Ճանապարհ

Ստավրոպոլում միկրոավտոբուս է շրջվել. տուժել են Հայաստանի 6 քաղաքացի

168
Ստավրոպոլի երկրամասի գյուղերից մեկի մոտ միկրոավտոբուս է վթարի ենթարկվել, կան տուժածներ, ենթադրվում է, որ նրանք ՀՀ քաղաքացիներ են։

ԵՐԵՎԱՆ, 27 փետրվարի — Sputnik. Ստավրոպոլում միկրոավտոբուս է շրջվել, ինչի հետևանքով տուժել են վեց մարդ։ Այս մասին հայտնում է երկրամասի ԱԻՆ գլխավոր վարչությունը։

ԱԻՆ գլխավոր վարչության մամուլի ծառայության ղեկավար Օլեգ Դեգտյարովը տեղեկացրել է, որ պատահարի մասին հայտնի է դարձել ժամը 12–ին (Երևանի ժամանակով 13։00)։

«ՃՏՊ–ն տեղի է ունեցել Կոչուբեևսկոե գյուղից 10 կմ հեռավորության վրա։ Մասնավոր անձին (Հայաստան) պատկանող Mercedes միկրոավտոբուսը կողաշրջվել է, մեքենայում եղել են 6 մարդ` երեք կին և երեք տղամարդ, ներառյալ վարորդը։ Երեխաներ չկան», – նշված է հաղորդագրության մեջ։

Հայտնի է նաև, որ տարբեր աստիճանի վնասվածքներ ստացած ուղևորները Նևինոմիսկի քաղաքային հիվանդանոցի ճանապարհին են։ Շրջանի իշխանությունները կապ են հաստատել հայկական սփյուռքի ներկայացուցիչների հետ։

«ՃՏՊ–ի վայրը շղթայել են ոստիկանները։ Դեպքի վայրում աշխատում են բոլոր արտակարգ ծառայությունները։ Տեղեկությունը ճշտվում է», – հավելել են գերատեսչությունից։

Ենթադրվում է, որ բոլոր տուժածները Հայաստանի բնակիչներ են։

Ճանապարհային ոստիկանության տվյալներով` միկրոավտոբուսն ուղևորափոխադրումներ է իրականացնում Հայաստան–Դոնի Ռոստով երթուղով։

Նշվում է, որ վարորդը երթևեկության ձախ գոտին փոխելու ընթացքում վտանգավոր արագությամբ է ընթացել, հաշվի չի առել իրադրությունը, ինչի հետևանքով կորցրել է կառավարումը և շրջվել։

 

168
թեգերը:
վթար, Ռուսաստան
թեմա:
Վթար, պատահար, սպանություն, գողություն (2515)
Ըստ թեմայի
Քաղաքացին փորձել է ինքնահրկիզվել կառավարության շենքի դիմաց. տեսանյութ
Առինջ գյուղի 4 բնակիչ թունավորվել են գազից
Սարսափելի հրդեհ Կահիրեի կայարանում. առնվազն 20 մարդ է մահացել, կան վիրավորներ
Ողբերգական դեպք Երևանում. ավտոտեխսպասարկման կետում հայտնաբերվել է երիտասարդի դի
Շտապօգնություն. արխիվային լուսանկար

Վիրահատված քաղաքացուն Կապանից Երևան տեղափոխող շտապօգնության մեքենան վթարի է ենթարկվել

61
(Թարմացված է 20:47 01.07.2020)
Վթարի հետևանքով 8 մարդ վիրավորվել է։ Նրանցից 2- ը տեղափոխվել են Եղեգնաձորի բժշկական կենտրոն, 6-ը՝ Վայքի:

ԵՐԵՎԱՆ, 1 հուլիսի — Sputnik. Վայոց Ձորի մարզում այսօր՝ հուլիսի 1-ին, իրար են բախվել շտապօգնության մեքենաները: Ինչպես տեղեկացնում է Shamshyan.com-ը, ժամը 18:40-ի սահմաններում Երևան-Մեղրի ավտոճանապարհի 133.5-րդ կմ հատվածում բախվել են շտապօգնության հաշվեկշռում գրանցված Ford Transit և Toyota Camry մակնիշի ավտոմեքենաները:

Կորոնավիրուսից մահացած տատիկի դին արդեն քանի օր է` չեն գտնում. ահազանգում է նրա թոռնուհին

Վթարի հետևանքով 8 վիրավորներից 2- ը տեղափոխվել են Եղեգնաձորի բժշկական կենտրոն, 6-ը՝ Վայքի: Ոստիկանությունը պարզում է վարորդների և վիրավորների ինքնությունը:

Դեպքի վայրում հավաքվածները, ովքեր հրաժարվել են տեսախցիկի առջև խոսել, ասել են, որ Ford Transit-ը հաշվառված է Կապանի հիվանդանոցի հաշվեկշռում և Երևան հիվանդանոց էր տեղափոխում սրտի վիրահատություն տարած քաղաքացուն։

61
թեգերը:
Երևան, Կապան, Վիրավոր, հիվանդանոց, հիվանդ, շտապօգնություն, ավտովթար
թեմա:
Վթար, պատահար, սպանություն, գողություն (2515)
Ըստ թեմայի
ԱՄՆ-ից փոստով ու տաքսիով` մինչև տուն. ոստիկանները բացահայտել են թմրամիջոցի առաքման ուղին
Եթե կարիք լինի, ԴՆԹ փորձաքննություն կարվի. Թորոսյանի խոսնակը` կորած դիակի մասին
Մարզերում և Երևանում, մասնավոր ու պետական. որ ԲԿ–ներն են միացել կորոնավիրուսի դեմ պայքարին
Գերեզմանոց

Երևանի գերեզմանատներից մեկի մոտ 40-ամյա տղամարդը հոսանքահարվել է ու մահացել

38
(Թարմացված է 16:39 01.07.2020)
Տղամարդն աշխատանքներ է կատարել գերեզմանատան հարևանությամբ գտնվող էլեկտրական սյան վրա։

ԵՐԵՎԱՆ, 1 հուլիսի – Sputnik. Երևանում` Շենգավիթի «Կարմիր բլուր» գերեզմանատան մոտ, տղամարդ է հոսանքահարվել։ Տեղեկությունը Sputnik Արմենիային հայտնեցին ոստիկանության մամուլի ծառայությունից։

«Հունիսի 30-ին, ժամը 12։00-ի սահմանում ոստիկանությունը բուժկենտրոններից մեկից ահազանգ է ստացել, որ մահացած տղամարդ է տեղափոխվել իրենց մոտ։ Օպերատիվ խումբը պարզել է, որ նա հոսանքահարվել է Շենգավիթի «Կարմիր բլուր» գերեզմանատան մոտ ժամը 10։30-ի սահմանում»,– տեղեկացրին ոստիկանությունից։

Նշանակված է դատաբժշկական փորձաքննություն։ Նյութեր են պատրաստվում։

Ըստ shamshyan.com–ի` մահացածը Արագածոտնի մարզի Արագած գյուղի բնակիչ Ասքանազ Ղ-ն էր։ Նա մահացել է գերեզմանատան հարևանությամբ էլեկտրական սյան վրա աշխատանքներ կատարելիս։

Կրակոցներ Երևանում. մեկ մարդ գլխի շրջանում վնասվածքներ է ստացել

38
թեգերը:
տղամարդ, Մահ, գերեզման, Հայաստան
թեմա:
Վթար, պատահար, սպանություն, գողություն (2515)
Ըստ թեմայի
Երևանում վրաերթի են ենթարկել հեծանվով երեխային
Համակարգիչ, գումար ու ոսկյա շղթա. 43-ամյա կինը մեղադրվում է գողության մեջ
Ողբերգական վթար Տավուշում. եղբայրներից մեկին դուրս են բերել տրակտորի տակից, մյուսին՝ միջից
Դոնալդ Թրամփ. արխիվային լուսանկար

Դիմակ դնելը թույլիկների գործն է. Թրամփի ու ՌԴ–ի «գաղտնի կապն» ու Covid-19-ի մեղավորները 

4
ԱՄՆ-ում շարունակվում են տեղեկատվական գրոհները։ Հերթականն այսպես կոչված «Ռուսաստանի և թալիբների միջև դավադրության» մասին «տեղեկությունն է»։ Ընդ որում՝ թիրախային հանդիսատեսին ամենևին չի հետաքրքրում, որ այդ հակառուսական գրոհներն ընդամենը քարոզչական հնարքներ են։

Վիկտոր Մարախովսկի, ՌԻԱ Նովոստի

Առաջադեմ աշխարհում երեկվա գլխավոր իրադարձություններն էին ԱՄՆ կոնգրեսի խոսնակ Նենսի Փելոսիի հայտարարությունն այն մասին, որ անհրաժեշտ է անհապաղ նոր պատժամիջոցներ ձեռնարկել Ռուսաստանի դեմ, ինչպես նաև կորոնավիրուսով օրական վարակվող ամերիկացիների ռեկորդային թվերը։

Փելոսիի հայտարարությունը, հիշեցնենք, հետևել է «Ռուսաստանի և թալիբների միջև դավադրության» ցնդաբանական պատմությանը։ Սառը դատողությամբ՝ այդ պատմությունն անգամ ԱՄՆ հատուկ ծառայությունների՝ իրենց աղբյուրներից ստացված տեղեկություն չէ, այլ ինչ-որ վերլուծաբանների կողմից «թալիբների հարցաքննության արդյունքում արված եզրակացություն» այն մասին, թե Ռուսաստանում ինչ-որ մեկը, չգիտես ինչու, որոշել է վճարել արդեն տարիներ շարունակ ամերիկացի զինծառայողներին սպանող թալիբներին, որպեսզի նրանք սպանեն ամերիկացի զինծառայողներին (նույն հաջողությամբ Ռուսաստանը կարող էր վճարել աֆրիկացիներին՝ ծնելիության համար)։

Այս հզորագույն եզրակացությունը Պենտագոնի և ազգային անվտանգության գծով խորհրական Օ՛Բրայենի հայտարարությունների համաձայն` չի հաստատվել, ինչի կապակցությամբ էլ ժամանակին անգամ չեն զեկուցել ԱՄՆ նախագահին։ Ինչպես չեն զեկուցել, ակնհայտորեն, բազմաթիվ այլ, չհաստատված տեղեկությունների և ենթադրությունների մասին, որոնց ստացումն ու մշակումը հենց հատուկ ծառայությունների աշխատանքն է։

Կոլապսն անխուսափելի է. կորոնավիրուսն Ամերիկայի «մեջքը կոտրեց»

Բայց բանն այն է, որ ներկայիս Ամերիկան այլևս նորմալ պետության գործունեության օրենքներով չի ապրում («Վաշինգտոնում հիմա շատ անհասկանալի բաներ են կատարվում»,- իրավիճակը նրբանկատորեն բնութագրել է Դմիտրի Պեսկովը)․ այն ապրում է հայփերի՝ աղմկահարույց սկանդալների ներքին մահացու կռիվների օրենքով, և այդ օրենքը կարելի է ձևակերպել այսպես․ «Օրենքներ չկան»։ 

Այդ պատճառով էլ միջուկային տերության ներկայացուցիչների պալատի ղեկավարը՝ պետության առաջին դեմքերից մեկը, որն իբրև իր գաղափարախոսություն հռչակել է արդարադատությունն ու արդարությունը, ոչնչով չհաստատված «օպերատիվ տեղեկության» ի հայտ գալու փաստին արձագանքում է միանշանակ և գործնական քաղաքական հետևությամբ. պետք է պատժամիջոցներ սահմանել մեկ այլ միջուկային տերության դեմ, և դա պետք է անել անհապաղ։

Իսկ ԶԼՄ-ները, որոնք առանց երկար–բարակ խորանալու այդ տեղեկությունը նետել են հանրային տարածք, արդեն իսկ գործող նախագահին մեղադրում են այն բանում, որ նա «չի սիրում, երբ իրեն Ռուսաստանի մասին վատ բան են զեկուցում», այդպիսով նորովի մշակելով նախկինում բազմիցս տապալված` «Թրամփը Ռուսաստանի լրտեսն է» տեսությունը։

Ինչ վերաբերում է երկրորդ «օրվա նորությանը» , թե ԱՄՆ-ում օրական կորոնավիրուսով վարակվածների ռեկորդային՝ 50 000+ դեպք է հայտնաբերվում, ապա ապշեցուցիչ է, թե ինչպես են այս տեղեկությունը մեկնաբանում ամերիկյան ԶԼՄ-ները։

Ահա, օրինակ, ինչ է գրում Huffington Post հեղինակավոր պարբերականը․ «Վերջին բռնկման որոշ պատճառները կարելի է կապել մայիսի վերջին կայացած Հիշատակի օրվա միջոցառման հետ»։

CNN․ «Թրամփի հակադիմակային մոտեցումը վերադարձել է նրան խայթելու»։

The New York Times․ «Հարցումները ցույց են տալիս, որ բազմաթիվ ամերիկացի տղամադիկ դիմակ դնելը թուլության նշան են համարում, և նախագահ Թրամփի հրաժարվելը դիմակ դնելուց ենթադրում է, որ նա դա թույլիկների գործն է համարում»։

Ռուսաստանը չէ․ ով է ամերիկացիների «գլուխների» իրական որսորդը

Եթե ձեզ թվաց, որ վերլուծաբանության այս հզոր օրինակներում ինչ-որ բան բաց են թողել, ձեզ ճիշտ թվաց։ Դրանցում բացարձակ տաբու է դրված այն փաստի վրա, որ մայիսի վերջից մինչ օրս ամբողջ Ամերիկայում թքած ունենալով սոցիալական հեռավորության, տանը նստելու կոչի և մնացած ամեն ինչի վրա, բազմահազարանոց ամբոխներով քայլում են Black Lives Matter առաջադիմական և ճիշտ շարժման ներկայացուցիչները՝ կատարելով բազմաթիվ խորը սոցիալականացված գործողություններ. թալանում են խանութներ, հրկիզում շենքեր, ջարդում մեքենաներ, սպանում մարդկանց (այս պահին ամենահամեստ և ոչ լրիվ հաշվարկներով` BLM-ի հաշվին մոտ 25 դիակ կա), ծնկի են գալիս և լվանում փոքրամասնությունների ոտքերը։

Հարյուր հազարավոր, եթե ոչ միլիոնավոր ամերիկացիներ վճռականորեն թքած ունեն նախազգուշական միջոցների վրա և իրենց պահում են այնպես, ասես ոչ մի կորոնավիրուս էլ չկա։ Բոլոր կողմնակի դիտորդները նշում էին, որ դա պարզապես չի կարող ավարտվել այլ կերպ, քան հիվանդացության դժոխային բռնկմամբ, բայց երբ այդ բռկումը տեղի ունեցավ, պարզվեց, որ դրա մասին ճշմարտությունը բարձրաձայնել ուղղակի չի կարելի։

Ուստի առաջադիմական վերլուծաբանները քննադատում են ժողովրդի տոքսիկ առնականությունը (ժողովուրդն այն չէ), Թրամփի անպատասխանատվությունը և մայիսյան Հիշատակի օրը, բայց համառորեն չեն ցանկանում տեսնել մակերեսին լողացող, բոլոր շեփորները փչող և բոլոր հրդեհներով այրվող ակնհայտ իրականությունը․

Ինչ կուզեի նշել

Հիմքեր կան ենթադրելու, որ այս երկու օրինակները մեկ երևույթի ՝ մասշտաբային և սարսափելի երևույթի ախտանիշներ են:

Այն կարճ կարելի է անվանել «հուզական անվտանգության գաղափարախոսություն»։ Ըստ այդ գաղափարախոսության՝ գոյության իրավունք ունեն միայն այն տրամաբանությունը և այն փաստերը, որոնք չեն վնասում թիրախային լսարանի հուզական հարմարավետությանը և չեն հակասում նրա հայացքներին։

Չէ՞ որ թիրախային լսարանի համար ոչ մի նշանակություն չունի, թե որքան տխմար հնարանք է «ամերիկյան գանգամաշկերի համար վճարող ռուսների» մասին տեղեկությունը։ Եվ այն հարցը, թե իրականում որն է Ամերիկայում կորոնավիրուսի նոր բռնկման պատճառը, նույնպես նշանակություն չունի։

Մենք գործ ունենք «Օկկամի ածելու» ինչ-որ հրեշավոր էմո տարբերակի հետ, որի համաձայն` կարիք չկա որևէ երևույթի իրական մեկնաբանությունը փնտրել, եթե արդեն իսկ կա հուզականորեն ձեռնտու և ճիշտ մեկնաբանություն։

Ուստի «ցանկացած անհասկանալի իրավիճակում մեղադրիր Ռուսաստանին և Թրամփին»։ Դա, իհարկե, չի օգնի լուծել Ամերիկայի առջև իրապես ծառացած խնդիրները՝ համաշխարհային տխրահռչակ առաջնորդության կորուստն ու համաճարակի դեմ պայքարելու անկարողությունը։

«Ամերիկացիները կարծում են` իրենց հողն է»․ փախած գրոհայինը` Սիրիայի Աթ Թանֆ բազայի մասին

Փոխարենը դա կբավարարի ամերիկյան հասարակության ներսում առաջադիմական ուժերի մարտական կենսաուժին և ԱՄՆ-ի ներկայիս նախագահի հակառակորդներին թույլ կտա զսպել նրան։

Ի դեպ, այս ամենը տեղի է ունենում մի երկրում, որն ինչ-ինչ մարդիկ մինչև օրս մեզ օրինակ են բերում։ Չնայած, դատելով համաժողովրդական քվեարկության արդյունքներից ՝ Ռուսաստանի վրա արդեն դադարել է ներգործել «ինչպես Ամերիկայում» արտահայտության կախարդանքը։

Թալիբանն իսլամիստական ռազմաքաղաքական շարժում է Աֆղանստանում։ 2006 թ․-ին շարժումը ներառվել է Ռուսաստանում ահաբեկչական համարվող կազմակերպությունների շարքը, իսկ 2009թ-ի մայիսին ընդգրկվել ՀԱՊԿ-ի համանման ցուցակում։

Հաջողված հարված, կամ Ամերիկայի հեղափոխությունն ընդդեմ ռուս-արաբական հզորության` ճնշված է

4
թեգերը:
Թալիբներ, կորոնավիրուս, ԱՄՆ, Ռուսաստան, Դոնալդ Թրամփ
Ըստ թեմայի
Պատերազմ արձանների դեմ. ԱՄՆ–ում և Եվրոպայում քանդում և պղծում են պատմական ժառանգությունը
ԱՄՆ բնակչին 1 միլիոն դոլարի հաշիվ են ներկայացրել կորոնավիրուսից բուժվելու համար
Սիրիական խրոնիկա․ հարձակումներ ռուսական պարեկի վրա և ԱՄՆ ակտիվացում. ի՞նչ է կատարվում