Ոստիկան, արխիվային լուսանկար

Հատուկ օպերացիա Երևանում. հերթական խոշոր չափի թմրաբիզնեսի դեպքն է բացահայտվել

261
Ոստիկաններն ու քննիչները հայտնաբերել են 25 հազար ԱՄՆ դոլար արժողության թմրամիջոց։

ԵՐԵՎԱՆ, 12 փետրվարի – Sputnik. Երեկ՝ փետրվարի 11-ին, Երևանում խոշոր չափի թմրամիջոցի տարածման հերթական դեպքն է բացահայտվել ։ Կասկածյալը իրանցի է։ Այս մասին հայտնում է shamshyan.com–ը։

Ոստիկաններն ու քննիչներն օպերատիվ տեղեկություններ ստանալով՝ մի քանի օր դարանակալել են Իրանի Իսլամական Հանրապետության մի քաղաքացու, որի տվյալները նախաքննության շահերից ելնելով՝ չի հրապարակվում, և երեկ Մալաթիա-Սեբաստիա վարչական տարածքից նրան Mercedes մակնիշի ավտոմեքենայով բերման են ենթարկել ոստիկանության Էրեբունու բաժին։

Տեղում զննության ենթարկելով ավտոմեքենան՝ իրանցու մոտ հայտնաբերել են խոշոր չափի սպիտակ փոշու նմանվող թմրամիջոց, որը ընթերակաների ներկայությամբ առգրավվել է։

Ոստիկաններն ու քննիչներն ունեն օպերատիվ տեղեկություններ, որ երեկ հայտնաբերված իրանցին միայնակ չի եղել։

Երեկվա հայտնաբերված թմրամիջոցը միջազգային շուկայում գնահատվում է մոտ 25 հազար ԱՄՆ դոլար, որի 1 գրամը վաճառվում է 200 ԱՄՆ դոլարով։

Կասկածյալ իրանցին քննիչի որոշմամբ ձերբակալվել է։

261
թեմա:
Վթարներ, պատահարներ, սպանություններ (803)