Փրկարարների և բժիշկների ավտոմեքենաները

Երևանում պայթյուն է որոտացել

1468
Բունիաթյանի անվան կենսաքիմիայի ինստիտուտում տեղի ունեցած պայթյունից հետո է հրդեհ է բռնկել։

ԵՐԵՎԱՆ, 21 փետրվարի – Sputnik. «911» ծառայությունն այսօր` փետրվարի 21-ին, ժամը 12:36-ին ահազանգ է ստացել, որ Երևան քաղաքում՝ Պարույր Սևակի փողոցի թիվ 5/1 հասցեում գտնվող Հ. Բունիաթյանի անվան կենսաքիմիայի ինստիտուտի 5-րդ հարկի սենյակներից մեկում հրդեհ է բռնկել:

ՀՀ արտակարգ իրավիճակների նախարարությունը հայտնում է, որ դեպքի վայր է մեկնել Փրկարար ծառայության հրշեջ-փրկարարական ջոկատից մեկ մարտական հաշվարկ:

Պարզվել է, որ սենյակում (մոտ 30 քմ)՝ օդահեռացուցիչ սարքավորման (մոտ 5 քմ) մեջ, տեղի է ունեցել պայթյուն` հրդեհի բռնկումով: Դեպքի վայրում քիմիական նյութի արտահոսք չի հայտնաբերվել:

Հրդեհը մեկուսացվել է ժամը 12:51-ին, մարվել՝ 13:02-ին:

Ամբողջությամբ այրվել է սարքավորումը, տեղաշարժվել և մասամբ վնասվել են պատուհանները (2 հատ` յուրաքանչյուրը 4 մ երկարությամբ): Տուժածներ չկան:

1468
թեգերը:
ՀՀ արտակարգ իրավիճակների նախարարություն (ԱԻՆ), Հայաստան
թեմա:
Վթար, պատահար, սպանություն, գողություն (1424)
Ըստ թեմայի
«Նաիրի» բժշկական կենտրոնի տնօրենի տունը տակնուվրա են արել. ի՞նչ են գողացել իրականում
«Գազպրոմ Արմենիայի» աշխատակիցները կռի՞վ են գցել գիշերային փաբում. ընկերության պարզաբանումը
Կոտայքում 25–ամյա երիտասարդի դին գտել են ձորում