերի համար ապահովվում են ազգային ինքնությունն ու սովորույթները պահպանելու պայմաններ, ապա Հայաստանում ևս նույն մոտեցումը պետք է լինի օտարզագիների համար։ 

Հիշեցնենք՝ Սփյուռքի հարցերով գլխավոր հանձնակատար Զարեհ Սինանյանն իր ելույթներից մեկում նշել էր, որ ժամանակն է մտածել Հայաստանը մեր նման ազգերի հայրենիքը դարձնելու ուղղությամբ: Նա հիշատակել էր Իսպանիայի արաբներին, ասորիներին և այլ ազգերի ու ընդգծել, որ նրանք ազգային անվտանգության տեսանկյունից սպառնալիք չեն ներկայացնում և կարող են հեշտությամբ ինտեգրվել Հայաստանում։ Սինանյանի կարծիքով՝  այդ ճանապարհով հնարավոր է փոխել ժողովրդագրական իրավիճակը Հայաստանում, և դրանից պետք չէ ամաչել։

«Ջավախքից չես, վճարիր»․ ինչպես է հայրենադարձը հիասթափվում Հայաստանից և կրկին սիրում

0
թեգերը:
հայրենադարձություն, ներգաղթ, Թևան Պողոսյան, Զարեհ Սինանյան, Հայաստան
Ըստ թեմայի
Հայ բարերարը մեծ գումարներ կներդնի հայրենադարձությանը նպաստելու համար
Հայրենադարձ. երեխաներին լավ է Հայաստանում մեծացնել
Մեր ախպար-եղբայրները կամ ինչ չգիտեինք հայրենադարձների մասին
Հայրենադարձությունն ու օպերային արվեստը. ովքե՞ր են ՀՀ «դեսպանները»