ԵՐԵՎԱՆ, 2 մարտի — Sputnik. Երևանի Սարկավագի փողոցում բախվել են Suzuki մակնիշի մարդատար ավտոմեքենան ու թիվ 47 երթուղին սպասարկող մարդատար ավտոբուսը։ Այս մասին հայտնում է shamshyan.com կայքը` նշելով, որ դեպքը տեղի է ունեցել այսօր առավոտյան` 10։35-ի սահմանում։
Suzuki-ի վարորդը (ըստ կայքի` նա կին է) մարմնական վնասվածքներով տեղափոխվել է «Սուրբ Գրիգոր Լուսավորիչ» բժշկական կենտրոն։ Դեպքի վայրում հավաքվածները պատմել են, որ վթարի հետևանքով ավտոբուսի մի քանի ուղևորներ նույնպես տեղափոխվել են հիվանդանոցներ։
Ոստիկանությունն այս պահին պարզում է նաև վարորդների և վիրավորների ինքնությունը։
